عندي مشكلة جدا معقدة! ومادري اش الحل؟!

اول شي بسم الله الرحمن الرحيم

ثاني شي : الله يوفقكم كلكم :)

ثالث شي المشكلة :

جيت امريكا من اربع شهور وعندي قبول مشروط في جامعة، وبديت ادرس في معهد للغة في كاليفورنيا معترف من الوزارة ، المهم بعد شهرين كلمت الجامعه انه انجليزيتي مره كويسه قلتلهم ابغا قبول نهائي ، وقلت عشان ابغ اسرع من حصولي على البعثة .

المهم الجامعه سولوي اختبار ونجحت اعطوني قبول نهائي ورفعت اوراقي للملحقية وراحت الرياض وبعدين اترفضت قالو لازم الجدول الدراسي ! كلمت الجامعه قالو مانقدر نعطيك الجدول لازم تبدا مرحلة الدراسة ولازم تدفع فلوس ! وتكاليف الدراسة الماجستير جدا مكلفة بصراحة ماقدر المهم قلتلهم ابا اجل الدراسة من سبتمبر اللي راح لجانيوري لاني ماقدر ادفع التكاليف وابغا انتظر البعثة ! وافقت الجامعة واعطتني قبول مشروط اول ماتخلص اللغة الله يحيك في جانيوري !

المهم رفعت طلب للملحقية بعد ما خلصت 3 شهور وتم رفض طلبي بسبب ما ارفقت الجدول الدراسي الجامعي اللي انا اجلته !

رفعت طلب مره ثانيه ووكتبت انه اجلت الدراسة وهذي تقارير المعهد لمدة 3 شهور ردت علي الملحقية ! لازم تخلص 4 شهور من اللغة ! وتم رفض الطلب

قبل اسبوع كملت اربع شهور وارفع طلب بالتقارير وكل شي كامل مكمل واتفاجئ الملحقية ترفض طلبي لسبب عدم ارفاق الجدول الدراسي الجامعي السبب القديم فماني عارف اش اسوي بصراحة!

ارسلت ايميلات مافي رد منهم اكلم الملحقية محد يرد

ياريت لو احد يعرف تلفون او اي شي او يساعدني كيف افهمهم اني اجلت الدراسة الين جانيوري وراسل لهم قبول مشروط وتقارير توضح وكل شي ويرفضو الطلب ! فماني عارف اش الحل !

انا مو قصدي اتهجم على الملحقية او على اي احد انا بس ابغ حل ؟! انا ادور حل اللي يقدر يساعدني جزاه الله خير

اسف طولت

اخوكم ايمن

هل يمكن يقصدون الخطة الدراسية ؟ او ايش ؟

مادري جربي غيري المرحلة الدراسية خليها لغه + جامعه

تعقيد هالملحقية والوزارة

الله يسهل لك ولي وللجميع

ممكن صحيح انك تغير المرحلة الدراسة , واذا تبي الاكيد كلم حساب الملحقية في تويتر واكتب كل هالكلام في ملاحظة وصورها ونزلها تغريدة وان شاء الله يرد عليك واذا مارد ازعجه

وبس

كلم حساب الملحقية في تويتر راح يساعدونك ّ!

طيب ممكن تفيدوني بحسابهم في تويتر ؟

وانا مرحلتي لغة + جامعة .

@SACM_USA
دعواتك بالانضمام العاجل :(