ســآعدوني الله يرحم وآلديكم ...

السلام عليكم و رحمة الله و بركآته ..


تكفون يآ أخوآن

أخوي يدرس في بولندا من 9 شهور في معهد و خلص المعهد بدرجة B1 و المطلوب B2 علشان ينضم لجآمعة بولي تيكنكا ( معترف فيها فيها الملحقية )
المهم انه فتح ملف بالملحقية علشان الانضمآم لكن و الله العظيم تعقد ولا أحد كلمه الى يومنا هذا
و رجع للسعودية علشان الامكانيات المادية مستورة و الدراسة بالخآرج مكلفة جدا ..
جمع بعض القروش و بيرجع يدرس في أمريكا على حسابه الخاص أيضآ ...


تكفون يآ أخوآن اللي يقرأ الموضوع و يقدر يساعدهـ للإنضمام للملحقية تكفون تكفون تكفون الله يرزقكم الجنة و الله يرحم وآلديكم نبي مساعدة :(

اللي له وآسطة أو قرآر أو يقدر يضمه لبرنآمج خادم الحرمين الشريفين لا يبخل علينا

الله يفرج كربك لكن اذااه صغير خله بالسعودية يدرس طب في كليات اهلية ..لان عندهم منح من التعليم العالي

جزآك الله خير الغالي لكن تخصصه هو هندسة كهربآئية و عمرهـ 25

ياليت ياخوي عندنا واسطة كان كلنا بغينا الانضمام ولكن مانقول الا الله يعينا جميع
ولكن خبر اخوك انه اقل مدة الزامية هي 4 شهور دراسة ولازم يكون في بلد الدراسة وقت الانضمام
والله يوفقنا جميع

عشان تعرف يا اخوي . قبل يطلع أخوك لازم يسوي كل هذي الاشياء عشان يضمن الانضمام للبعثة :

1- يفتح ملف للدراسة على حسابه الخاص من السـعودية بعد مايحضر قبول للغة وقبول من الجامعة وتكون معتمدة
2- يحضر مؤتمر الدارسين على حسابهم الخاص ( أٌقيم في جدة والان في الرياض وسيقام في الخبر قريبا )
3- يدفع للمعهد حق ست اشهر للدراسة مع السكن + الاكل + الجوال + المواصلات سواء كان باص أو غيره
4- يشتري تذكرة للبلد اللي راح يروح له له مثلا أمريكا ( ذهاب وعودة ) بشرط مايرجع للسعودية الا بعد انضمامه للبعثه .. لان بمجرد رجوعه ترفض الملحقية انضمامه
5- بعد وصوله لبلد الدراسة مثلا أمريكا يفتح ملف طالب من هناك

والله يوفقه يارب وينضم للبعثه قريبا

بالعكس لا يدفع حق ست شهور يدفع كل لفل بوقته عشان لا قفلو الملحقية الولاية زي ماصار لي مايتوهق لان بعد المعاهد ماترجع الفلوس.. وثاني شي رجعة السعودية عادي مافيها شي واذا يبي يتاكد اكثر يكلم الملحقية بتويتر .. وبس

Sent from my SGH-M919 using مبتعث mobile app

اخوي متسامح انا معك يدفع كل لفل لوحده ولكن قصدي انه يكون معه مبلغ حق ست اشهر عشان مايتورط
والشي الثاني رجعة السعودية تلغي الانضمام للبعثة وكثير صار لهم هالشي وتأكد

اهاا حلو .. ادري انه تلغي طلب الانضمام بالبعثه اذا انت برا امريكا بس اذا رجعت تقدم طلب انضمام عادي

Sent from my SGH-M919 using مبتعث mobile app

اذا رجع بياخذ الموضوع ويطول من جديد
فالافضل انه مايرجع الا بعد الانضمام
ومشكور اخوي على التفاعل .. والله يوفقك يارب
ويارب الكل يستفيد

جزآكم الله خير جميعا على رأسي كلكم ما قصرتوآ و بيض الله وجيهكم و الله يكتب لنا و اياكم الانضمام و التوفيق