هل تنصحوني افصل من ( الوظيفة ) واجي ادرس في امريكا !! تكفون

بعدين طالع بكالوريوس ولا ايش؟
اطلع غير من حياتك...شوف المحاسبين كثيرين..ادخل هندسه

وكم لله من لطف خفي.

اخوي ابد لا تتردد بفكرة الدراسة انا كنت موظف وراتبي كانت ممتاز جدا بس كنت احلم اني اكمل دراستي وفصلت وطلعت امريكا لي شهرين تقريبا عمري ٢٦ سنه الدراسة والطموح ماله عمر معين

بس نصيحه اخوية تفائل بكل شيء ولا تتردد وتوكل على الله ولا تتذمر ولا تحبط نفسك نهائيا
وحط في بالك ان كل شيء في يدالله وانك تقدر توصل للي انت تبغاه

تحياتي لك


( تمت المشاركة باستخدام تطبيق مبتعث )

خذ نفس عميق,, وتعوذ من ابليس

شوف محد راح يقدر يعطيك اجابة تخليك تقرر قرار واضح بين الا في حالة انا وظيفتك ارسلتك للدراسة,, في غير هذي الحالة عليك انك تستخير وتتخذ القرار وتحمد الله على ما قدر سواء نجحت او فشلت,, اذا انت والله تعرف انك رجال صامل مسؤول يعني تشوف انك بتلتزم في دراستك مثل الألف+ عندك نفس(تحمل) تقدر تتحمل الدراسة وثقلها وقلقها لأجل مستقبل افضل فتوكل على الله أنا والله شيب راسي الموضوع ولكن الحمد لله استخرت وراح انفذ ما اختاره الله لي

نصيحة رتب لكل شي .. وحدد هدفك .. وميزانيتك .. ووجهتك .. وأستخير قبل كل شي وتوكل على الله وقدامك مستقبل .

يا حبيبي انا كنت امس موظف في شركة سابك براتب 12500 ريال وقدمت استقالتي واليوم سلمت كل شي وصرت عاطل. رحلتي على امريكا بعد ثلاثه اسابيع ان شاء الله. نصييييحه اخويه اطلع وكممل دراستك واحسن التخصصات بما اني اشتغلت في سابك وجلست مع رؤوساء الشركة واستشرتهم في هذا الموضوع هيا الادارة الماليه والهندسة الكيميائية والهندسة الميكانيكيه وهندسة سلامة وبيئة. هذا اللي طالبته سوق العمل الصناعيه في شركات البتروكيمكال والاسمده الصناعيه.

توكل على الله واستشير ثم استخير وقرر ودزز يا حبيبي. ترا الحياة بتعيشها مرة وحده ولا تجلس في وظيفتك.

الله يوفقك ويوفق جميع الاخوان يا رب

( تمت المشاركة باستخدام تطبيق مبتعث )

زوجي بنفس عمرك وترك الوظيفه وسافر
توك باول عمرك خل عنك كلام الحساد
محدثتك وحده متخرجه وعمرها 27 سنه
متاخره ؟
لا ابد احس وقتي كان مناسب

انا راح اكلمك عن نفسي
معي شهادة بكالوريوس و عمري ٢٥
بعد عمل سنتين في القطاع الحكومي
على المرتبه السادسه قررت أقدم أستقالتي
بعد تفكير و التخطيط مع وضع أسواء الأحتمالات لا سمح الله و أيضاً النظر إلى الجوانب الأخر المضيئة و لا يخفى عليك أستشارة الوالدين و الأخوان مطلوبه و اللهم لك الحمد وجدت منهم الدعم المعنوي و قدمت الأستقالة من وظيفة حكوميه و الآن أنا في أمريكا لي شهر و أسبوعين و لكن لا تقدم أستقالتك إلا و أنت مخلص كل أمورك من ناحية توفير القبولات و الموافقة من قبل الوزارة ،، مثل هالقرار راح يكون مفصلي في حياتك إذا كنت تعتقد أنك راح تواجه جميع العقبات بأذن الله قرر و قبل كل شي نصيحه أخويه عليك بصلاة الأستخارة قبل كل شي و عسى الله يعطينا على قد نيتنا .


( تمت المشاركة باستخدام تطبيق مبتعث )

كمل دراستك يارجل

عمرك 25 وراتبك 5500 ريال والله قليله

انا عمري 21 وراتبي دبل راتبك ومميزات قويه وتركت وظيفتي وانا اضحك

الشهاده باذن الله راح تنفك وترفع راتبك اقل شيء دبل وانت واجتهادك

حدد لك تخصص مناسب ومطلوب في سوق العمل وابدأ اشتغل على موضوعك والله يوفقك