الأعضاء الإشتراك و التسجيل

الملتقيات
ADs

بعد اربع ايام موعدي بالسفارة (ضروري)

بعد اربع ايام موعدي بالسفارة (ضروري)


NOTICE

تنبيه: هذا الموضوع قديم. تم طرحه قبل 1503 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AlM3A8B
    AlM3A8B

    مبتعث مستجد Freshman Member

    AlM3A8B الولايات المتحدة الأمريكية

    AlM3A8B , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى لغة , بجامعة معرفش
    • معرفش
    • لغة
    • ذكر
    • معرفش, معرفش
    • السعودية
    • Jul 2013
    المزيدl

    November 4th, 2013, 12:04 AM

    السلام عليكم ورحمة الله وبركاتة ..
    كيفكم ان شاء الله طيبين ..
    اخواني انا يوم الخميس الساعة 10 ونص موعدي بالسفارة اللي بالرياض ( ان شاءالله )
    يعني بعد اربع ايام ..
    انا جاي وفاتح الموضوع هذا بس عشان تعقبون عى اوراقي وتشوفون في شي ناقص منا ولا منا ولالا ..
    مكتوب بالورقة الطلبات ( طلبات السفارة الأمريكية )
    جواز السفر الأصلي .. صورة الجواز .. صورة من اخر مؤهل حاصل عليه المتقدم ..
    أن كان منقطعآ عن الدراسة مشهد العمل بعد التخرج ( ضروري جدا) كاتبينها بين قوسين !!
    كشف حساب بنكي انجليزي 3 شهور من الداعم او ضمان مالي من جهة الابتعاث
    صورة شخصية 5^5 مكشوف الرأس للرجال صفحة تأكيد النموذج DS160
    وصل بنك سامبا الأصفر النسخة الأصلية 608
    النسخة الأصلية من أستمارة الأي توني
    صورة من قبول المعهد او الجامعة
    وصل تسديد السيفز ووو صفحة تأكيد المقابلة ..
    وانا فصلت من الجامعة قبل ثلاث شهور عشان الدراسة برا وانا ناوي اجيب قبول جامعة بعد المقابلة عادي ولالا
    مادري يعني عادي اقولهم اني فصلت من الجامعة لانهم هم فصلوني اكاديمي عشان معدلي ماصار فوق 2 ويوم فصلوني سحبت ملفي وبس ..

    انا اول مدري منهو قالي لازم (كشف طبي ! وبرنت عن المخالفات مادري وش !!!!! مادري هل هالكلام صحيح او لا
    وو طالبكم تشوفون الاوراق هل هي هاذي هي ( ف ق ط ) ف ق ط فقط ....)) او في شي ناقص تكفون .. و شاكر لكم مجهودكم وتعاونكم
    مع العلم ان كل اللي كتبتة فوق من الجواز الين صفحة تأكيد المقابلة معي موجود ولله الحمد يعني كل اللي ابيه انكم تشوفون في شي ناقص ولالا وشكرا ..

  2. ~









    أولآ / وعليك السلآم ورحمةة وبركآته ...
    لآعجباً منك هذآ الإرتبآك فَ كُلنا ممرنا في هذهـ التجآربةة ..
    أخي ـآلفآضل الأمور اسسهل من مآ انت متصور بكثير وبمرآحل ..
    تفآجئت من جميع المستندآت التي طرحتها في الحقيقة ..
    سوف ابدآء لك بأهم المستندآت
    1 _ المهم هو جوآز السفر حتى تتمكن السفاره من اصدآر التأشيره على جوآزك هذا اهم الستندآت
    2- صوره 5*5 وايضا اجعل معك صوره اخرى لآن الشخص الذي يقآبلك سوف يطلب منك صورة لكي يصورها في جهازه من الضروري هذه الصوره ..
    3- قبول المعهد فقط ولا داعي لقبول الجامعة ابداءً
    4 - الشهآده البنكيه موضح فيها رصيدك لا مشكله ان تأتي بكشف حساب لوالدك ( الهدف من كشف الحساب حتى يشاهدوا انك على اتم الاستعداد بالانفاق على نفسك عند الوصول الى البلاد ) ولا تكون مشرداً هناك وهذا هو الهدف
    5- الورقة التي تثبت مقابلتك في هذآ اليوم والسآعه

    * اما بقية المستندآت ليس لها اهميه اكثر من التي طرحتها عليك
    لان كل شي مسجل في الجهاز لديهم ..
    خذ معك الاصل الخاص ببنك ساما ( للاحتياط فقط )
    هذي هي المستندآت المطلوبه ....


    والمقآبلة جداً اسهل ممآ تتصور والله الموفق
    7 "
  3. يااحلو اللي مثلك يريح الواحد ياعبد الله بن فهد .. بس يسئلوني انا فصلت من الجامعة ولالا ؟؟ يقولون لي انت مفصول من الجامعة او انت سحبت ملفك ؟؟ يقولون لي ليش مادرست بهالفترة؟؟ او شي ؟ يعني يسئلوني اسئلة تربكني مثل هاذي مادري وش اجاوب عليها ابي تكون عندي خلفية عن الأسئلة اللي تجيني وش الافضل اني ارد وش اقول ااذا سئلوا عن الجامعة او ليش مادرست بهالفترة وش اقولهم
    7 "
  4. ~








    ـأخوي الله يحفظظك جميع هذآ الاسأله لن تُطرح عليك اثنآء المقابلة ابداُ
    المققآبلة لن تأخذ اكثر من 3 دقائق الى 5 دقائق بالكثير
    هم سؤالين سوف يطرحونها عليك
    * هل انت موظف ( طبعا الاجابة تكون لا )
    راح يسألك حسنا ومن الذي سوف يقوم بتكفل مصآريفك الدراسيه هناك
    انت تظهر له الشهاده البنكيه ان كانت بأسم ابوك وهذا افضل تقول له ان وآلدي هو الذي سوف يتكفل بمصاريف دراستي
    راح يسألك سؤال بعدها مباشره وما عمل والدك ( قل له وظيفة والدك )

    والحمد لله انتهت المققآبلة سوف يقول لك خلال اسبوع سوف يتصل عليك مكتب ارمكس لكي تستلم جوآز سفرك ...

    والله لا تسستآهل كل هذهـ الآسآله ...

    تمنيآتي لك بالتوفيق ...
    7 "
  5. المشاركة الأصلية كتبت بواسطة AlM3A8B
    يااحلو اللي مثلك يريح الواحد ياعبد الله بن فهد .. بس يسئلوني انا فصلت من الجامعة ولالا ؟؟ يقولون لي انت مفصول من الجامعة او انت سحبت ملفك ؟؟ يقولون لي ليش مادرست بهالفترة؟؟ او شي ؟ يعني يسئلوني اسئلة تربكني مثل هاذي مادري وش اجاوب عليها ابي تكون عندي خلفية عن الأسئلة اللي تجيني وش الافضل اني ارد وش اقول ااذا سئلوا عن الجامعة او ليش مادرست بهالفترة وش اقولهم
    اخوي ... صباح الخير .. مع التحية ...

    بالنسبه للأوراق أحيان تلقى ناس تحتاط وتاخذ أوراق ماله لزوم وإنما تأخذ إحتياطية ...

    بالنسبة لي انا أخذت معاي التالي :
    1- الشهادة الدراسية وصورة منها
    2- الجواز الجديد والجوازات القديمه وعددها 2
    3- إيصال البنك ( الورقة الصفراء + ايصال تسديد السيفيس )
    4- عدد صورتين شخصيتين
    5- كشف حساب لي
    6- كشف حساب للوالد وورقة ضمان مالي .
    7-ورقة تعريفه لأني موظف في وقت المقابله .
    8- ورقة الموعد اللي رسلوها لي على الايميل .
    9- ورقة تأكيد تسليم الطلب الخاص بالفيزا DS-160.
    10- I-20
    11- كذا ورقة ناسيها شنو هي .

    طبعاً كل اللي أخذته كان للإحتياط بس لما وصلت للسفارة طلبو .
    1-I-20
    2- الجواز
    3- ورقة تسديد رسوم الفيزا .
    4- ورقة الموعد فقط

    وكانت المقابله 3 دقائق وكأنها دردشه مع زميلك وهي مجرد اسئله ...

    وين بتروح ؟ أي ولايه ؟ وش بتسوي ؟ شنو اسم الجامعه ؟ والأسئله الثانية كانت اسئله خاصه فيني وعاديه بالمرررررررررررررررررررررررررررررره

    عمومها هذا لمجرد التوضيح والله يوفقك وتحصل على الفيزا ...
    7 "
  6. الله يوفقك وييسر لك.. ومثل ما قالك الأخ ( FHAD 3BDULLAH bn ) الأمور بسيطة وما تحتاج كل هذي الربكة

    لا زود على ما قالوه الشباب،أهم اسم المعهد والولاي والمدينة لا بد تكون حافظها زين .
    إذا كان الضمان باسمك مكن يسألونك من وين لك هالمبلغ تقولهم الوالد أعطاني منحة مالية للدراسة، ( عبارة مهمه جداً ) لأن لو قلت لهم أن مجمعه أونت ما كنت تعمل بستغربون ..!!


    وبتتسر بإذن الله
    7 "
  7. السلام عليكم
    اخوي كلامك كله صحيح اللي ذكرته من الطلبات واحتمال كمان مايخذون لا الصورة ولا ال CD لان الصورة موجودة في الموقع DS160

    السفارة بجدة سالتني عن بعد المعهد ايش بتسوي قلت لها بدرس وقالت ما الدليل اعطيتها القبول الجامعي

    اهم شي اهم شئ اهم شئ

    لا تذكر لهم انك فصلت من الجامعة نصيحة مني والله اعرف ناس اندمرت حياتهم بسبب هذي الكلمة لا تذكر سيرة الفصل ابدا ابدا ابدا والجامعة اذا ختمت على شهادتك انك مفصول بسبب معدلك طائح اعرف انه مستحيل تطلع امريكا لو طلع براسك قرووون

    عن تجربة شخصية جدا جدا جدا من ناس اعرفهم


    وافضل انك لا تذكر لهم انك درست بجامعة ابدا

    وانا قلت لي السفاره بجدة ليش لك خمس سنوات ومافكرت تدرس الا الان على طول علمتهم اني موظف وقالت ما الدليليل اعطيتهم تعريف براتب
    7 "
  8. لا تنسى I 20 أنا شخصيا طلبوه مني وسداد سامبا وقبول المعهد والجواز طبعا وبس وانا كنت حامله معاي كل شي واهم شي لاتتوتر ولا تخاف وجاوب على قد السؤال هههه انا سألتني وين بتدرسي؟ على حساب من؟وين يشتغل؟كم معدلك في ثانوي؟وش بتدرسي اذا تخرجتي من المعهد؟واستلمتها بعد 5ايام
    وبالتوفيق لي ولك وللجميع انشاء الله

    ( تمت المشاركة باستخدام تطبيق مبتعث )
    7 "
  9. السلام عليكم ورحمة الله

    اول شي لازم يعرفه كل شخص انو لايقدم معلومات اكثر من المطلوبة في السؤال
    ثاني شي جيب كل الاوراق المطلوبة في ورقة التاكيد ع الموعد وزيد عليها برنت الجواز القديم اذا فيه وتعريف عمل اذا تشتغل

    وراح تتفاجئ انهم ماراح ياخذون منك الا ٤ اوراق
    الاي توني
    تاكيد تعبئة نموذج الفيزا
    دفع رسوم السيفيس
    الضمان المالي
    وطبعا الجواز

    الايصال تبع سامبا ماطلبوه ولاخذو الصور!! .. وكل هالاحتياطات السابقة عشان تتجنب الورقة الصفرا بكل الطرق

    مقابلتي انا وزوجي كانت سهله جدا اكثر مما تصورت الحمدلله
    الموظف اول ماشافنا على طول ابتسامتة عريضة وسألنا شكلكم تو متزوجين
    كلنا : يس
    وخذا الاوراق
    الموظف : فلانة
    انا : نعم
    الموظف : فلان
    زوجي : نعم
    الموظف : وين رايحة تدرسين يافلانه
    انا : الولايه ، المدينه ، اسم المعهد < قلتها مع بعض عشان ابين اني واثقة وعارفه وين بروح
    الموظف : وش خطتك بعد اللغة
    انا : بكمل ماستر
    الموظف : اي تخصص ؟
    انا : ادارة ماليه
    الموظف : تحبين الفلوس شكلك هههه
    انا : اكيد هيهي
    الموظف : فلان
    زوجي : نعم
    الموظف: بتدرس لغة بتفس المعهد
    زوجي : نعم
    الموظف : بتكمل دراستك زيها ؟
    زوجي : اكيد

    طقطق شوي ع الكمبيوتر وراح شوي مدري وين بعدين رجع وشرب قهوة ههههههه قهوة عربي مدري من جايبها له وناظرتا بابتسامة وقال فيزتكم مقبولة مبروك من الفرحة بغيت اقول صب قهوة اجل ههههههه

    طبعا نصيحة لك لاتجيب طاري الجامعة وانك فصلت وهم ماراح يهمهم اصلا هذا ممكن يسالونك عن اقاربك هنا وهناك بين بس ان امك وابوك عايشين وابوك مرتبط ببزنس هنا سالو خويتي هالسوال


    واخر شي اكثر من الاستغفار يسر ربي لك كل عسير



    ( تمت المشاركة باستخدام تطبيق مبتعث )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.