وصلت مكان الدراسه وما اخذت موافقة

السلام عليكم والرحمةةةةة


اولا اخواني الاعزاء ااخواتي الفواضل .. اتمنى للجميع التوفييق والسسسسداد


ثانيا .. انا حايس شوي وابي فزعتكم معي لاني ماني عارف راسي من رجلي من جد ..

انا جاي على حسابي الخاص .. وطبعا وصلت لمكان الدراسة وبدات الدراسة .. انا في كورفاليس حاليا وادرس لغة ..

طبعا اكتشفت مؤخرا انه يجب الحصول على موافقة لدراسة على حسابي الخاص وقدمت للملحقية وتم الرد بالرفض

وسمعت انه يشترطون قبول مشروط في حال اردت الانضمام للبعثه هل هذا صحيح وايش الطريقة
والسبب ( القبول لا يوضح التخصص )

ولازم تعرفو اني ما عمري حضرت اي من الملتقيات اللي بالسعودية

طبعا للعلم والاحاطه انا خريج جامعة الملك عبد العزيز موارد بشرية انتساب هل هالشيء ياثر بالموضوع او لا .؟؟
طبعا المعدل تقريبا 2.5

وجاي ابي ادرس ماستر بزنس ايش التخصصات المتاحة ومدعومة من الملحقية

و
ارجو منكم التجاوب معاي وبخبرتكم تفيدوني ايش اسوي بهالحاله مدري احس اني متوهق الله يستر


شاكر ومقدر

ماعليك وانا اخوك تقدر تسوي طلب موافقة على حساب خاص بس شف الشروط والمسوغات المطلوبة ومن اهمها قبول جامعي ، اذا جبته سوي الطلب وعلى التخصص والله ماعندي خبره انا بكالوريس
وبتوفيق يارب


( تمت المشاركة باستخدام تطبيق مبتعث )

الله يعطيك العافية اخووي بس


ضروري اجيب قبول مشروط في موافقة الدراسة على الحساب الخاص

اللي اعرفه ان القبول المشروط لا جيت انضم للبعثه ؟؟؟

اقتباس:

---

المشاركة الأصلية كتبت بواسطة msh3an

الله يعطيك العافية اخووي بس


ضروري اجيب قبول مشروط في موافقة الدراسة على الحساب الخاص

اللي اعرفه ان القبول المشروط لا جيت انضم للبعثه ؟؟؟

---

والله مدري انا على حسابي الخاص وقدمت مرتين على طلب موافقه دراسه على حساب خاص بدون قبول جامعة و رفضوه مرتين ولامن جبت القبول سويت طلب وافتحت ملف طالب


( تمت المشاركة باستخدام تطبيق مبتعث )

وانا اخوك فيه خطوات شوي طويله لازم تسويها اذا تبي يوافقون لك على الدراسه على حسابك الخاص. اهم شي القبول الجامعي لازم تجيب قبول مشروط في جامعه موصى بها وتخصص موصى به ثم لازم تحليل لبعض الأشياء بالعربي تطبع ورقه من موقع الوزاره وتروح لمستشفى وتسوي تحليل وبعدين ترفق ملفات عديده ماتخطر ببالي الحين لكن منها صوره للفيزا وصوره بطاقة الأحوال والشهاده الدراسيه وقبول المعهد و القبول الجامعي المشروط والفيزا الدراسيه والاي توني والورقه اللي سويت فيها تحليل وماادري اذا فيه زياده. لما يوافقون لازم ورقة المباشره من المعهد وختم الدخول لامريكا وبعدين يكون ملفك الدارس على حسابه الخاص نشط.

بما انك وصلت أمريكا لاترتخي بالعكس تشجع وسو الأشياء هذي عشان تتسهل امورك وان شاء الله اشوفك مبتعث

ودعواتكم لي بالانظمام والسلام عليكم ورحمة الله وبركاته

سلمت يا خوي يعني ابدا بالقبول المشروط الحين واحاول هاليومين اسوي التحليل طيب عندك رابط او موقع او شيء من هذا القبيل ناخذ الاستمارة ؟؟

http://workflow.mohe.gov.sa/Workflow...yInitiate=true

من هنا تاخذ الاستماره
بالتوفيق


( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة meshari salem

والله مدري انا على حسابي الخاص وقدمت مرتين على طلب موافقه دراسه على حساب خاص بدون قبول جامعة و رفضوه مرتين ولامن جبت القبول سويت طلب وافتحت ملف طالب


( تمت المشاركة باستخدام تطبيق مبتعث )

---

طيب اجيب قبول الجامعة الان واقدم فيه على الوزارة واذا سافرت اقدر اغير القبول ؟؟

اقتباس:

---

المشاركة الأصلية كتبت بواسطة مهند #المبتعث

طيب اجيب قبول الجامعة الان واقدم فيه على الوزارة واذا سافرت اقدر اغير القبول ؟؟

---

اتوقع ايه تقدر


( تمت المشاركة باستخدام تطبيق مبتعث )