لقاء إعداد الدارسين على حسابهم الخاص في الخارج - الرياض , جدة

كيف نطلع تاشيرة طالب


( تمت المشاركة باستخدام تطبيق مبتعث )

اذا قصدك لامريكا وهي فيزا F1 يلزمك :

I-20 من معهد او جامعه في امريكا + دفع السيفيس لـ i20

شهادة بنكيه بمبلغ لايقل عن ٧٠-٩٠ الف ريال ويستحسن ١٠٠ الف ويكون مكتوب فيها ان صاحب الحساب يتعهد بتكاليف دراستك
اذا كان الحساب مو باسمك
طبعا المعهد او الجامعه بيطلبون عليك الشهادة هذي ،، وتقدرين تستعملينها للسفارة او الافضل تطلعون من البنك شهادتين
وهي ببلاش او برسوم رمزية (حسب البنك وحسب فئة الحساب ) لكن عموما لو البنك بياخذ عليها رسوم ماتتجاوز ١٠ او ٢٠ ريال

كشف حساب بنكي لمدة ٣ شهور

طلبات البنك طبعا كلها بالانجليزي ،، انتو بس قولو للبنك نبيها لامريكا وهو عارف كلشي

تعبين الابلكيشن اون لاين في موقع السفارة وتاخذين موعد في السفارة + دفع رسوم الفيزا في بنك سامبا
طبعا في اشياء ثانيه بسيطة تطلبها السفارة مثل صورة وجه بمواصفات محددة وجواز فيه لايقل عن ٦ شهور ( الافضل سنة )

بالنسبة لتفاصيل طلبات السفارة والابلكيشن الافضل روحي قسم الفيزا هنا بتلقين التفاصيل
من صور وصور جواز ... الخ ،، وهذا شي مهم لان فيها تفاصيل دقيقه

لكن اذا تبين ترتاحين من شغلة التعبية وحجز الموعد ورفع الملفات للموقع
في مكاتب يعبون لك الابلكيشن ويحجزون لك موعد بحوالي 300 ريال
هذول ميزتهم انهم متعودين عل الابلكيشن ويعرفون الحقول اللي يخلونها
فاضية ولي يعبونها ،، بس تاكدي انه مكتب فاهم ومجرب

بصراحة الواحد مرات يخاف يعبي شي غلط وياثر عل الفيزا
لان عليهم اسئلة كثيرة وبعضها بااايخ مرة وبعضها حتى مرعب هههه

انا ما سويت شي وحاليا ادور معهد احضر القاء ولا كيف
الحين ادورلي قبول جامعة و قبول معهد
واتوقع الجامعه والمعهد يتاخرو في الرد
طمني تكفى اقدر الحق واروح القاء

و ايشس الطلبات الازمة عشان احضر القاء

الطلبات كلشي ، كانك طالع تدرس وتبي موافقة
وطبعا اهمها القبولات والفيزا
ادخل الموقع تبعهم وتلقى التفاصيل
رسميا ماتحضر الاوعندك كلشي ،، اذا مستعجل جرب ورح حاول معهم ولو ان احتمال ضعيف يقبلونك فيه

لكن اذا تبي النصيحة
اذا انك للحين ماسويت شي وماخترت ولايه اوجامعه ومعهد ومنت مستعجل خلص امورك اول وسجل بعدين في الملتقى اللي بعده وفك نفسك من الاستعجال والقلق
لان الموضوع يطول بين اختيار واحضار القبولات ،، الا يطول ويجيب المرض خصوصا اذا انك ماحولك احد ومتكل على المكاتب الله يقلعهم

من اقرف وامرض الايام الي بتمر عليك هي رحلة البحث واحضار القبولات وبعدها السفارة وزادوها الحين بتعقيدات الوزارة وطلباتهم
العجيبه الغير عقلانيه ،، الا اذا انك امورك جاهزة ومرتب كلشي من ناحية القبولات كذا بيخف عليك
الموضوع كثييير
لذلك الافضل اذا الواحد اذا فكر يدرس برا يحط له احتياط اقل شي ٨ شهور قدام حتى يشتغل وهو مريح

طيب انا عندي قبول جامعه و قبول معهد باقيلي الفيزا

اجل حاول تطلع فيزا بسرعه ،،، ترا الفيزا هليام ماتطول ( اغلب الناس )
ولاتنسى الفحص الطبي

كذا انشالله تمشي امورك

ايه اخوي صادق انا مو مستعجل انا موظف في قطاع خاص وحاليا ادور على ولاية و جامعة و معهد مبغى استعجل و اندم
بس ياليت تقلي القاء الثاني متى ؟؟

لا اطمنك انا ساحب على المكاتب ما اثق فيهم احسهم ينصبو على الناس قلت انا بنفسي اشتغل و ادور صح اتعب بس احسن من نصب المكاتب

اجل طول بالك وخذ راحتك وبقوووة ،، لان هم يبي لك ترتب امورك في العمل وارتباطاتك الاخرى

موجود في الجدول في موقع الوزارة
بس اذا بعيد مابتقدر تسجل حاليا لان التسجيل له مواعيد وقد يكون باقي ماعلنو عن الملتقى نفسه اذا بعيد كثير
انت شف الملتقى المناسب لك واذا قرب وقته شيك كل فترة اذا فتحو التسجيل وقتها سجل
الظاهر التسجيل يكون عادة قبله بحوالي شهرين