التخصصات المطروحه للماستر
السلام عليكم ورحمة الله
اتمنى اجد اجابات تفيدني
انا موظفه حكوميه(إدارية) قررت اقدم اجازه واطلع اكمل دراستي على حسابي الخاص
و ان كتب ربي و حصل لي الحاق هذا المطلوب
طبعا ماراح اطلع عن طريق عملي لاني متأكده ماراح يطلعوني اذا ماعندي واسطه..ولا ابي منتهم و غثاهم
عموما انا مفكره اطلع اكمل علما بان تخصصي اصول دين
دخلت موقع التعليم العالي وحصلت التخصصات المطروحه وممكن تناسبني
• العلوم الإدارية: القانون، المحاسبة، المالية، التأمين، والتسويق.
هل فقط هذي التخصصات اللي ممكن اتخصص فيها؟
هل كوني طالعه على حسابي الخاص و دارسه في جامعه معترف فيها وش ماكان تخصصي يعني لو ادرس اعلام مثلا او فنون ممكن يلحقوني
او لازم اتقيد بالتخصصات المطروحه عشان احصل على الالحاق؟
رد: التخصصات المطروحه للماستر
وعليــــكم آلسلآم ورحمــة آلله وبركآتة ..
آلتخصصآت آلمسموحـــه هي آللي ضمن شروط آلإبتعآث للمبتعث آلعآدي ..
مآعمري شفت تخصص فنون من ضمنهآ ..
شوفي هنــآ موجودهـ آلتخصصآت :
آلتخصصآت آلمعترفـه . . .
لو قدمتي مثلآ على فنون, مآظنتي يقبلوآ فيه ..
لجل كذآ خليكـ على آلمضمون .. لجل مآتتعطلي ..
آلقآنون مو مسموح لكـ .. إذآ مآكنتي خريجة شريعة أو قآنون ..!!
أمآ آلإعلآم, حســـب كلآمهم آلإعلآم آلرقمـــي كآن متآح للي تخصصآتهم بآلبكآلوريوس لغــة إنجليزية ..
موفقه ..
رد: التخصصات المطروحه للماستر
يعطيك العافيه
يعني لازم التزم بالتخصصات اللي هم يطرحونها فقط
من ناحية القانون نفس معلومتك اعرفها لكن سمعت انه ممكن بالنسبه لي بما ان تخصصي اصول دين
رد: التخصصات المطروحه للماستر
اقتباس:
المشاركة الأصلية كتبت بواسطة dana_
يعطيك العافيه
يعني لازم التزم بالتخصصات اللي هم يطرحونها فقط
من ناحية القانون نفس معلومتك اعرفها لكن سمعت انه ممكن بالنسبه لي بما ان تخصصي اصول دين
مخ آلوزآرة مٌتحجـــر جدآ ..!!
مآتوقع يفرقون بين آلشريعــة وَ أصول آلدين أو حتى آلدرآسآت آلإسلآمية ..
وبمآ إنكـ " سمعتي " .. لآ تعتمـــدي عآللي سمعتيه ..
أرسلي إيميل لقسم معآدلة آلشهآدآت لجل يشوفون وضعكـ رغــــم إني أستبعد إنهم يوآفقون أو حتى لو رجعتي يعآدلون ..!
يحسبون مستقبل آلنآس أكل حلآوهـ يلعبون فيه على كيفهم ..!!
بخصوص بآقي آلتخصصآت, خليكـ على آلأضمــــن وَ الأفــضل ..
لأنهم كٌل يوم وآلثآني يعقدون آلإبتعآث فمآ بآلكـ بآلإنضمآم ..
موفقه ..
رد: التخصصات المطروحه للماستر
مع الأسف أختي ,
الإمتداد الوحيد لتخصصك اصول دين و شريعة إسلامية هو "قانون" ..
والقانون في امريكا يختلف ,
لان متطلبات ماجستير قانون "عام" في امريكا تتطلب بكالريوس قانون او أنظمة !
وانتي لا هذا ولا ذاك !
فالمجال الوحيد بالقانون اللي راح تمشين فيه هو القانون المحدد ,
مثل القانون التجاري او العالمي او الدولي او اي تخصص قانون مخصص لمجال معين , راح تقبلين فيه بإذن الله ..
وهذا اللي اغلب طلاب الشريعة واصول الدين وكافة مجالات التخصصات الدينية متخصصين فيها !
وللان ماني مستوعب فكرة الوزارة مع هالامتداد !
يعني من شريعة الى قانون !؟!!!
طيب حطوا تخصصات تربوية على الاقل يمشي معها الوضع !
لا ماسكين على قانون !
الله المستعان على امره !
رد: التخصصات المطروحه للماستر
تأكدي أيضا هل يعتبر القانون امتداد لأصول الدين لأنهم في عام 2009 اتخذوا قرارات بخصوص القانون وأعتقد أن الشريعة (بخلاف أصول الدين) أصبحت هي الوحيدة المقبولة لمن ينوي دراسة الماستر في القانون، طبعاً بالإضافة لحاصلين على بكلوريوس في القانون أو الأنظمة أو الحقوق.
رد: التخصصات المطروحه للماستر
حسبي الله و نعم الوكيل يعني وشو ما ندرس .. مو كافي ضاع مستقبلنا بتخصصات البكالريوس المحدوده
بعد بيكملونها بالماستر ويحدونا بتخصصات ما نرغبها
يبي لي اجل اراسل معادلة الشهادات مثل ماقلتوا و اشوف وش سالفتهم
يعطيكم العافيه اخواني مشكورين
رد: التخصصات المطروحه للماستر
اقتباس:
المشاركة الأصلية كتبت بواسطة dana_
حسبي الله و نعم الوكيل يعني وشو ما ندرس .. مو كافي ضاع مستقبلنا بتخصصات البكالريوس المحدوده
بعد بيكملونها بالماستر ويحدونا بتخصصات ما نرغبها
يبي لي اجل اراسل معادلة الشهادات مثل ماقلتوا و اشوف وش سالفتهم
يعطيكم العافيه اخواني مشكورين
راسليهم اختي ,
وحدثي الموضوع بالمعلومات اللي عرفتيها منهم ..
حتى تفيدين الأخوان اللي بنفس تخصصك .. وتكسبين اجرهم ...