هل المكتب صادق بالاسعار ؟

مبالغ فيها نعم
لو بحثت بنفسك تجد اقل من الاسعار

( تمت المشاركة باستخدام تطبيق مبتعث )

ما اشوفك ذاكر القبول الجامعي ليه المكتب ما يجيبه لك بعد

و الاسعار فيها مبالغه خاصه رسوم المعهد ادخل معهد رخيص مبدئياً اوفر لك
فيه معهد ساوثرن ستيت يونفيرستي سجل فيه انت بنفسك ٣٥٠ في الشهر. في سان ديغوا



كانك تبي المكاتب مر لك اكثر من مكتب و قارن

السيفس هي ٧٥٠ خذ منك ٥٠ ريال فايده
رسوم التاشيره نفسها ٦٠٨

١٥٠ رسوم تسجيل السفاره الشغله مو معقده سجل بنفسك و استفد و وفر فلوسك




( تمت المشاركة باستخدام تطبيق مبتعث )

مع احترامي لك مابقى الا تخليه يشتري ملابس عنك ويوصلك للمطار ويودعك ,,

هذي كلها امور تافهه ماتسوى انه ياخذ عليك هالمبالغ

اغلب الناس تخلص هالامور بنفسها بدون مكاتب وكلام فاظي وش زودهم عنك

انا جايب لي قبول جامعي وقبول معهد ومخلص موعد الفيزا ومسدد السيفيس وكل شيء في اسبوعين بالكثير

ومافيه لاتعقيدات ولا شيء

ترى بتوفر على نفسك دراهم تبي تحتاجها بعدين وتندم اشد الندم انك ضيعتها في هالامور

موفق

ربنا يهدي كل من يتعامل مع المكاتب التجارية, أمور بسيطة يمكنك تنفيذها بنفسك
والمعلومات المطلوبة لاتخرج عن ماهو موجود في جواز السفر والشهادة الدراسية, وأغلب
الخطوات إن لم أقل جميعها تم شرحها بالتفصيل وبالصور هنا من قبل أعضاء مبتعث جزاهم
الله خيرا.

المعظم أو البعض هنا جلب قبول اللغة والجامعة وتسديد السيفس وحجز موعد لدى السفارة بنفسه
المسألة لا تتطلب لغة ممتاز بقدر ماتتطلب إهتمام وصبر.

إذا كان هذا هو موقع المعهد:ALP International Student Programs: Intensive English: California State University, East Bay

فإليك الرسوم الفعلية:

رسوم التسجيل بالمعهد: 375 ريال
رسوم الفصل الدراسي الواحد (شهرين ونصف): 11.250 ريال (بدون التأمين الصحي لأني لم أجد سعر التأمين في صفحة المعهد)
رسوم (البريد المستعجل) غالبا يكون في حدود: 50 إلى 100 دولار (يساوي بالريال) 187 إلى 357
رسوم السيفس: 750 ريال
رسوم الفيزا: 608 ريال
الإستقبال بالمطار: تتواصل مع النادي السعودي الموجود في مدينتك لإستقبالك ومساعدتك على حجز السكن.
رسوم السكن: 3250 ريال (يقابله بالدولار) 866$

وإليك الحكم إن كانت الرسوم مبالغة أم لا.

بخصوص المعهد السعر مبالغ فيه كطالب على حسابه الخاص يوجد معاهد أرخص من هذه التكلفة بكثير ولو سألت هنا
لأفادوك الأخوة بهذه المعاهد.

طيب انا مكتب بالرياض قال لي 3000 الاف قيمة قبول معهد وجامعة وقال المعهد بيكلفك لين تنضمين للبعثة تقريبا 25000
والفيزا لي ولزوجي وولدين 5000
وش رايكم بالسعر ؟؟؟

الفيزا لكِ ولزوجك ولطفلك جميعها تساوي: 1824 ريال
رسوم السيفس (للطلبة) : للطالب الواحد يكلف: 750 ريال - للطالبين (أنتي وزوجك مثلا) يكلف: 1500 ريال
قيمة قبول المعهد (غالبا) تتراوح بين 357 إلى 750 ريال
قيمة قبول الجامعة المشروط: (غالبا) تتراوح بين 187 إلى 357 ريال
بخصوص المعهد, ماهي المدة التي يقصدها المعهد بعبارته هذه (لين تنضمين)؟ وزودينا بأسم المعهد
الذي سوف يجلب قبول منه لحتى نتأكد من السعر عبر موقع المعهد. ولكن عموما:

25.000 ريال (إذا كانت مدة الدراسة لـ 6 أشهر) فهذا عادي والمعهد تجاري ورخيص
25.000 ريال (إذا كانت مدة الدراسة لـ 3 أشهر أو 4 أشهر) فالمبلغ مابين عادي الى مرتفع قليلا
والحكم النهائي يكون بعد الإطلاع على أسعار المعهد من الموقع الخاص به.

لايوجد شيء أسمه (دراستك يكلف 25000 لين تنضمين) تأكدي من المكتب عن أسم المعهد وعدد الفصول الدراسية
التي سجلها لكم حتى تعرفي فرق السعر جيدا.

تذكري أختي أن هناك مصروفات أخرى يجب حسابها مثل: التأمين الصحي + أشتراك المواصلات + الفواتير الشهري + إيجار المنزل + المصروف الشهري

وضعي في الحسبان أنك قد تدرسي لمدة 6 أشهر تقريبا (لأنه بعد الشهر الرابع ترفعي طلب إلتحاق وتتراوح إجرائات الطلب مابين شهر إلى
شهرين, وقد تزيد المدة في ضروف أخرى.)

ويفضل إختيار مدينة و ولاية ليس غالية والمستوى المعيشي والصرف فيها ليس مرتفع

ونصيحة أخرى بأن تعتمدوا على أنفسكم ونحن هنا نساعدكم بكل مايشكل عليكم ومبالغكم التي سوف تدفعونها للمكتب سوف تحتاجون إليها
عند وصولكم هناك خاصة أنكم 3 أفراد منهم (طفل) والطفل له إحتياجات أخرى.

انا خلصت اوراقي وقبول معهد في كالفورنيا - سيليكون فالي معهد els

وتسديد السيفس والي ببنك سامبا وطلعت الفيزه

كلها كلفت ١٦٠٠ ريال

والحمد لله اخذت الفيزه واليوم اصدرت قرار الابتعاث




( تمت المشاركة باستخدام تطبيق مبتعث )

يا اخوان انا ممكن باتعامل مع مكتب لو ابغا اسويها لوحدي ترا ما اعرف شي ولا اعرف كيف ادفع الفلوس للجهات الي راح اتعامل معها
سواء معهد او جامعه والشي الاخر اني ما اعرف ايش هو السيفس ذا فا ارجو انكم تفيدوني في هذي المعلومات او تدلوني
على منتدى او موضوع يجاوب على هذي الاسئله

الله يجزاك خير .. وفعلا الكل بهالمنتدى مو مقصر والله يعطيكم بكل حرف حسنة