استفسار الدراسة في أمريكا على الحساب الخاص والتكاليف الدراسية !

اخوي ملتقى الدارسين على حسابهم الخاص يفيدك اكثر ..
بالتوفيق ..


( تمت المشاركة باستخدام تطبيق مبتعث )

فيه اكثر من 50 ولاية يارجل .. فيه ولاية تكفيك 30 الف وفيه ولاية 130 الف ماتكفيك .. انت اقرا عن الولايات وعن غلاء المعيشه فيها والامان والاجواء اللي تبغاها وبعدين حدد ميزانيتك وبعدين دبر كشف حساب حق اخر ثلاث شهور من حسابك او حساب ابوك او اخوك ا اي موظف وبعدين جب ضمان بنكي يعني ( شهادة بنكية ) وبعدين
جب قبول من معهد وبعدها خذ موعد بالسفارة عشان يعطونك الفيزا وبعدين جب قبول جامعة وبعدين قدم على وزارة التعليم العالي عشان تطلب الدراسة على الحساب الخاص وبعدين انتضرهم يوافقون على الطلب وبعدين احضر الملتقى وبعدين احجز طيران ولاتنسى اذا ماتعرف احد يستقبلك بالمطار شوف مكتب يسويلك كل هاللي قلته لك وخل صاحب المكتب يدبر لك واحد يستقبلك بالمطار او الاخوان اللي هنا ماراح يقصرون معك يستقبلونك وبيخدمونك ووالله ييسر امورنا وامور المسلمين عامة ولاتقول ابغى احد يعلمني وش اختار ولاية لازم تقرا وتتعب بالقرايه عشان تحدد وجهتك انا قبلك وربي تقريبا شهر ونص يوميا ي و م ي آ يوميااااا ادخل هنا واقرا اقرا اقرا الين عرفت وين اروح ولقيت فاعل خير جاب لي القبول حق المعهد وحق الجامعة ودربني الله يكثر من امثالة ويجعلها في موازين حسناته ولاتنسى ان المعهد والجامعة يكون ((( معترف فيهم ))) ! ... والله يوفقنا وياكم ..

شباب .. ترى كل شيء على صرفيتك ويعتمد ايء ولاية .. لو تقدرون تقولون وين بتروحون ب الضبط عشان اقدر اساعدكم بهالشيء..

والاخ صاحب .. الكشف .. انا اخذت حساب ثلاثة شهور مشت معي تقدر تطبعه اون لاين ما يحتاج تروح بنك ولا شيء ..

والله يوفقكم ان شاء الله ..

شوف حبيبي بشرحلك باختصار واذا في كﻻمي خطاء او نسيت شي ان شاء الله الاخوان ما يقصرو..

1- اول شي تسويه شهادة الثانوية يكون اسمك فيها مطابق لاسمك الي بالجواز ومترجمه يعني افضل شي تمر وزارة التربية والتعليم ادا كانت شهادتك من السنخ القديمة الي تكون عربي فقط لكن ادا من النسخ الجديده الي تجي انقلش وعربي تروح للتربية والتعليم يعدلون الاسم حسب الجواز وتصورها وتصدقها منهم طبق الاصل

2- اذا خلصت موضوع الشهادة تسوي كشف الحساب والشهادة البنكيه اذا كان الوالد او الوالده عايشين او احد اخوانك الله يطول باعمارهم تاخد المبلغ الي معاك وتحطه بحساب احد فيهم يعني لو بحساب الوالد او اخوانك يكون افضل عشان يكون الحساب فيه حركه ووقت التقديم ع الفيزا تكتب المتكفل بدراستك نفس الشخص الي بتجيب كشف حساب وشهادة باسمه

بعدين تشوف التخصص الي تبي تدرسه والدولة الي تبي تروحها وكلنا هنا يد وحده وراح نكون معاك خطوة بخطوة وانا اولهم
اذا عرفت قررت التخصص والدولة تشوف الجامعه والمعهد معتمدين من التعليم وﻻ ﻻ وهل فيها تكدس او مغلقه
بعد كذا تراسل الجامعه والمعهد ولو كان معهد جامعه يكون افضل وتحدد مين الي متكفل بدراستك ﻻن احيان في نموذج تاخده من موقع الجامعه او المعهد تعبيه من البنك وتعبي فيه بيانات الشخص المتكفل بدراستك وترسلهم اوراقك وترسل لهم شهادة بنكيه اذا طلبوك

3 - اذا وصلك قبول المعهد تقدر تقدم ع الفيزا ركز ع كﻻمي قبول المعهد اهم شي في السفاره وقبول الجامعه مهم في فتح ملف طالب دارس ع الحساب الخاص
رابع شي تروح للبنك تطلب شهادة بنكيه ويكون اسمك مطابق للاسم الي بالجواز وكشف حساب 3 شهور

4- تروح ﻻي مكتب او تحصل شرح هنا لطريقة حجز موعد بالسفاره وكذا انا عني رحت مكتب واعطيته 200 ريال وهو سوالي كل شي
5- اذا صدرت فيزتك تفتح ملف طالب دارس ع حسابه الخاص من موقع وزارة التعليم العالي وترفق كامل الاوراق الي طالبينها ع الموقع
وفي ملتقى للدارسين ع الحساب الخاص تابع المنتدى اول باول ادا فتح التسجيل سجل فيه واحضر
6- تنتضر الموافقة وتحجز الرحلة وحاول لما تقدم ع المعهد تكون دراستك موعدها بعد ثلاث او اربع شهور عشان تقدر تخلص كل امورك وتروح وانت مطمن

مﻻحظة :
اذا اودعت المبلغ بالحساب سوي شهادة بنكية باسم المعهد الي انت بتروحله عشان لو طلب منك ترسله شهادة بنكية بفيديكس او غيره عشان يرسلك القبول تكون جاهزة اوراقك
وبالنسبه للمبلغ الي معاك انا اشوفه مبلغ يكفيك سنتين وزود ان شاء الله بس خلك حريص
وﻻزم تمسك يدك
ويعتمد يكفي او لا ع حسب المدينه الي انت راحيها انا افضل انك تروح مدينة دراسيه ويكون قريب منها مدينة سياحية يسير تروحها في الويكند
انا سفري بعد كم يوم والمدينة الي انا رايحها مدينة دراسية
المعهد تابع للجامعه وسعره 5000 دوﻻر تقرييا للسمستر الواحد ومدته 4 شهور
السكن شهريا يكلفك تقريبا من 450 - 700 شامل فواتير الكهرباء والموية
صرفياتك ع حسب يعني ممكن من 300 -500 لو كانت صرفياتك معقوله
يعني لو نحسبها اربع شهور دراسه وسكن ومصاريف من 9 الاف الى 10 الاف دولار يعني تقريبا 37500 ريال سعودي للاربع شهور يعني ما تكلفك للانضمام اكثر من 80 ان شاء الله

استخير وﻻتشيل هم شي واي خدمه احنا تحت امرك
بالتوفيق



( تمت المشاركة باستخدام تطبيق مبتعث )

شوف كﻻمي للاخ خالد

( تمت المشاركة باستخدام تطبيق مبتعث )

السلام عليكم ورحمة الله وبركاته

انا حابه ادرس في امريكا ولا اعرف الولايات هناك
ومزانيتي محدوده في حدود 50000 مع التذاكر انا والمرافق

1- ايش ارخص ولايه ومدينه نقدر نروحلها معهدها يكون تبع الجامعه ؟
2- ابي اعرف عن معيشتها من طعام وسكن ؟
3-كم الفتره التي تستغرق لانضمامنا في البعثه؟
4- المرافق موظف حكومي عند طلب اجازه المرافقه هل يطلب منه تسديد قروضه البنكيه ؟
5- اذا ذهبنا لولايه هل يمكن ان نغير الولايه عند صدور قرار الانضمام للبعثه؟

مع العلم انا سوف اذهب لاخذ اللغه الانقليزيه فالمعهد وعند اكتمال المستوى ارغب في دراست الطب فالجامعه المرافقه للمعد



شاكره لكم تعاونكم

وعليكم السلام ورحمه الله وبركاته

اولا اختي 50000 الف تكفيكي باذن لله تعالى اذا كنتي ما تصرفي كثير ,,

للاسف مالي علم في امريكا بحكم ادرس في استراليا ,, لكن الطب في امريكا

يجب عليكي ان تحصلي على باكلوريوس في العلوم الطبيه او الاحياء بعدين تدخلي اختبار تتنفاسي مع الامركان

يعني بعد 4 سنين تشوفي تدخلي طب ولا ,,

لذالك انصحك بدول اوروبا لسهوله قبول الطب هناك

وعليكم آلسلآم ورحمـــة آلله وبركآتة ..
حيآكـ آلله ..

أختي إنتي توكـ مشآركة وحدهـ ووآضـــح مآ أبحرتي كثير بآلمنتدى لجل تعرفي أجوبة أسئلتكـ ..
لآزم تآخذي فترة لجل تستفيدي من آلمنتدى ..

بآلنسبة لأرخص ولآية .. هذهـ تعتمـــد عليكـ في آلبحث ..
رآجعي هذآ آلموضوع :
http://www.mbt3th.us/vb/forum8/thread423944.html

وهذآ آلموضوع :
http://www.mbt3th.us/vb/forum127/thread437921.html

آلفترة آلعآدة تدرسي 4 شهور وتقــدمي أورآقكـ للملحقية وهــم يشوفون لو أورآقكـ كآملة ..
إن شـآء آلله مآتطولي ..
بس لآزم تحطي في بآلكـ مآترجعـــي نهآئيآ للسعودية .. لين تنضمي لو رجعتي قبل إنضمآمكـ تدرسي من جديد 4 شهور وتقدمي أورآقكـ ..

بخصوص آلقرض رآجعي هذآ آلموضوع :
http://www.mbt3th.us/vb/forum8/threa...post1062475589

نعم تقــدري تغيري من ولآية لولآية بإذن آلله ..
أهـــم شي إنضموآ ..

رآجعي هذآ آلموضوع :
http://www.mbt3th.us/vb/forum178/thread390085.html


بآلتوفيق ,,

مشكوورين ماقصرتوو