سؤال عن النظام الجديد

نفس السؤال ... اتمنى التفاعل

الحين انا بروح على حسابي الخاص و ما لقيت قبول جامعه ولا معهد بلعربي ما اعرف المهم اقدر الحق و اسجل ولا فاتني
و ياليت اعرف معاهد تابعة للجامعة عشان اجيب قبول لان بسجل مبتعث على حسابه الخاص طالبين قبول جامعة و قبول معهد

احد يفيدنا يا اخوان

يا شباب انا كنت عند مكتب جاب لي القبول للجامعة والقبول للمعهد رجل اثق فيه وقالي بالحرف الواحد في خلال اسبوع اطلع لك الفيزا لامريكا...
فكيف تقولون شهرين
حبيت افيدكم بهذه المعلومة الصغيرة لعلي اقدم شي
الفيزة لم تعد تاخذ وقت

عزيزي اكيد المكتب بيقولك هالكلام يبي يمشي سوقه .. اصلن اساسا موعد السفاره بعد اسبوعين واربع ايام اذا بتحجز وهذا اقرب موعد ف مبالك صدور الفيزه قل شهر ما تصدر لك الا وهو راح وقت التسجيل بالموافقه على حسابك وراح علينا الملتقى .. يتقفل موعد لرفع الطلب للموافقه بعد 22 يوم .. يا اخوان احد يفيدنا اوراقي كامله ما عدا هالفيزا

- - - مشاركة محدثة - - -


عزيزي اكيد المكتب بيقولك هالكلام يبي يمشي سوقه .. اصلن اساسا موعد السفاره بعد اسبوعين واربع ايام اذا بتحجز وهذا اقرب موعد ف مبالك صدور الفيزه قل شهر ما تصدر لك الا وهو راح وقت التسجيل بالموافقه على حسابك وراح علينا الملتقى .. يتقفل موعد لرفع الطلب للموافقه بعد 22 يوم .. يا اخوان احد يفيدنا اوراقي كامله ما عدا هالفيزا

السلام عليكم
أولا : أسئل الله لكم التوفيق
ثانيا : أنا كنت مثلكم قبل ما أقدم أوراقي متلخبط وحالتي حالة وحبيت أفيدكم

1- مو شرط انك ترفع كل شي في فتح الملف حاول انك ترفع الي معك(وهو الأفضل) وأذا ماكان معك تقدر تخلي الموظفين اللي في الملتقى يكملونها لك (كثيرين كذا شفتهم في ملتقى جدة) وفيه ناس حضرت وناقصه أوراقهم وقالو لهم تجيبونها في مقر الوزارة في الرياض عشان ندققها لكم ,,,

2- الموعد في السفارة ثلاث أنواع /فيه المستعجل جدا وتستخرج لك الفيزة بفترة وجيزة بس بفلوس أكثر / وفيه المستعجل العادي من 3أيام الى 10 أيام<< (هاذا الي أخترته)بمبلغ أقل من الي قبله /وفيه العادي من أسبوع الى 3أسابيع وهاذا أقلها مبلغ (((( ترا موشرط تقدم على نوع منها وتستخرج لك بسرعه أو تتأخر )))) أنا قدمت عليها الأثنين والأربعاء أرسلو لي رسالة أرامكس عشان أستلمها يعني 3أيام و2 من أخوياي نفس موعدي وأستلموها بعد 10 أيام ونصيحة مني لكم خلك صريح معهم في أي سؤال وخل على شخصيتك الأرتياح التام والأجابة على قد السؤال وعلى فكرة الي يقابلك يكلمك باللغة العربية الفصحى وأنت منت ملزم تتكلم بالأنجليزي (يعني خل الفلسفة)
وأنا أقولكم خل المكتب يقدمها لك عشان يعرف شغلته على قولة المثل (( أعطي الخباز خبزه ولو أكل نصفه )).. وأنت رايح لهم خلك عارف أسم جامعتك وتخصصك ومعهدك وولايتك والمدينة وجب معك كشف حساب وشهادة بنكية (ضمان بنكي) والي كان موظف يجيب معه تعريف بالعمل عشان ممكن يسئلونه من وين جبت المبلغ والي متكفل في دراسته والده يقول والدي هو الي متكفل وتاخذ موعد السفارة والأي توني( الأصل ) وصورة من قبول الجامعه او الأصل وأعيد وأكرر جاوب على قد السؤال وخل نفسك مرتاح وخلك مقتنع أن الله سبحانه وتعالى لو أرادها لك سيسهل عليك جميع الطرق اليها حتى لو حاولو يمنعونك وخلوكم دائما متفائلين وأحسنو الظن بالله وكما جاء في حديث الرسول صلى الله عليه وسلم عندما رواه عنه ابي هريرة/ أن الله يقول: (( ، أنا عند ظن عبدي ، و أنا معه إذا دعاني )) أو كما قال صلى الله عليه وسلم
فا أحسنو الظن بالله وتفائلو بالخير تجدوه.


وبالنسبة للأخ الي يقول ماأعرف أجيب قبولات يوجد فيه مكاتب كثيرة تجيب لك قبولات عطهم فلوسك ويضبطونك ويمديك ترا باقي على الملتقى شهر وعليها أنجزو أوراقكم


3- بالنسبة للملتقى حضوره الزامي جدا ولا تأتي الموافقه بالأنظمام الى البعثة الا به الا من ((أستثني منه لأي ظروف معينة )) ويجب حضور جميع ساعات الملتقى لو محاظره واحده تتأخر عنها ستعيد الملتقى من جديد في وقت أخر ولا تنسى بأن تأتي بجميع أوراقك أصول وصور وهي كالأتي :

أصل وصورة بطاقة الهوية الوطنية ( للمتقدمين )، وأصل وصورة سجل الأسرة (للمتقدمات).
أصل وصورة لجواز السفر.
أصل وصورة للمؤهل الدراسي السابق.
أصل وصورة لقبول معهد اللغة.
أصل وصورة للقبول الجامعي.
أصل وصورة للتأشيرة الدراسية، وتصريح الدخول.
أصل وصورة لنموذج الـ (I-20 ) للدارسين في أمريكا، وأصل وصورة لنموذج (COE) للدارسين في أستراليا، وأصل وصورة لنموذج (CAS number ) لراغبي الدراسة في بريطانيا.
أصل وصورة الفحص الطبي.
أصل وصورة لقرار معادلة الشهادات الخارجية السابقة (إن كانت الشهادة من الخارج).
أصل وصورة للإجازة الدراسية للموظف الحكومي.
أصل وصورة لنموذج إقرار ولي الأمر أو التوكيل الشرعي للمتقدمات

( وأعيد وأكرر الي تنقصه الأوراق يكملها بعد الملتقى في مبنى الوزارة بالرياض على حسب ماذكره لنا الدكتور هذال العتيبي)

(((( وفيه شي حبيت أقولكم أياه لا تبخل على نفسك بدفع مبلغ عشان التوفير أو تقول المكتب يلعب علي أدفع لهم المبلغ ويجيبون لك القبول اللي تبيه ويعرفون يحجزون لك موعد في السفارة ويعرفون أيش يكتبون لأن السفارة أذا شافو فيه نقص في الموعد أو غموض يمكن يرفضون أو يأجلون قبولك عشان كذا البعض يتأخر ))))


(( أرجوا أني قدرت أفيدكم وأرجوا منكم دعوة في ظهر الغيب ))

المعذره على الأطالة,,,