بخصوص الدراسة على حسابي الخاص والإلحاق بالبعثة

لا وضعك يختلف ,
فقط ارفق طلب إلحاق مباشرة بعد ماتبتدي جامعة من اول فصل ..
احتمال لو تأخرت ممكن فقط فصل واحد تنهيه بالجامعة وعقبها يلحقونك !
لكن لا تنتظر لنهاية الفصل .. ارفع طلب الالحاق من بداية الدراسة لانك في الجامعه مو في المعهد ..

وشرط الثلاثين ساعه ماهو مطبق ..

اما المعدل فالمطلوب 2 من 4 كأقل حد ..

والتعويض , يعوضونك قيمة الفصل اللي تم إلحاقك فيه فقط ..

أخوي محمد .. يعني لو واحد دخل معهد شهرين مثلاً أقل أو أكثر ثم بدأ الدراسة في الماجستير هل يتم الحاقه مباشرة ؟؟

بمعنى هل مجرد الحصول على القبول الجامعي وبدأ الدراسة يتم الحاقه مباشرة بدون النظر إلى كم شهر درس ؟؟؟

سؤال يهمني جداً ..

هذا يعتمد على وضعك ,
اللي انا اشوفه ان الملحقية تطبق الاربع شهور على المعهد ..
اما اذا كان الطالب في الجامعة .. فمعاملته ماتطول ولا يحتاج انه يقضي اربع شهور ..
الا اذا الموظف اللي مسك اوراقك طقت براسه وقط ملفك بالدرج وقالك انتظر اربع شهور ..
فهذا امر يختلف !

الطالب الاكاديمي .. وضعه مختلف عن طالب اللغة .. هذي خذها قاعدة !

فلو ارفقت لهم اوراقك الجامعية كاملة .. فمن المفترض انهم يلحقونك ويغضون النظر عن شرط الاربع شهور ..
ولو طولوا السالفه .. ترسل خطاب للعيسى برقم الطلب وتعلمه بوضعك .. وبإذن الله تلحق مباشرة ..

الغرض من شرط الاربع شهور .. هو ان طالب اللغة وضعه حساس .. فممكن يقبلونه من اول شهر ويرجع للسعودية ..
وهذا اللي كان يصير سابقاً على النظام القديم ..
لذلك وضعوا اربع اشهر حتى تكون دليل على جدية الطالب والتزامة بدراسته .. ويعرفون انه راح يكمل .. مو يضمونه اليوم وبكره يرجع !

فلذلك وضعك انت يختلف عنهم لانك في الجامعه وهذا اكبر دليل على جديتك بالموضوع واستمراريتك في الدراسة !
فبالتالي من المفترض انهم يعفونك عن شرط الاربع شهور اذا كنت في الجامعة ..

وحتى لو ما اعفوك وطبقوها عليك ... خطاب واحد للعيسى تبين فيه انك جامعي .. مباشرة تلحق بإذن الله ..
لأن العيسى يساعد طلاب الجامعات ويهتم فيهم اكثر من طلاب المعاهد اللي ماتعرف هل هم جديين او لا ..

لكن كنصيحة شخصية ..
افضل انك تكمل بالمعهد لحتى يلحقونك بالبعثة .. وبعدها تنتقل على الجامعة مباشرة ..
منها تاخذ على البيئة الجديدة واللغه والحياة الجديدة ..
ومنها ماتعقد نفسك ...

لان كتجربة شخصية ..
كل اللي يقدمون على البعثة طلاب لغة .. فلما تكون انت الشخص الوحيد اللي قدمت وانت بالجامعة ..
حتى لو اوراقك كلها من الجامعة .. الموظفين بيحسبونها انك طالب لغة .. ويطبقون عليك مايطبقون على غيرك ..
وتدخل في سالفة طويله .. وحتى لو خلصت امورك والحقوك .. حط في بالك ان المشرف اول شي بيسويه يخليك طالب لغة !
وراح تحتاج الى انك تغير حالتك الى طالب اكاديمي .. وهذي لحالها مشوار لانهم بيطلبون شهادات تخرجك من اللغه او توفل وايلتس ..
صدقني انا مريت بنفس الموضوع بس على النظام القديم .. ووصلت الى اني ماخليت احد ماكلمته في الملحقية فقط بس علشان يفهم هالمشرف اني طالب جامعي ولا درست اللغة !
وعقب الشين افتهم وخلص اموري وقبل باوراق الجامعة ..

فتخيل انت 5000 طالب لغة يقدم على البعثة , وعشرة منهم بس طلاب اكاديمين .. فهل ياترى راح يميزون الموظفين هذي النقطه ؟

اتوقع انك تدخل معهد ارخص لك وتطقطق فيه لين تتحول .. بعدها ب اربع شهور يحولونك ثم اطلب تعويض ع الشهور اللي درستها ف المعهد ورح يعطونك التعويض بعدها ادرس لك شهر وخذ الايلتس او اللي هو وادخل جامعتك ورح تعطيك الملحقيه مكافأة انك خلصت اللغه قبل سنه .. وفوقها معاك ست شهور زياده ف الدراسه مجانا وبهيك انت مستفيد

يعني لو حسبناها فيه معهد ب 350 دولار .. يعني لمدة 4 شهور المعهد بيطلع 1400 دولار .. اتوقع ارخص من الجامعه !!
وبعدين بترجع لك هالمبلغ لو طالبت فيه بشرط يحذفون الاربع شهور من بعثتك ثم بعدها زي ما قلت لك رح لجامعتك قبل لا تخلص سنه اللغه وبكذا تحصل ع مكافأه اللغه وست شهور

والعيسى كيف نتواصل معاه؟؟

( تمت المشاركة باستخدام تطبيق مبتعث )

العيسى مثل القمر .. ماتشوفه الا بالشهر مره

القصد , ان له وسائل اتصال لكن بما انه الملحق فمو على كل حال راح تلاقيه مرابط بالمكتب 24 ساعه !

هذا تلفونه : 5713272333
وهذا ايميله : aleissa@sacm.org