حدث لي ظرف طاريء وأريد العودة .. هل يؤثر على الإنضمام ؟

من شروط الوزارة وانا اخوك عشان تلتحق ان الطالب لزم يكون متواجد في بلد البعثه ، واتمنى الشباب يفيدونك ان شاء الله اكثر مني

وعليكم السلام
من قرائتي في منتديات
اذا رجعت لسعودية يلغى التحاقك اذا ماعطوك رد الموافقه للبعثة اما اذا عطوك الموافقه للبعثة تروح للمعهد او الجامعة الي تدرس فيه تأجل دراسة للفترة الي بتكون مشغول و بعدين توديها للملحقية و هي بتعطيك الموافقه او الرفض .
نصيحة لا ترجع الا لما تاخذ موافقه الإلتحاق للبعث اما اذا بترجع قبل الموافقه تعبك بيروح على الفاضي لازم تدرس من جديد على حسابك .
هذا الي اعرفه والله اعلم .

اخوي راسل الاساتده لعل يردون وتلقى جواب


( تمت المشاركة باستخدام تطبيق مبتعث )

راسل لعلى وعسى

( تمت المشاركة باستخدام تطبيق مبتعث )

وعليكم آلسلآم ورحمـــة آلله وبركآتة ..
رآجع هذآ آلموضوع :
http://www.mbt3th.us/vb/forum178/thread435424.html

بآلتوفيق . . .

يعطيكم العافية شباب
طيب الحين انا اقدر ارفع طلب الالتحاق للبعثة مع العلم درست بس شهرين؟ ..
و انتظر الموافقة ؟

انت وحضك يمكن تنقبل ويمكن لا بس مثل ماقالوا كثير من المبتعثين عن دراسة لمدة اربع شهور بعدها راح تقبل بأذن الله لان هذا نظام من الوزارة دراسة اربع شهور بعدين تقدم على الانضمام ويمكن اكثر مثل ماسمعت اذا كملت اربع شهور ماعطاك رد روح للملحقية بعدها بيضمونك بأذن الله لان احتمالية قبولك تكون افضل بكثير .
على العموم انا طالب راح اروح على حسابي الخاص ابتدي دراسة شهر مارس في ولاية ديلاوير اقعد بساعات وانا اقرأ بالمواضيع وحبيت افيدك .

اخوي اذا قدمت طلب الحاق وسافرت للسعودية، لما تمر معاملتك عند ادارة الجودة راح يعرفون انك بالسعودية بضغطة زر بسبب ان النظام عندهم مرتبط بالجوازات مباشرة، ويتم رفض طلبك وتضطر تقدم للالحاق من جديد لما ترجع امريكا، فانصحك اذا مضطر تسافر لا تقدم الا لما ترجع امريكا

اما بالنسبة للكشوفات، انا قدمت لهم كشف درجات لما مضيت شهرين ورفض موظف التسجيل الطلب بسبب ان المطلوب 4 شهور دراسية، حتى الاجازات الرسمية او بين السمسترات ماتنحسب من الاربع شهور

موفق

اووه خلاص امري لله بجلس و بكمل اربع شهور
يعطيكم العافية شباب و شاكر لكم وقتكم الثمين

تقبلو تحياتي
اخوكم محمد