بنات وشباب بعد إتمام 4 أشهر بإعتقادكم كم المدة الكافية من الايام للإلحاق بالبعثة ...

اخ علي شكلك تقول كذا بناءً على الواسطه اللي عندك


( تمت المشاركة باستخدام تطبيق مبتعث )

هههههههههههههههااااي قال شوو قال ١٠ ايام 😂😂😂😂ً. انت تفتي من راسك ولا وش ... لايكون ولد العيسى انت وحنا ماندري ( ١٠ ايام ) ههههههههاي <~ بررب بكمل ضحك وارد اقرا كلام الاخ من جديد عشان اضحك بعد


( تمت المشاركة باستخدام تطبيق مبتعث )

انا قراري من تاريخ الطلب الي ان جت الموافقة بالبريد الالكتروني أخذ تقريبا 11 يوم بلا مبالغة و بدون اي واسطة او متابعة. طبعا الاوراق كاملة و بدون اي نقص علما اني كملت شرط ال4 اشهر (3 بمعهد+1 شهر بالجامعة).


تفائلوا بالخير تجدوه

والله ياشباب للي يضحك ويحب يكثر ضحك يضحك


انا الكلام الي قلته واقعي جدا

اذا جلست 4 شهور على حسابك الخاص تدرس وجبت تقرير دراسي حق 4 اشهور من المعهد والمعهد يكون تابع لجامعه معترف بها

وقدمت الطلب واوراقك سليمه ماتطول عند الملحقيه يمكن اسبوع او اسبوعين ويجي قرار الحاقك

لاكن لما تكون انت تبي تدخل تخصص مقفل وعندك مشاكل هذي شي ثاني

انا جلست 4 شهور وابتعثت الحمدلله و واسطتي ربي ..

وغيري جلس 9 شهور وماابتعث .. يعني هي على حسب اوراقك وتوفيق ربي لك ... بس اهم شي انجز اوراقك كلها

معهد جامعي + تخصص معترف فيه .. تخصص مو متكدس ..4 شهور لك في امريكا = الحاق بالبعثه بأذن الله

ولا احد يسوي لي فيها انه فاهم الوضع انا ماعندي مشكله انزل صوره من قرار الحاقي وانا لي 4 شهور من دخولي امريكا .. قدمت للملحقيه تقرير 3 شهور وتخصصي وكل اوراقي سليمه واقبلوني

اخواني ... الحمد لله على كل حال ... وتفائلو بالخير ...

وترى السالفة توافيق بإذن الله والواحد ياخذ بالأسباب ويرتب اوراقه ويكون وضعه سليم ولا يخلي شيء ناقص ... ويحاول يستوفي الشروط ...

الله يوفقك الجميع ...

والله انك صادق المشكله ان الي هنا يحاولون يحطمون الواحد ويصعبون المسأله عليه وهي سهالات ان شاءلله

اهم شي استوفاء الشروط والبتعثه تجيك ان شاءلله


امين يارب ويوفقك يارب

السلام عليكم ....

يا اخي شوف العالم اللي مسوين طلب انضمام ومخلصين كل الشروط الحين جالسين لهم شهر وشهرين وثلاث حتا ( وهالمعاناه موجوده بالمنتدى ذا بالتواريخ والتحديثات )

ثانيا ... اللي شملهم المكرمه الملكيه جلسو شهر على مايضمونهم هههههاي ١٠ ايام صعبه والله شوي ترى


( تمت المشاركة باستخدام تطبيق مبتعث )

انا معاك اخوي والله انا معاك ب رأيك لاكن مو الكل كذا

والله فيه ناس ابتعثت بدري وفيه ناس تاخرت

انا ابتعثت بعد 4 اشهور من دخولي امريكا وخويي جاي معاي بنفس وقتي ابتعث بعدي ب 3 شهور

يعني فيه فرق كبير ... الي انا اقصده من كلامي ان لاتخطي هالكلام يصير ضدك .. خلك طموح وقدم اوراقك للملحقيه اذا اوراقك سليمه وكامله بعد 4 شهور وعندك قبول وكل شي

تنضم مافيها مشكله

لاكن فيه ناس تجلس تدرس 4 شهور وبعدين تقدم عالبعث وهم ماعندهم قبول جامعي وتخصص مفتوح ..ف يطول وهذا الي صاير حاليا مع 50% من اخوياي الي جو معاي بنفس الدفعه

من متابعتي للمنتدي و ما حصل لي شخصيا لاحظت ان نوعية الجامعة و تكدس الطلاب في اي تخصص تفرق في سرعة القبول . و كذلك المدن المرغوبة لدي الطلاب.

كذلك من بعض المشاركات القبول المشروط يؤخر عملية البت في القرار.

الاكيد اذا استوفيت الشروط و من جامعة و تخصص جيد و قبول نهائي مباشرة, فبأذن الله بتتيسر لك بسرعة و دائما و ابدا تفائل بأن الله يكتب لك الخير حتي و ان تأخر.

الامر يحتاج إلى قرار شجاع