رسوم السيمستر الصيفي - ورطة ز_ز

السلام عليكم ورحمة الله وبركاته,,

حالياً انا في جامعة Wyoming University في لارامي على حسابي الخاص , وعلى أساس اني بدأت الدراسة مباشرة بدون الدخول في معهد اللغة , ويقولوا انه الدرجات محا تتسجل في الترانسكريبت الا بعد نصف اوغست.

جاني ايميل من الجامعة بتسديد رسوم الجامعة حقت الترم الصيفي , الا وهي حوالي 4000$ , وكاتبين انه ضروري تتسدد قبل 8-اوغست , والا راح يمنعو تسجيل أي مواد لأي ترم قادم وراح يرسلوا third-party لتجميع مستحقاتهم مني.

ملف مرفق 34503

طبعاً بعد ماقريت الإيميل تخيلت جماعة زي هدول راح يقتحموا شقتي ويجروني السجن =_=..

فإيش الحل؟ هل اقدر اكلمهم انه راح اتاخر في التسديد علين مايفتحها الله في وجهي ويجيني القبول في البعثة؟ مع العلم انه سبق واني قدمت خلال يونيو ورفضت الوزارة طلبي , وقالولي لازم تخلص الترم وترفع الدرجات مع الجدول الجديد , فمحا أقدر اقدم في البعثة علين ماالجامعة تسجل الدرجات.

المشكلة هي على عدة مراحل زي مانتو شايفين , وكل عام وانتم بخير.

و عليكم السلام و رحمة الله و بركاته

الجامعة بطبيعة الحال راح تسعى انها تستلم المبلغ بأسرع وقت لذلك توكل وكالة تحصيل تقوم بالعمل نيابة عنها
وكالة التحصيل راح تزعجك بالاتصالات و هذا شي طبيعي و لا تحاتي موضوع السجن و ما إلى آخره لأن مثل هالوكالات تحاول تساعد بقدر المستطاع
لو اتصلو عليك اشرح لهم الوضع و لين متى ممكن يصبرون عليك, و هل فيه حلول اخرى للدفع مثل أن يكون الدفع على عدة أقساط شهرية على سبيل المثال

و نصيحة لك مني دام ان الوزارة طالبة منك الدرجات و الجدول الجديد, حاول بأي طريقة تدبر المبلغ و لو سلفية و تخلص أمورك مع الجامعة و ترفع أوراقك
لأن الجامعة ما راح ترفع عنك الهولد الخاص بالدفع إلا لما يندفع كامل المبلغ المستحق عليك

اقتباس:

---

المشاركة الأصلية كتبت بواسطة Moshakis

و عليكم السلام و رحمة الله و بركاته

الجامعة بطبيعة الحال راح تسعى انها تستلم المبلغ بأسرع وقت لذلك توكل وكالة تحصيل تقوم بالعمل نيابة عنها
وكالة التحصيل راح تزعجك بالاتصالات و هذا شي طبيعي و لا تحاتي موضوع السجن و ما إلى آخره لأن مثل هالوكالات تحاول تساعد بقدر المستطاع
لو اتصلو عليك اشرح لهم الوضع و لين متى ممكن يصبرون عليك, و هل فيه حلول اخرى للدفع مثل أن يكون الدفع على عدة أقساط شهرية على سبيل المثال

و نصيحة لك مني دام ان الوزارة طالبة منك الدرجات و الجدول الجديد, حاول بأي طريقة تدبر المبلغ و لو سلفية و تخلص أمورك مع الجامعة و ترفع أوراقك
لأن الجامعة ما راح ترفع عنك الهولد الخاص بالدفع إلا لما يندفع كامل المبلغ المستحق عليك

---

جزاك الله خير يامشاكس , هو انا ماعندي مشكلة في الدفع الحمدلله , بس بحاول أاخر دفع المستحقات علين ما بعد ما أنقبل ان شاء الله في الوزارة يارب , لانه زي ماتعرف كل الرسوم المدفوعة قبل الانضمام للبعثة محا تتعوض , خصوصاً انه 16 الف ريال مبلغ مو سهل لديك الدرجة.

اقتباس:

---

المشاركة الأصلية كتبت بواسطة zahik

جزاك الله خير يامشاكس , هو انا ماعندي مشكلة في الدفع الحمدلله , بس بحاول أاخر دفع المستحقات علين ما بعد ما أنقبل ان شاء الله في الوزارة يارب , لانه زي ماتعرف كل الرسوم المدفوعة قبل الانضمام للبعثة محا تتعوض , خصوصاً انه 16 الف ريال مبلغ مو سهل لديك الدرجة.

---

انت حاول تتفاهم مع الجامعة بهالخصوص عشان يعطونك الأوراق المطلوبة للوزارة, بعض الجامعات ممكن تتساهل بهالامور خاصة لو عرفت ان الطالب راح يحصل على البعثة
و الله يسهل كل أمورك و يوفقك

اقتباس:

---

المشاركة الأصلية كتبت بواسطة Moshakis

انت حاول تتفاهم مع الجامعة بهالخصوص عشان يعطونك الأوراق المطلوبة للوزارة, بعض الجامعات ممكن تتساهل بهالامور خاصة لو عرفت ان الطالب راح يحصل على البعثة
و الله يسهل كل أمورك و يوفقك

---

واياك اخوي , شكراً لمساعدتك. حصلت المكتب المسؤول لتسديد الرسوم الدراسية ورايحلهم بكرة ان شاء الله.