استشارة ؟

السلام عليكم ورحمة الله وبركاتة



حبيت أستشيركم ياشباب على حاجتين (الجامعة)و(التخصصات)

انا الان متخرج من الثنوي و ابي رأيكم في البعثة الخارجية او الدراسة في جامعة الملك سعود
في حال البعثة الخارجية :راح يكون على الحساب الخاص لانه غالباً مراح يقبلني برنامج الملك عبدالله للابتعاث لانه يتطلب التحصيلي فوق ال80 وانا غالبا ماراح اتعدى 75 عموما اذا رحت على حسابي الخاص هل فيه ضمانات انه راح انضم للبرنامج بعد 4 شهور ؟
واذا انضميت هل يعوضوني عن مبالغ اللي دفعت في الفترة الماضيه او لا ؟

بالنسبة للتخصصات غالبا ماراح تطلع من الثلاثة (الاقرب:هندسة برمجيات -علوم حاسب- هندسة ميكانيكية) معلومة انا كويس بالرياضيات والفيزياء اذا فيه اقترحات على بعض التخصصات اكون شاكر ووووووبس
اعتذر اذا فيه اخطاء بتنسيق الكلام و شكرًا مقدمًا .

سبحانك اللهم وبحمدك أشهد أن لا اله إلا أنت أستغفرك وأتوب إليك

لا ياخوي محد يقدر يضمن لك شي يمكن تنضم قبل 4 شهور ويمكن اكثر. بالغالب اذ امور تقديمك كلها تمام يعني المعهد والجامعة والتخصص مو موقوفين باذن الله تنضم خلال 4 شهور. اما عن التعويض الاكيد بعوضوك عن السمستر اللي انت فيه هذا بالغالب يعني

( تمت المشاركة باستخدام تطبيق مبتعث )

طبعا افضلك البعثة بكثير وانا انصحك انك تدرس بالخارج

انا جربت ادرس في احدى الجامعات السعودية بتحديد جامعة الامير سلطان والي مفروض انها اقوى من جامعة الملك سعود واصعب.

لكن للاسف اكتشفت انها من اسوء الجامعات والتعليم فيها متدني + الطلبة كلهم مستواهم متدني ومنخفض جدا!!

الحمد الله ان الحين تركت الجامعة وبطلع البعثة ومن المعروف ان الدراسة في الخارج افضل وأقوى ب 100 مرة من هنا. حتى جميع الشركات تفضل الخريجين من الخارج.

انصحك تطلع كندا او امريكا بس تشوفلك جامعة تكون من افضل 500 جامعة في العالم.

طبعا اذا طلعت او درست على حسابك الخاص برا المفروض يضمونك بعد 3 شهور اذا امورك كلها تمام بس ما اظن انهم راح يعوضونك

اخوي اذا تبي وظيفة حكومية انصحك تدرس بالجامعات السعودية اذا انقبلت بالتخصص الي تبغاه .. تجلس عند اهلك وبالنهاية ترا انت وخريج امريكا واحد بنفس المرتبة والراتب

اما اذا تبي وظايف قطاع خاص فانصحك بجامعات امريكا لانهم يبحثون عن اللغة وقوة الشهادة

بالتوفيق يارب

اخوي ..الي بسنك ما انصحه يطلع ابدا ...والله ياخوي الي شفته من صغار السن شي فظيع ....