طلب دراسة للمرة الثالثة!!! معقولة !

السلام عليكم
يااااريييت احد يساعدني والله جننوني هذي المرة الثانية ارفع طلب .. معلومات التحديث واضحة شوفوها
ملف مرفق 30141
انا ارفقت لهم صك الوكالة ومكتوب ان المرافق خالي!! وهذا جزء من الصورة للصك للتوضيح
ملف مرفق 30142
مافهمت ايش يبون ارفق يعني الحين! والله تعبت من الانتظار وطلباتهم الزايدة من قبل رفضو عشان ماارفقت بطاقة الهوية حق المرافق وبطاقة العائلة حقي وارفقتهم ورفعت طلب جديد الا هوه هذا الطلب الثاني... وهذي الخانة حطيت فيها ( اخرى - ذكر )
ملف مرفق 30143
ايش تتوقعون ارفق لهم بعد ماني عارفة من جد ؟؟؟!!! بالنسبة الى المرافق هويته وصك الوكالة الا سواه ابوي ارفقته وبطاقة العائلة حقي ... يعني وش بعد ناقص .. يعني واضح اسم امي في البطاقة نفس اسم خالي وش هالتفلسف الزايد عليهم !! سؤال ثاني الحين بيرجع الطلب من اول بيكون طلب ثالث !!
لاحول ولا قوة الله بالله .. الله يصبرني بس ... ما اقدر اتصل عليهم ولا اخلي الوالد يروح الوزارة او شي يخلص اموري ؟!! ايش ارفق اثبات الحين علموني :( ... ارفق بعد جوازه احتياط والفيزا حق مرافقي ؟
ياريت اي احد يمر عنده اي شي يفيدني ضروري .. الله يوفقكم يارب ويسهل علينا وعليكم

وش المستندات اللي أرفقتيها؟


سؤال: إذا كان خالك موظف أرفقتي ورقة إجازة دراسية له؟

ارفقت كل الاوراق اتوقع ,, مرافقي مو موظف
اللي ارفقتهم ..:
صورة من جوازي وفيزتي + قبول الجامعة + قبول المعهد + خطاب موافقة ولي الامر ( صك وكالة ) من المحكمة اثبات على ان المحرم خالي ومرافقي
+ صورة بطاقة العائلة حقي + بطاقة الهوية حقي وحق محرمي + i-20 حقي + شهادتي الثانوية ... ماحس نفسي نسيت شي ومن قبل رفضوه وحاطين الملاحظات الرجاء ارفاق هوية المرافق + بطاقة عائلة الطالبة ...
وارفقته والطلب الثاني ارفقته تاريخ 21 دبسمبر واليوم الصباح ردو علي الرجاء اكمال البيانات ارفاق اثبات صلة المرافق !!

روحي الأحوال وطلعي ورقة تثبت قرابته بأمك نسبا


وبالتوفيق

مافهمت اروح الأحوال ولا المحكمة ؟

تروحين الأحوال

وبالمرة طلعي إثبات من الأحوال إنه مو موظف , للإحتياط ماتدرين بكرة بأي عذر يطلعون

طيب يصير هوا اللي يروح يخلص هذي الاوراق ولا لازم انا اروح ومعاي شاهد مثلا امي عشان انه خالي!؟
يعطيك العافية والسموحة كثرت بالاسئلة

لا عادي حبيبتي

يروح هو ببطاقته و أبوك يروح معه و يكون معه كرت العائلة

مشكورة حبيبتي .. الله يوفقك يارب وين ماكنتي

اختي يبون اثبات ان اللي طالع معك خالك فهذي تسوينها عند المحكمه مع ابوك