ناوي ادرس بكالوريس في امريكا وكم استفسار

السلام عليكم اخواني واخواتي المبتعثين

انا باذن الله على وشك انهاء الثانوية في الرياض
ومقرر من زمان اكمل بكالوريس في امريكا ونسبتي الثانوية ممتازة وقدرات وتحصيلي جايب العيد فيهم

عموما ابي استخدم طريقي الالتحاق ببعثة بعد دراسة 4 شهور على حسابي مثل اغلب الشباب

وعندي كم استفسار ومحتار شوي

متى ابدا اقدم اوراقي وهل فيه مكاتب تسوي هل شي عني ؟

انا اقدر اقدم وعندي لغة الحمد لله وسبق ودخلت معاهد في امريكا خلال الفترات الصيفية الي راحت لاكن احس اني بجيب العيد وعلا الاقل المكاتب تكون فاهمه شغلتها

ثاني شي في شروط الالتحاق ببعث

محددين كذا تخصص لاكن التخصص الي ابيه انا مو موجود الي هو ادارة اعمال وانلحست شوي وش السالفة يعني ما يقبلوني الحين ولا شلون مع العلم ان ولد عمي مبتعث بنفس التخصص الصيف الي راح تقريبا ومضموم للبعثة

ثالث شي الشقق ونظام الاستجار كيف قبل ولا بعد الوصول ونظام التاثيث كيف ؟ وكم اسعارها بكالفورنيا تقريبا
انا ناوي ادرس بكالفورنيا مع ولد عمي تحديدا في سان دييقو او اي شي قريب منها مب مشكلة الي يقدر يدلني على جامعة ممتازة ومعاهد ايضا يسوي خير وشكرا