مساعدة موظف أرامكو ويريد الإبتعاث

هلا وغلا اخي تبغا النصيحه وبعطيك بدونها
النصيحه انا كنت شغال شركة تتبع ارامكو شفتات على البارجات اي اربي 2
و7 3 7 4
وجيت هنا مع زوجتي وعيالي بعد هنا الغربه تدبح ونا خوك صحيح بس كرف الدراسه بس بعد حلوة واجد ومريحه

انا نسبتي 74 وطلعت لي قبول ماكينكال انجنيرق


( تمت المشاركة باستخدام تطبيق مبتعث )

يعني انت جاد بالدراسه ولا يخوك لجل تغيير سستم وتجربة حياة جديده
ترا ارامكو تطلع مايرجعوك والشركة كلشي يعطوك صحيح بس يكرفوك كرف عارف هالشي وناخوك

تجي اطلع لك قبول ماعندي مشكله

( تمت المشاركة باستخدام تطبيق مبتعث )

وعليكم السلام ورحمة الله وبركاته

يا صاحبي جيت والله جابك

انا نفس حالتك بالضبط.
انا موظف بشركة سابك وخدمتي ثلاث سنوات ونص وراتبي نفس راتبك بالضبط هههههههه
قدمت استقالتي قبل شهر تقريبا من الشركة واخر دوام لي يوم الاثنين بإذن الله طبعا قدمت استقالتي بعد ما اخذت قبول مشروط وقبول معهد وطلعت الفيزا وذحين استنى الملتقى عشان اخذ موافقة الدراسة على حسابي الخاص واسافر نهاية الشهر عشان ابدأ دراسة اللغه. نصيييحة اطلع وخذ الشهادة وارجع وبتلقى مليون وظيفة. الوظايف مليانه وهي ارزاق وعلى نياتكم ترزقون. صدقني ماهي مستاهله تكمل بالشفتات. انا ذبحتني الشفتات مقطوع عن المجتمع واذا رحت وجبت الشهادة بإذن الله راح ارجع بقريد اعلى من لو جلست وراتب اساسي اعلى ودوام صباح وقدامك الفرصه انك تمسك منصب ان شاء الله بشهادتك.

اول خطوة اخي الكريم انك تجيب قبول مشروط من جامعه وقبول معهد واهم شي انك تتأكد ان التخصص في الجامعه ما عليه تكدس والمعهد برضو ما يكون متكدس.
ثاني خطوة بعد ما تاخذ الاي 20 من المعهد انك تقدم على الفيزا وبعد ما تصدر الفيزا على طول قدم طلب دراسه على الحساب الخاص وبنفس الوقت استخير وبعدها قدم استقالتك.

احسن قرار تتخذه بحياتك قرار الدراسة. كلنا متزوجين واللي يقولك متزوج وعيالك قوله رزقي على الله وما راح يجي يوم ما بتلقى اكل تاكله وتأكله عيالك.

الله يوفقك يا زميل

( تمت المشاركة باستخدام تطبيق مبتعث )

والله يا عزيزي أنا جاد بالدراسة وشوي أحس بخوف إني أطلع من وظيفة وأروح للشي المجهول , وأنا دوامي 8 ساعات صح بس ياخوك للأسف أرامكو من السيء للأسوأ
واللي يشتغل في أرامكو يعرف غير الإنجنيرنق لا يطبببببببب, بشهادة الثانوية تطحن 20 سنة ويالله تصير سينير وراتبك يالله يوصل 20 أساسي,
لكن هل أضمن إني أخش ميكانيكال انجنير ؟ لأن غير الإنجنيرنق ما راح أطلع من الشركة ..
أشكرك على ردك عزيزي ,,

قلت لك تبغا باجيب لك راسلني واتس
ولين حصلت على القبول تالي فكر وشوف نفسك بعد مايصير بيدك
وباعلمك باقي الخطوات كلشي
+15708174648

( تمت المشاركة باستخدام تطبيق مبتعث )

حبيب قلبي انت ,, بس وش هو القبول المشروط ؟ وأنا أبغى بس تخصص هندسة ميكانيكية , وأنا باقي ماراح أقدم إستقالتي الآن باخذ قرض البيت من أرامكو وأسسسسسسحببببب
بس كم إجمالي التكلفة وماهو القبول المشروط ؟ وهل الجامعة اللي بتقبل ب 78% معتمدة ؟
أشكرك على ردك ,,

شوف القبول المشروط هو انك تدرس بالمعهد وتخلص اللغه وخلال ماتدرس لغه تختبر ايتلس او توفل وتحصل على درجة دخول الجامعه المطلوبة مثلا الجامعه تبغا 5 ونص لازم تجيب في احد الاختبارين هالدرجه حق تدخل عرفت وعندك سنه لغه وتمديد نص سنه

اما القبول غير المشروط هو الجامعه ماتشرط عليك تختبر تخلص المعهد وتجيب مستوى عالي ودرجات تؤهلك تدخل
عرررفت خالي

( تمت المشاركة باستخدام تطبيق مبتعث )

انا جامعتنا معتمده وبعد ماتحصل على القبول وتفتح طلب دراسه على الحساب الخاص ان كانت موش معتمده بيرفضو طلبك

( تمت المشاركة باستخدام تطبيق مبتعث )

القبول المشروط هو قبول من الجامعه اللي بتقدم عليها على التخصص اللي تبغاه بشرط انك تخلص اللغه بما انك لسا ما درست اللغه يعني لو عندك لغه بتاخذ قبول نهائي وليس مشروط من الجامعه. انا ليش اقولك خذ قبول مشروط؟ ﻷن الجامعه راح تطلب منك نسبة الثنوي ودرجاتك بالثنوي واذا اعطوك القبول المشروط معناته خلصت من موضوع النسبة اللي انت شايل همها وطبعا الجامعه اللي بتقدم عليها لازم تختارها عن طريق موقع وزارة التعليم العالي > الجامعات الموصى بها. تختار الدولة والولاية والمدينة والجامعه وتشوف اذا تخصصك موجود بالجامعه او لا واذا كان موجود ما يكون مكتوب في الخانة اللي قدام التخصص متكدس واذا اتأكدت من الجامعه تروح وتراسلها وتعبي الأبلكيشن انك تبغى قبول مشروط وبنفس الوقت تسوي نفس الطريقة مع المعهد عشان ما يكون متكدس* وتراسل المعهد ويرسلك الاي توني اذا تبغى تدرس في امريكا.

التكلفه حطلك ميزانية حقت سنة كاملة احتيااط وهي طبعا راح تجيك البعثه بين اربعه شهور والثمانية شهور بإذن الله.
انا كلفني المعهد 16500 ريال مدة اربعه شهور ونص والمعهد تبع جامعه في بنسلفانيا والمعيشه حطيتلي 30 الف لمدة 4 شهور يعني السنة كاملة راح تكلفني تقريبا 139500 ريال >> الاحتياط وااجب

وبالنسبة لي ما راح اخذ زوجتي الا بعد ما تجيني البعثه ان شاء الله.

الله يوفقك وشد حيلك وفكرة انك تاخذ قرض البيت انا اشوف انها فكرة سدييييدة.

*تكدس/نسبة السعوديين كبيرة على هذا التخصص او المعهد وبالتالي الوزارة توقف الالتحاق بهذا التخصص او المعهد.

( تمت المشاركة باستخدام تطبيق مبتعث )