تنبيه للي بيسوي الفحص الطبي ,
السلام عليكم
حبيت انبهكم للي بيسوي الفحص
في الرياض كانو يسوونه مستشفى الملك سعود للصدريه اللي في السلي
الليوم رحتلهم قال الموظف ما عاد يسوونه :(
قلت يمكنه ما عندله علم
وادخل على المدير ونفس الوضع يقول مالك الى خاص ما عاد يسوونه المستشفيات الحكوميه :mad:
قلت اعلمكم عشان ما تطقون مشاويير على الفاضي :D
طبعا المستشفيات الاهليه الحبيب ودله وطقتهم انحاشو عنهم يسوونها بحدود الالف :mad:
رح للمستشفيات السوح اللي نظامهم يزحلقون الورقه ويختمونه ;)
ولا تنسون قبل المستشفى ترحون للوزاره اللي على طريق العليا
ومعك صوره عشان يختمون على الورقه
وبتوفيق للجميع
رد: تنبيه للي بيسوي الفحص الطبي ,
طيب شارطين حكومي هم , ياليت تتأكد؟
رد: تنبيه للي بيسوي الفحص الطبي ,
اقرب وحده صحيه تخلص امورك كلها ،،
رد: تنبيه للي بيسوي الفحص الطبي ,
السلام عليكم ..
مو شرط إنك تسويه في مستشفى حكومي ومايحتاج تختمه من الوزارة ,, انا سويت الفحص في مستشفى خاص والحمدلله جاني القبول على طلب دراسة على حساب الخاص
رد: تنبيه للي بيسوي الفحص الطبي ,
امم غريبة ، مع العلم اني من سكان الدمام رحت مستشفى المركزي في العيادات الخارجية الصباح اهم شي ولكن المعتمد وبلاش هو مركز اللياقة اللي يسون فحص الزواج وفحص الاقامة للاجانب
( تمت المشاركة باستخدام تطبيق مبتعث )
رد: تنبيه للي بيسوي الفحص الطبي ,
شباب ليش كل هالتعقيدات اقرب مستوصف اهلي بالحارة يسوي لك الفحص .. عندي واحد من الشباب سواها ومشت امورة بلا تعقيد وانا سويتها بنفس المستوصف تقريبا ٥٢٠ ريال لكن الى الان انتظر الموافقة للدراسة على حسابي الخاص من الوزارة وواقفة لان التخصص متكدس وجالس احاول اغير التخصص والله كريم.
( تمت المشاركة باستخدام تطبيق مبتعث )
Re: رد: تنبيه للي بيسوي الفحص الطبي ,
اقتباس:
المشاركة الأصلية كتبت بواسطة saud_tm
السلام عليكم ..
مو شرط إنك تسويه في مستشفى حكومي ومايحتاج تختمه من الوزارة ,, انا سويت الفحص في مستشفى خاص والحمدلله جاني القبول على طلب دراسة على حساب الخاص
بنسبه للختم انت خابر وزارتنى كل يوم ولهم أنظمه جديده
الافضل الواحد يخلي اموره كامله , والختم ما يبيله الا ابو دقيقه وانت مخلص
Re: رد: تنبيه للي بيسوي الفحص الطبي ,
اقتباس:
المشاركة الأصلية كتبت بواسطة ahmnk1
شباب ليش كل هالتعقيدات اقرب مستوصف اهلي بالحارة يسوي لك الفحص .. عندي واحد من الشباب سواها ومشت امورة بلا تعقيد وانا سويتها بنفس المستوصف تقريبا 520 ريال لكن الى الان انتظر الموافقة للدراسة على حسابي الخاص من الوزارة وواقفة لان التخصص متكدس وجالس احاول اغير التخصص والله كريم.
( تمت المشاركة باستخدام تطبيق مبتعث )
الله يوفقك
بنسبه للمستوصف اللي فحصت فيه اسمه مستوصف غرناطه موجود في طريق خالد بن الوليد
ب 150
Re: تنبيه للي بيسوي الفحص الطبي ,
أحسنت مثل اللي حصلي تماماً
رد: تنبيه للي بيسوي الفحص الطبي ,
المستشفيات الحكوميه الي خارج الرياض يسونه انا اليوم مسويه انصحكم بمستشفيات حوطة سدير و المجمعة و ثادق و حريملاء
ما عليهم ضغط و ان شاء الله ما يقصرون بالتوفيق للجميع و عسى الله يوفقنا .
( تمت المشاركة باستخدام تطبيق مبتعث )