عرض للطباعة
السلام عليكم
اظن كلكم عارفين ايش الكشف الطبي
انا عندي الصيغه اللي موجوده بموقع الوزارة الالكتروني
لكن ايش الخطوات هل اوديه لمركز صحي حكومي واقول لهم ابي كشف واعطيهم الصيغه او اروح الوزارة؟؟ سمعت ان لازم الوزارة تطبع عليه بس مادري ايش المقصود ارجو شرح الخطوات لي بالترتيب
( تمت المشاركة باستخدام تطبيق مبتعث )
بس تروح لمركز صحي حكومي لو حتى مستوصف عادي راح يعبونها لك و يختمومها و خلاص ما يحتاج توديها للوزارة ولا شي
اخوي متاكد انه مايحتاج ختم وزارة؟؟؟
وكم يوم ياخذ؟؟؟
شاكر لك
( تمت المشاركة باستخدام تطبيق مبتعث )
اضغط على هالرابط ويفيدك كثير باضافة الكشف الطبي بملفك بالملحقية
http://www.mbt3th.us/vb/forum178/thr...l#.U9xCl0iDeRs
بالنسبه بالمدينه المنورة رحت لمكان الكشف الطبي حق الي بيتزوجو وحق الخادمات المنزلية نفس المبنى
وعملت الكشف من هناك
رحت للمركز الصحي بالخبر (اللي العمال يسوون فيه كشف طبي تمهيدا للحصول على الاقامة)
اهم شي لا تنس صورتك الشخصية توضع على الكشف كما انهم رفضوا عدة اشخاص لعدم وجود صورة شخصية
ايضا بطاقة الاحوال للتاكد من هويتك
اللي صار معاي كالاتي:
رحت لهم اخذوا النموذج اللي مصمغة عليه صورتي الجميلة :D + بطاقة الاحوال
وجلست انتظر مع المنتظرين
جاء دوري بعد تقريبا ساعة ونصف
دخلت عند الدكتور
قاس وزني وطولي +سالني اذا البس نظارة+شيك التنفس عن طريق سماعات الاذن
بعد ذلك اعطاني ورقتين :
الاولى تحليل الدم:نتيجته تطول وقد تصل الى يومين -انا قالوا لي بكرة بتكون جاهزة(على حسب الزحمة)
الثانية : لعمل اشعة x-ray للصدر
ايضا اعطاني ملصق لالصقه على علبة عينة البول(اعزكم الله)
وقال لي لا تجيني الين تخلص كل نتايجك
فعملت حق البول(الله يكرمكم) ووضعته فالمكان المخصص
وعملت اشعة واخذتها معاي
وغدا اذا ربي احياني برروح لهم عشان النتائج الاخرى ويكتبون باقي التفاصيل على نموذج الوزارة
أعذروني عالاطالة (لكني انا كنت افضل اني احصل على هذي المعلومات قبل ما اروح فلذلك كتبت بالتفصيل)
ممكن اعرف وين احصل نموذج الكشف ؟؟
يعطيكم العافيه ياشباب والله شرح ممتاز ،، وسالفتهم طويله ذا الكشف الله يعين ..
اللي يسال عن نموذج الكشف الطبي موجود بموقع الوزارة ،، فقط اكتب بمحرك البحث (صيغة الكشف الطبي وزارة التعليم؛
( تمت المشاركة باستخدام تطبيق مبتعث )