القبول المشروط والدراسه على الحساب الخاص.

السلام عليكم ورحمه وبركاته


طبعا انا طالب من ايرلندا و زوجتي ترغب في الدراسه في امريكا لان تخصص تصميم الازياء لايوجد في ايرلندا او غير معترف فيه الا في امريكا تقريبا

من الجامعات المعتمده في تصميم الازياء جامعه kent state university و جامعه اوريقون وغيرها
وانا ناوي اوديها على جامعه kent

الحين للموافقه على الدراسه للحساب الخاص. هل يكفي قبول اللغة ام لابد من قبول جامعي؟
وهل القبول المشروط مقبول للموافقه على الدراسه على الدراسه على الحساب الخاص؟

بالنسبه للمرافق راح يكون والدها. هل لازم يكون هناك فتره الدراسه على الحساب الخاص ام عند الانضمام للبعثه؟

اخيرا لو تدلوني على مكان عشان احصل على قبول في هذا التخصص او اقدم بنفسي؟
لانه احيانا تكون بعض المكاتب متعامله مع بعض الجامعات ويكون احضار القبول سريع جدا والسعر بسيط


واعتذر عن ازعاجكم بكثره الاسئله
وشكرا.

ج١ / لازم القبول الجامعي عشان تجي الموافقه

ج٢ / ايه نعم مسموح القبول المشروط

ج٣ / شف هو لازم يكون معاها وقت دخول امريكا علشان يرفق ختم الدخول للبنت ومرافقها عشان تفتح ملف فالملحقية بعدها ممكن يرجع السعوديه .. واذا صدر قرار الانضمام ضروري يكون في امريكا

ج٤ / المكاتب كثير وللاسف الاغلبيه غير صادقين في مواعيدهم وغالين اذا قال لك اسبوعين احسب شهر واذا شهر احسب شهرين
عالعموم انت ماقلت لنا من وين طال عمرك عشان نفيدك بمكان المكاتب اذا الرياض طريق العليا حي الغدير فيه ٨ مكاتب جنب بعض


الله يوفقك ويكتب لنا ولك التيسير يارب