الانضمام للبعثة عن طريقة الدراسة في Community College (كلية مجتمع) + قصة معاناتي!

السلام عليكم ورحمة الله وبركاته ..

قبل ما أقولكم سؤالي ، راح أذكر لكم قصتي ومعاناتي اللي حصلت لي في أمريكا في عام 2012-2013 بعد ما قضيت سمسترين (Fall'12 & Spring'13) في جامعة قوية ولكن صار اللي صار ، أتركم مع سالفتي المتواضعة عشان توضح لكم الصورة:

أنا (وأعوذ بالله من كلمة أنا) كنت مبتعثة عن طريق أرامكو برنامج الCDPNE المشهور بالسي بي سي .. وبعد ما خلصت السنة التحضيرية في الظهران ورحت أمريكا ودرست في جامعة University of Colorado at Boulder بس للأسف صارت لي ظروف صعبة وطاح معدلي في الأرض وطردتني أرامكو في السمستر الثاني (قدر الله وما شاء فعل) وطردتني الجامعة أيضاً بس قالت لي روحي Community College (كلية مجمتمع) ترفعي معدلك وممكن ترجعي لنا بعد سنة كاملة وتكملي بس أرامكو الله يهديهم قالوا لازم أرجع في أسرع وقت عشان أوقع أوراق وكلام فاضي .. الحين أنا صار لي أكثر من 5 شهور من خروجي من أمريكا يعني الفيزا خلاص اختربت ولازم أقدم على فيزا جديدة بقبول جديد ، وقدمت على أكثر من 6 جامعات وكلهم رفضوني بسبب معدلي المتدني ما عدا جامعة واحدة قبلتني مباشرة لأنه كذبت في التقديم وقلت أن ما درست في أمريكا من قبل بس هذا فيه مخاطرة وطريقة غير قانونية وإذا صادوني راح يمنعوني من الدراسة في أمريكا نهائياً.

فقلت الحين مالي إلا ألعب على المضمون وأروح Community College أو بالأحرى كلية مجتمع زي ما قالت جامعتي القديمة وراح أدرس في سمسترين (Spring'14 & Summer'14) بعد ما تأكدت أن الساعات اللي راح أخدها محسوبة في الجامعة وتعتبر مواد هندسة عامة حالها حال المواد اللتي تدرس في الجامعات وأنا متأكدة من هالشيء وطبعاً عندي 3 خيارات في هالحالة وهو أن أخلص 30 ساعة وبعدها أحول لأي جامعة ثانية إذا حصل لي القبول بكالريوس أو الخيار الثاني أن أخلص سنتين (60 ساعة تقريباً) وبعدها أضمن لي مقعد في جامعة تتعامل معها الكلية وأكمل بكالريوس أو الخيار الثالث وهو أرفع معدلي وأرجع لجامعتي القديمة ، علماً أن أنا راح أدخل الكلية مباشرة بدون سنة لغة لأنه درجتي الايلتس 6.5 ودرجة الرياضيات في اختبار السات 620 ودرجة الثانوية 98 والقدرات 91 (ما شاء الله) وهذا يأهلني أن أدخل لأي جامعة لو ما صار اللي صار . وأنا كمان خايفة من أن إذا جيت أطلع الفيزا وفي المقابلة ممكن يرفضوني لأنه رحت جامعة أمريكية وجبت درجات سيئة وطردوني فهذا ممكن يسبب عائق لي بس راح أتوكل على الله وإن شاء الله خير .

عموماً سؤالي هو : هل راح أنضم للبعثة عن طريق الCommunity College علماً أنها معترفة فيها؟ وإذا نعم هل راح يعاملوني كأني طالبة جامعية (الانضمام يكون سريع في أقل من شهر) أم راح يعاملوني كطالبة لغة (لازم أخلص 4 شهور) ؟

والسلام عليكم ورحمة الله وبركاته ..

للرفعععععععععععععععععععععع للأهمية!

الكوميونيتي كولج غير معترف فيها بالتعليم العالي ولابد من الدراسة في الجامعة نفسها.

هذه الشروط موحوده في مةقع التعليم العالي.

موفقه

وليه ماقدمتي على دول ثانيه غير امريكا؟

الله يعينك ويوفق جميع الطلبه المبتعثين بإذن الله

الكوميونيتي كولج إلى بروحها نظامها زي نظام الجامعات وراح تنحسب لي ساعات جامعة ، راح أدرس فيها سمستر واحد أو سمسترين بالكثير وبعدها بنقل لجامعة معترف فيها .. يعني باختصار أنا مش رايحة لكوميونيتي كولج عشان أطلع بدبلوم لالالا أنا بروح كوميونيتي كولج آخذ كورسات نفس كورسات الجامعة (كالكولس وكيميستري وفيزكس وكومبوسشن وبرمجة ... الخ) عشان أرفع معدلي وبعدها أنقل لجامعة معترف فيها وآخذ الباكلريوس .. وبالنسبة لإصراري على أمريكا فهذا قراري وعندي أسبابي الشخصية :)

رفعععععععععععععععععععععععععععععععععععععععععععععععع عععع

يرفع للمرة الأخيرة !

بصراحه ماعندك ادنى فكره عن الموضوع لكن حبيت امر على موضوعك واقولك ،، الله يوفقك ويسهل لك امورك وإن شاء الله ربنا يفرجها عليك .

والله يفرجها علي وانضم للبعثه يارب

- - - مشاركة محدثة - - -

عفواً ماعندي **

اختي موضوعك جدا سهل بس يبيله شويه لف ودوران بس كل شي قاانوني

عشان اقدر اساعدك فيه شويه اسأله لازم اسالك
اول شي انتي الحين وينك في امريكا ولا في السعودية
هل عندك توفل ولا ايلتس؟
اذا عندك كم درجتك راسليني على الخاص ممكن اقدر اساعدك انا كان عندي اصحابي في السي بي سي ونفس وضعك حولوا على بعثه الوزاره بكل سهوله