| . . مـتـابـعة طـلـبات الإلحاق لدى الوزارة . . | (2)

محد دفعلي وترا الرقبة ما خفت عليها الا من الي حطها وردوكم تدل ع انكم ناس ما تتقبلو لا الحق ولا النصح ولا الاخوة كان يمديني اسلكلك لكن المجاملة ما تنفع
ليتك شفت المووضوع من باب الاخوة بس

اولا السلام عليكم ...
ثانيا انا دارس ع الحساب الخاص وما رفعت طلب الحاق في البعثه وحاب اتكلم لاني اشوف ردود البعض تدل ع انهم حاطين في ذمتهم شي سي لموظفين الوزارة

اول سؤال الكل يسأله لنفسه احنا ليش ما خرجنا من السعودية واحنا مبتعثين ع حساب الدولة ؟؟؟ والجواب بكل بساطه لان شهاداتنا ودرجاتنا فيها ما تبيض الوجه عندك اب وام تعبو فيك وفي تربيتك عشان تبيض الوجه لكن احنا للاسف ايام الدراسة لاهين ونهاية السنه نذم تعليمنا بالسعودية لا احنا الي بيضنا وجيه اهالينا ولا احنا الي سلمو منننا الناس بالكلام بتقولو مافي تعليم في السعودية برد عليكم اجلسو مع اي احد من الدفعه الي كانت تدرس معاك وشوف مستواه الدراسي والتفوق وتقديره وبعدين تعرف عندنا في تعليم او مافي وكلنا نقول السعودية مافيها تعليم ومدري ايش والصراحه لو شدينا حيلنا بالدراسة زمان كان مستوانا افضل من كذا وكان احنا نقول انه عندنا تعليم بالسعودية وصحيح فيه قصور لكن الكلام يعتمد ع الطالب نفسه ولازم كل واحد فينا يسأل نفسه ليش احنا الان ما جينا لامريكا وغيرها مبتعثين ع حساب الدولة ؟؟؟

الشي الثاني اذا كل واحد فينا يقول ليش ما ضمونا للبعثه وفلان احسن مني بواسطة ومن هالكلام فانا ارد ع كل واحد تفيكره كذا انه ياحبيبي الرزق الي ربك كاتبه بتاخده بتاخده غصب عن الكل كل واحد ووحده تتاخر معاملتهم يفكر مع نفسه دعيت الله يسهل اموري ؟؟؟ الله قال ان الله مع الصابرين طيب ايش الحكمة من الصبر؟؟؟
ممكن انا سويت ذنوب بحياتي تستحي تسويها بوجه البشر بس ما استحيت من الخالق وممكن الله معاقبني بهالشي
ممكن في من الايام رفع صوتك ع والدينك وممكن وممكن وممكن ليش كل واحد فينا متدمر من التاخير

ياحبيبي اذا جينا للنضام واحنا شعب عندنا نضام لكن ما نطبقه الا بالخارج تعرفون ليش ؟؟؟ لانهم لو ما طبقت النضام بيدوسو ع كرامتك وما بتقدر تفتح فمك بحرف لكن في السعودية تكلم فلان وفلان وينتهتي موضوعك الي نبي نتكلم عنه في النضام في دول عشان عيالك يدرسو في جامعة وغيره تدفع فلوس مافي شي اسمه مجانا مثل عندنا ومكافات بعد
يعني احنا بخير ونعمة ولله الحمد ابو متعب وغيره الله يطول بعمرهم اعطوك قبل البعثه 12 سنه دراسية وجامعة من 4 الى 7 سنين فينك كل هالوقت ؟؟؟؟ يعني قبل تنضم للبعثه تراه اعطاك بعثه في بلدك وفوق هذا كله ما بيضت الوجه
نضاميا سنة وثلاثين ساعه تخصص نضاااااااميا نتكلم لكن مسثثنين هالشرط في امريكا وكم دولة مو معناه انه من ترسل اوراقك تنضم لان في ناس قبلك وموظفين الوزارة عندهم عدد ساعات محدد من الدوام ولو كنت محلهم مستحيل تترك اهلك عشن طلاب في الخارج مع انهم جزاهم الله الف خيير الطلبات تمشي يوم خميس وجمعه وسبت كل ذا موظفين الوزارة مقصرين ؟؟؟؟ والي يقول انا متزوج وانا مدري ايش انا بكلمكم كاخوان ولحد يزعل من كلامي بس اذا انت بتتزوج وماعندك وظيفة ومبلغ مالي يعيش زوجتك وعيالك احسن عيشه ليش تتزوج ياخي ؟؟؟ روح ادرس وانضم واتزوج بنات الناس مو لعبة انت تزوجت وغامرت وجيت امريكا تحمل سبب مغامرتك تحمل ما جنته نفسك انا اتكلم من قهري عليكم لو انك اخ لي بالسعودية ما سمحت لك تسوي هالحركة نهائيا
انا حضرت لقاء اعداد الدارسين ع الحساب الخاص وسالنا الدكتور 4 شهور وننضم للبعثه وكان رده نضاميا والكلام كتبته فوق يعني المفروض كل واحد ييخرج من السعودية يحسب حسابه لسنة لان مافي انسان يضمن الضروف
انا تواصلو معايا اشخاص هنا قلتلهم 4 شهور دراسية تواصلو مع زملاء لهم في امريكا يقولون لهم ثلاث شهور وارفع طلب وللاسف مقتنع بكلام المفتي الي جالس بامريكا ويفتي من راسه

يعني بدل كل واحد ووحده ما يجلس هنا يتكلم ع موظفين الوزارة ويحط بذمته شي هو ما يدري عن الي حاصل بالوزارة وهل هم ماخرين الطلبات هالايام عشان يضمو الكل يلزم الاستغفار افضله لانه يفتح لك دروب الخير

واخيرا انا كتبت هالكلام لاني موجهه لنفسي ولكم جميعا وكاخوان والي بيتقبله يتقبله بس هذا الواقع

بالتوفيق للجميع

اهم حاجه نضام والا نظام


( تمت المشاركة باستخدام تطبيق مبتعث )

الي يقول ان معدله عالي ولا انقبل وش السبب الي ماقبله واصلاً مافي اختبارات ترشيح ولا شيء الي يطابق الشروط ينقبل والي مايطابق مراح ينقبل والي يقول ان معدله عالي ولا انقبل هذا شيء في ذمته الا يوم القيامه وسيحاسب عن كل كلمه قالها بغير علم !!!!!!!


( تمت المشاركة باستخدام تطبيق مبتعث )

صلوا ع النبي ياجماعة الخير .. الغضب من الشيطان وانا اخوكم الكلام هذا ما ينفع .. سلموا امركم لله واصبروا ..

' لا اله الا الله '