استفسار باخذ قرض وبسحب على البنك !

اهلًا بك،،

مناحية البنك اكثر شي يقدر يضرك فيه يرفعوا اسمك في البلاك لست فقط.

وظروري تأخذ إخلاء طرف من جهة عملك وتتأكد اسمك محذوف

في التأمينات لكي تنظم في عضوية البعثة.

موظف سابق في مصرق عفواً مصرف الراجحي(:




( تمت المشاركة باستخدام تطبيق مبتعث )

الحلال طيب وانا اخوك ..

بعد اذن صاحب الموضوع ..انا تقريبا نفس المشكله بس ماكنت ناويه اتهرب بس استقلت وماعاد اقدر اسدد القسط الشهري ..لي تقريبا شهرين ف متى رح اصير فالبلاك لست لاقدر الله
( تمت المشاركة باستخدام تطبيق مبتعث )

بعد ثلاث شهور يرفع اسمك الى البلاك لست

اخوي العزيز ...

فكرة الخروج لإكمال الدراسة شيء جيد ولكن إني ابني شيء على شيء غلط فهو غلط ...

ترى القرض هو سلف ... وشرعاً مايجور لك انك تماطل في السداد الا لظروف قاهره والشيء اللي انت فيه هو ظرف غير قاهر ...

بحكم وظيفني انا اقولك ان الشركة ملتزمة بعد استقالتك او انهاء خدماتك بتحويل مستقات نهاية خدمتك للبنك لان ورقة تثبيت الراتب هي تعهد من الشركة بعدم تحويل الراتب لبنك آخر واشعار البنك بنهاية خدمة الموظف في حال الاستقالة او نهاية الخدمة مع تحويل مستحقات نهاية خدمتك للبنك ...

طبعاً لما تماطل عن دفع القسط سيقوم البنك بالإنتظار 3 شهور متتالية ليقوم البنك بالرفع بإسمك ل سمه وبعدها سترسل المعاملة لقسم التحصيل في البنك وسيتم محاولة االاتصال عليك وعلى الشركة لمعرفة سبب عدم نزول الراتب طبعاً الشركة راح تقول للبنك ان انهينا خدماته فيبتدي البنك يبحث عنك لمخاطبتك ومحاولة التوصل معاك الى حل للتسديد طبعاً بعدها البنك يرفع عليك قضية ويبتدي المسلسل طبعاً كل بنك وله سياسة ...

من واقع تجربه ومعرفه شخصية ان شخص اخذ قرض من احد البنك وطلع وليومك حول سنه وعليها ولا سدد ولا اشوفهم سوو له اي شيء واللي يقولك انه بيمنعونك من السفر لا تصدقه واللي يقولك ان وان وان وان لا تصدقه .. يعني الشيء لا احد يكبر لك السالفة اكثر مما تتصور الشيء اللي ممكن مستقبلا يقرونه هو ايقاف خدمات لك يعني ماتجدد شيء لا رخصه ولا بطاقة احوال ولا جواز لكني استبعد هالشيء واللي اعرفه ان مبتعثين كثير عندهم نفس السالفة ...

لكني كنصيحة واشوفها انك لصالحك وحقانيا انك لازم تسدد والله بيوفقك اذا فكرت بهالتفكير ...

طبعاً انت بتاخذ القرض 80 الف وخلنا نقول ان قرضك على 5 سنوات وقسطك 1500 ريال وخلنا نقول نهاية خدمتك بعد الاستقالة هي 10000 ريال .. طبعاً كل هذا افتراضي ..


وابيك تقسم القرض لقسمين 50 ألف و 30 ألف
50 ألف للدراسة
30 ألف لتسديد قرض

بمعني 10000 نهاية الخدمه + 30000 جزء من القرض =40000/1500 = 26 قسط يعني سنتين وشهرين

لما البنك يحجز 10000 ريال يعني ريحك وخلاك تسدد 6 اقساط تقريبا وبعدها اودع كل شهر القسط الشهري

انت بتكون مرتاح عندك 50 ألف تقدر تتحرك فيهم وتدرس 6 شهور بأمريكا في ولاية رخيصه

وبكذا حققت هدفك وسددت جزء كبير من قرضك ..

طبعاً اذا الحقت بالبعثه راح تكون مكافأتك 1850 دولار وراح يكوت القسط الشهري منها 400 دولار

تقدر تكمل قرضك وانت تدرس وصدقني عن حلال وحرام ويجوز ومايجوز راح يكون بالك مرتاح ولا بتكون لا في بلاك لست ولا عليك قضية ...

هذا رايي لك ونصيحتي والله يوفقك ويسعدك ..

انا نفس حالتك بخلص الدراسه وبعدين ارجع اقسطهم اهم شئ النيه انك بترجعها لهم

اخوي والله انك ريحتني الله يجزاك بالخير وصدقني نيتي 100% اني بسدد البنك ولا بطنشة بس والله الظروف ذبحتي وانا بوفر للبنك تقريبا سنة كاملة تسديد وبسنع الامور لين ان شاء الله انظم للبعثة وبعدها ابداء اقسط من البعثة والدراسة

الله يسهلها للجميع

1-اخوي انت ماخذ القرض على اي بنك ؟

2- ايضا اذا لك حساب لنفرض مثلا في بنك الاهلي وكان فيه فلوس تقريبا 5000 ريال هل بنك الراجحي يقدر يوصل لها ؟

3-وايضا سمعت بان مثلا انا اخذت من البنك 80 الف ريال وماسددت لهم سحبت عليهم قال لي واحد اذا سحبت عليهم ممكن يزيد عليك القرض ويصير بدل ما ينزل لك بالسالب 80 الف ممكن تصير 100 الف هل هذا صحيح يقول ( متاخرات تسديد )

اتوقع بان كلامة غلط ايش رائك ؟

ماقصرت فديتك عز الله كفيت ووفيت .. ونعم مابني على باطل فهو باطل .. !

وأي اتفاق سواء كان على ورق أو كلام .. مخالفة المسلم لهالاتفاق بدون علم مسبق للطرف الاخر .. فهذا لايجوز ..
قال تعالى " واوفوا بالعهد إن العهد كان مسؤلا" ..
وقال تعالى " يا ايها اللذين امنوا اوفوا بالعقود " ..

واخوي عبدالله ماقصر برده ..

اما بالنسبه لمنع السفر .. فلا يمنع احد من السفر الا اذا كانت الشركه حكوميه !

مثل الاتصالات سابقاً كانت حكوميه .. واي شخص ماكان يدفع فاتورة الجوال كان يمنع من السفر او تجديد الجواز او البطاقه يعني معاملاته الحكوميه تتوقف حتى يسدد اللي عليه .. مثلها مثل المخالفات ..
بس بعد مانزلت شركة موبايلي اصبحت الاتصالات شركه خاصه ..

والبنوك تعتبر شركات خاصه وليست حكوميه ....

بكل الاحوال .. مثل ماقلت لك سابقاً "الحلال طيب وانا اخوك"..

فإذا تبي الله ييسر امورك حاول بقدر الامكان انك تبتعد عن مثل هذه الامور وتدور طريقه اخرى .. حتى ربي ييسر امورك ..

اخوي محمد فهد

والله بجد مافي غير الحلال

وانا برجعها لهم

بس الظروف اللي حدتني لهم وانا اخوي مابليد حيله