مساعدة عاجل بالنسبة للكشف الصحي

جميع من يسأل عن الفحص الطبي اذا كان يقبل من خاص
انا اليوم شخصيا رحت للوزاره و سالت عنه
وقالت لي عادي نقبل من خاص مو لازم حكومي

بالنسبه للختم



المستوصف او المستشفى يختمو على الصوره

انا طلعت لمستوصف حكومي وقالو لي لازم نختم على الصوره


هذا الي صار لي

وشكرا لكم

يارجال سواء حكومي او خاص راح يقبلونها
ثانياً انا عمي طلعت له نتيجة فحص طبي على انه انا , وهو بأمريكا
وخلصت اموره وهو هناك
فالمستشفيات الخاص تمشي امورك سريع سريع ويفكون ازمات
الله يوفقك الجميع
ادعولي الله يسهل اموري

السلام عليكم,

اخواني عندي كم استفسار بخصوص الفحص الطبي للدارسين على حسابهم الخاص

1-وين مكان الفحص بمدينه الرياض اي مستشفى بالضبظ

2- يقولون لازم تختم على صورتك من الوزاره الموجوده بالنموذج هل هذا صحيح او خطأ اذا صحيح وين اروح اختمها بالضبط بالرياض

3-والنموذج اللي يحتاجونه مالقيت غير هذا, هل هذا هو او لا الملف موجود بالمرفقات

يا اخواني اللي يعرف الاجابات لا يبخل علينا مالقيت احد فادني كل ما اسال روح شوف ويمكن ومدري ايش

اول شيء عادي تسوونه بخاص أو حكومي ,
انا سويته بخاص , بس قعدت 3 ايام ادور خاص ورخيص كلها من 500 وفوق خخخ !

والحمدلله شباب دلوني على عياده رخيصة , وطلعت النتيجة بعد يومين فقط , لا وبـ 150 ريال ..

شروطهم / صورتين شخصيه لك و 150 ريال والجواز او صورة منه حتى على جوالك , عشان يطابقون الاسم ..

موقعهم قبال بنك البلاد على شارع التخصصي , ووجهك جنوب , قبل اشاره موسى بن نصير .. اذا صار البلاد على يمينك ديور مع الاشاره , وقبل شركه الكهرب يمين مجمعهم ع يدك اليمين
اسم العياده , عيادة التقويم او اسم زي كذا بالدور الثاني ..

وفالكم التوفيق

ايه هذا هو اخوي فراس .. لا مايحتاج ختم من الوزاره ختم المستوصف يكفي او العيادة

الغريب الحين النظام الجديد مايطلب الفحص الطبي ,, مادري اذا بنحتاجه بعدين ؟,, لكن أنت سووه بحكومي عشان ماتتخسر وحتى لو طول اسبوع لانك ماراح تحتاجه بالتسجيل النظام الجديد ممكن بالملتقى يطلبونه .

طيب في فرغ الورقه حط صورتي وهل اختم بالوزاره صحيح

السلام عليكم ورحمة الله وبركاته
بحثت عن نموذج الفحص الطبي في موقع وزاره التعليم العالي ولم اجده لذا ارجو منكم ارسال النموذج لمن لديه.

وَ عليكم السلام وَ رحمـــة الله وَ بركاته
حياك الله ,,

بحثت في موقع الوزارة وَ لم تبحث في مواضيع المنتدى .. لذا تم نقل موضوعك للقسم الصحيح وَ دمجه في هذا الموضوع ..
راجع الصفحات السابقة .. بإذن الله ستستفيد ..

بالتوفيق ,,