ارجوكم لاهل الخبره يردو على اسئلتي وجزاكم الله خيرا

السلام عليكم ورحمة الله وبركاته

كيف الحال اخواني ان شاء الله تكونو بخير

احبتي في الله انا نويت السفر للخارج للدراسة اللغة الانجليزيه ثم الالتحاق في البعثه في امريكا
لكن يا اخواني والله ماني عارف من وين ابدا

باختصار شديد لكم ما اريد
مع العلم بان فلوسي ممكن تكون 40 الف والحال متدني بعض الشي

1- ارخص معهد لتعليم اللغة الانجليزية ويكون معتمد من قبل الجامعة عشان ما احتاج لاختبار التوفل او الاختبار الثاني مدري وش اسمه
2- ارخص مكان ممكن ادرس فيه من حيث المعيشه
3- كم تكاليف المعهد شهريا ومع العلم اني ساكون مقتصد باذن الله
4- كم تكاليف المعيشه شهريا
5- ماهي المدينة التي تفضلها لي او القرية المناسبة التي ترى انها مناسبة من حيث المال المتوفر معي
6- ماهو افضل مكتب اقدم له لكي استطيع ان احصل على قبول معهد وجامعه ( مايكونو نصابين ) في الغربية
7- انا خالي عايش في سان فرانسيسكو وقلت لو اسكن معاه هل المعيشه غاليه هناك ولو اشتريت سياره اروح واجي عليها هل البنزين غالي
او هل تنصحوني بهذه الفكره
8- ارخص قريه فيها جامعة ومعهد معتمد في رايك ؟
9- كم الفتره لقبولي في الملحقيه والالتحاق في البعثه ؟
10- هل هناك مشاكل تسبب في عدم إلتحاقي في البعثه غير ان اكون غير ملتزم بدوامي في المعهد والغياب الكثير
اريد معرفة هل هناك مشاكل في عدم التحاقي في البعثه اخاف اطلع واتوهق ( ارجوكم طمنوني من هالناحيه )
11- هل ترى مبلغ الـ 40 الف كافية اذا كنت مقتصد جدا ( جلدة بالعامية ) :)
12- هل ترى ان كندا افضل من امريكا او العكس و لماذا < مو تحقيق بس ابي اعرف كل شي :(
13- هل تخصص تقنية المعلومات في كل الجامعات ؟ لاني درست هندسة نظم وشبكات على حسابي في معهد واريد ان اتوسع في هذا المجال
14- هل المساجد متوفرة بكثرة وهل فيه عنصرية دينية او عرقية ؟
15- كم المبلغ المناسب للدراسة في المعهد شهريا ؟
16- شهريا كم يحتاج مصروف في قرية او فيه مدينة حتى ألتحق في البعثه من غير مصروف المعهد ؟
17- كم ايجار السكن مع العائلة اقل من الحد المتوسط من حيث الخدمات ؟


واعتذر اعتذار شديد على الاطالة لكن والله احتاج هالمعلومات وجزا الله خير من يرد على اسئلتي

وجزاكم الله خيرا

يالغالي انا ادرس في معهد أي ال اس ب 7 الاف ريال شهريا وساكن بغرفة ب 2300 ريال شهريا والجامعه قريبه 20 دقيقة امشيها وبالنسبه للمصروف الشخصي تقريبا 1300 بالشهر
انت شوف شيكاغو قريت هنا بالمنتدى فيها معهد سعره رخيص مره الشهر ب 400 دولار يعني اقل من 1600 ريال سعودي واذا حصلته معناته مبلغك راح يكفيك اكثر من سنة
وبالنسبة للقبول شوف الاخوان هنا بالمنتدى مايقصرون يجيبون لك قبول عشان توفر الالفين اللي ياخذهل المكتب اتمنى لك التوفيق

في معاهد تجارية حلوة ورخيصة , في واحد بشيكاقو وثاني بسان دييقو كلهم مرة رخيصين
ثاني شي حاول تشوف لك عايله توفر لك الاكل عشان ما تاكل من المطاعم لانه مكلف
ثالث شي ماقدر اقولك تكفي ولا لا , لازم انت تحسبها صح ( معهد + سكن + مصروف وفواتير )
فترة القبول للالتحاق تكون باذن الله بعد اكمال 4 شهور دراسة , تقدم طلب الحاق وتنتظر ممكن يخلص بسرعة وممكن يطول , كلها توافيق سبحان الله
نصيحة : لا تستعجل وادرس الموضوع زين وخذ وقتك ولما تحس انك فاهم كل شي توكل على الله