رد: | . . مـتـابـعة طـلـبات الإلحاق لدى الوزارة . . | (٢)
والله مو لاقي الفله الا اصحاب الواسطات
يجي هنا مايدري وين ربه قاطه مايعرف A من B واقل من اربع شهور وينضم وحظورة يصل 80%
والمجتهد يدق الله لايهينه فوق الاربع شهور مثلهن ويحب يده وجه وقفى انهم الحقوه بالبعثه
الا حسبي الله على الظالمين
والله قهر اخوي بيكمل 8 شهور وكل شوي يأخرون معاملته واللي معه يقول بالشهر الثالث انضمو عشان الواسطه
انا من شهرين ونص ومعاملتي رافعها والى الان مو راضين يلحقوني بالبعثه
حسبي الله عليهم
فيه ناس يقولون رزق ووو . نقول اوكي رزق مانقول شي لاكن لاتحط قدامي جبال من المعوقات والثاني تخلي طريقة سهل ((هذا ظلم))
الا لعنة الله على الظالمين واللي مايحسون بأخوانهم المسلمين
رد: | . . مـتـابـعة طـلـبات الإلحاق لدى الوزارة . . | (٢)
والله من جد طلعت الكلام من قلبي ,, انا مثلك اسبوع الجاي اكمل شهرين من قدمت
الله يسسسهل علينا يارب :(
رد: | . . مـتـابـعة طـلـبات الإلحاق لدى الوزارة . . | (٢)
اقتباس:
المشاركة الأصلية كتبت بواسطة Malkiiik
الحمدلله حتى يبلغ الحمد منتهاه
الدعواات ماتنرد من رب العالمين
الحمدلله يارب
جانتي رسالة بقرار الابتعاث قبل شوي وفي يوم ميلادي 12 فبراير
عقباالكم ياارب , اخلصوا النية وادعوا ربكم في جوف الليل وبإذن الله اموركم تتيسر
وهذا سير المعامله
طالب تم إنشاء الطلب الطلب تحت الدراسة 31-12-2013
الملحقية الثقافية موظف التسجيل الطلب تحت الدراسة 03-01-2014
الملحقية الثقافية موظف التسجيل الطلب تحت الدراسة 11-01-2014
الملحقية الثقافية مدير التسجيل الطلب تحت الدراسة 11-01-2014
الملحقية الثقافية الملحق الثقافى تم إرسال الطلب للوزارة 11-01-2014
الإدارة العامة للبعثات معالجة الطلب من قبل الموظف المختص الطلب تحت الدراسة 17-01-2014
الإدارة العامة للبعثات تدقيق الطلب الطلب تحت الدراسة 20-01-2014
الإدارة العامة للبعثات تقييم الطلب من قبل اللجنة الطلب تحت الدراسة 20-01-2014
الإدارة العامة للبعثات تدقيق القرار الطلب تحت الدراسة 22-01-2014
إدارة الجودة الضبط والتحقق الطلب تحت الدراسة 12-02-2014
اظهار القرار إظهار نتيجة القرار اغلاق 12-02-2014
الف الف الف الف مبرووووك ترليون مبروككك عقبالنا ان شاء الله
ايه هذي الاخبار الكويسه اللي تعطينا امل
و الله يعينك على برد هالولايه لووول
رد: | . . مـتـابـعة طـلـبات الإلحاق لدى الوزارة . . | (٢)
هو أكيد فيه حظ وفيه واسطه
يعني في ناس تقدم الطلب وتجيهم الانظمام يوم ثاني بالحظ او بالواسطه
اللي بالواسطه ربكك بيعطيه حقه واللي حظه شي جا له من ربه ومانحسده
انا ارفضو لي طلب والحمد لله قدمت على الثاني ووصل الآن الى ادارة الجوده من تاريخ 2014-2-5
وفي انتظار ومتفائل ان مع نهاية الاسبوع او بداية الاسبوع الجاي راح يتحرك بأذن الله
واللي يقول وين نتفائل ولا طفرنا ولا مشاكل
تراني للحين مادعت للمعهد وكل يوم انذار منهم وكل يوم عندهم افهمهم الوضع وعطوني فرصه لين 2014-3-13 اذا ماسددت بيصكوني هولد
والوضع ماشي عندي اهم شي تركيزي في الدراسه ومن اليوم الين ذاك اليوم ربكم يسهل
1 مرفق
رد: | . . مـتـابـعة طـلـبات الإلحاق لدى الوزارة . . | (2)
الحمد لله يارب الحمد لله يارب جاني الانظمام وعقبــــاال الباقين يارب
رد: | . . مـتـابـعة طـلـبات الإلحاق لدى الوزارة . . | (٢)
استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً
وقال تعالى( ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شيء قدرا)
👆 اكثرو من الاستغفار و اكثرو من قرائه هذه الايه بعد كل فريضه
وحبذا لو قرائه أيه الكرسي ثم ٣٤ مره الله أكبر
، ٣٣ مره الحمدلله ، ٣٣ مره سبحان الله ثم سوره قل هو الله أحد ٣ مرات والصلاه على النبي وآله ٣ مرات ثم الايه ( ومن يتق الله يجعل له مخرجا) الى اخر الايه ٣ مرات بعد كل فريضه
واتمنى لكم التوفيق والصلاح للدنيا والاخره
اللهم صل وسلم على سيد الخلق محمد وعلى آله الطيبين الطاهرين وعلى أصحابه الأخيار الميامين
نسألكم الدعاء
( تمت المشاركة باستخدام تطبيق مبتعث )
رد: | . . مـتـابـعة طـلـبات الإلحاق لدى الوزارة . . | (٢)
اعتقد يـ اخوان يمشون بالترتيب بالتواريخ .. لان لو ترجعو لـلخلف شوي بتلاقون الي انظمو الاسبوع الي فات كانت اوراقهم في ادارة الجودة من تاريخ 21 والاسبوع هذا 22 وهـكذا..
والله اعلم ممكن يكون تخميني صواب وممكن خطأ
نصيـحه يـ اخوان الي اوراقه من فترة في ادارة الجوده يتصل على هذا الرقم 0112688999 وتحويلة 7055 او 7054 ويستفسر .. انا اوراقي جلست ٢٢ يوم في ادارة الجودة ودقيت عليهم امس .. وطلبو رقم الهويه واعطيتهم .. وقال ان اليوم اخر يوم للتحديث ( مادري وش يقصد بالتحديث ايش ) المهم وقال ان الاوراق ان شاء الله راح تمشي خلال اليومين
والله ماكملت ساعه من قفلت المكالمة .. واشيك على الموقع الا وتتحرك لـ اظهار القرار ، ونمت وصحيت لقيت اظهار نتيجة القرار : قبـول
فـ جربو حضكم ودقو واستفسرو عن المعاملة وافضل وقت تدق عليهم مابين الساعه 10 الى 11 ونص الظهر بتوقيت السعودية
والله يوفقــكم جميعاً
رد: | . . مـتـابـعة طـلـبات الإلحاق لدى الوزارة . . | (٢)
اقتباس:
المشاركة الأصلية كتبت بواسطة lazialy
والله مو لاقي الفله الا اصحاب الواسطات
يجي هنا مايدري وين ربه قاطه مايعرف A من B واقل من اربع شهور وينضم وحظورة يصل 80%
والمجتهد يدق الله لايهينه فوق الاربع شهور مثلهن ويحب يده وجه وقفى انهم الحقوه بالبعثه
الا حسبي الله على الظالمين
والله قهر اخوي بيكمل 8 شهور وكل شوي يأخرون معاملته واللي معه يقول بالشهر الثالث انضمو عشان الواسطه
انا من شهرين ونص ومعاملتي رافعها والى الان مو راضين يلحقوني بالبعثه
حسبي الله عليهم
فيه ناس يقولون رزق ووو . نقول اوكي رزق مانقول شي لاكن لاتحط قدامي جبال من المعوقات والثاني تخلي طريقة سهل ((هذا ظلم))
الا لعنة الله على الظالمين واللي مايحسون بأخوانهم المسلمين
اخي المريم وجميع أخوتي في هذا المكان
لو اجتمع الانس والجن على أن يمنعو رزقاً كتبه الله لك لن يستطيعو ولو كانو على قلب رجل واحد
قل أفوض أمري إلى الله إن الله بصير بالعباد
وثق إن الله سيعطيك ما يصلحك مهما رأيته خير أو شر
فالحياه دروس لنتعلم منها ونصلح أنفسنا
وبالعاميه سو الي عليك والي تقدر عليه والباقي على الله
موفقين جميعا
( تمت المشاركة باستخدام تطبيق مبتعث )
رد: | . . مـتـابـعة طـلـبات الإلحاق لدى الوزارة . . | (٢)
كيف اتصل على الوزاره من أمريكا ايش افضل طريقه ..
( تمت المشاركة باستخدام تطبيق مبتعث )
رد: | . . مـتـابـعة طـلـبات الإلحاق لدى الوزارة . . | (٢)
انا في كندا ومادري عن امريكا ايش الطريقة .. لكن روح 7 Eleven واطلب بطاقه للاتصال الدولي اعتقد انها موجودة في امريكا ..