استفسار الدراسة في أمريكا على الحساب الخاص والتكاليف الدراسية !

البدايه تحدد وجهتك اي وﻻيه وتجيب قبول من المعهد والجامعه وتقدم طلب دراسه على الحساب بموقع الوزاره وتحضر الملتقى (مدري متى تاريخه ) وتاخذ شهاده بنكيه وكشف حساب وتقدم على الفيزا (تقدر تقدم على الفيزا اذا وصلك قبول المعهد )
مافهمت سؤالك بس اذا كانك تقصد للانضمام ماتفرق شرعي واﻻ علمي
اذا كانك تبي تنضم فا فترة الانضمتم من بداية دراستك باربع شهور ترفع اوراقك للملحقيه وان شاء الله تنضم
المبلغ الي معك يكفيك ويزود ان شاء الله
كشف الحساب مدري وش تقصد فيه .؟
انت تحتاج لمبلغ يكفيك للانضمام يعني لو تختار معهد رخيص ووﻻيه رخيصه وتخف يدك عن المصاريف الزايده اعتقد يكفيك 45 الف لين تنضم

مشكوور modez

كشف الحساب كم لابد يكون فيه ؟

والله مو محدد كم فيه بس يكون من نفس الحساب الي جبت منه الشهاده البنكيه
يكون كشف حق ثلاث شهور
والمبلغ كل ماكان كبير كل ماكان افضل لك

ايء ي رجال تكفيك ان شاء الله وتزود .. هو سبعين الف ريال كحد اعلى للي ينضم حسب دراستيء لهالموضوع وتعيش عيشة حلوة = حسب ولاية بنسلفينيا طبعا ‘

خل في بالك اول شهر رح تكون صرفيتك كثير شويء بس ثاني شهر فرق كبير‘

وكشف الحساب مثل ما ذكر اخوي الله يجزاه خير رح يطلبونه في مقابلة الفيزا حق 3 شهور وحلو يكون الحساب فيه فلوس وان كان على المبلغ من 100 الف وفوق حلوة وامورك في السليم ان شاء الله

طيب كشف حساب لاخر 3 او 6 شهور ما اقدر اطلع ما عندي حساب بالبنك والمبلغ الي عندي ورث ماهو في بنك اوحساب ..ايش اسوي

والله مدري لكن حطها بحساب واحد موظف وخذ كشف حساب

السلام عليكم و رحمة الله و بركاته

احد عنده فكرة كم تكلف الدراسة على حسابي لمدة ٤اشهر في أمريكا شاملة كل شي (معهد ، سكن، مصروف يومي) بشكل عام

يا ريت احد يرد لاني نفس حالتك

الدارسين على حسابهم الخاص - أمريكا Self-Sponsored Students
الدارسين على حسابهم الخاص - أمريكا Self-Sponsored Students