قبول مشروط ومعهد تجاري ابي فزعتكم

اخواني ياليت تفيدوني .. انا جاني قبول مشروط من جامعة Murray state university
لدراسة الماجستير في تخصص تعليم اللغة كلغة ثانية
طبعا القبول مشترطين ادرس بمعهد الجامعة
انا راح ادرس على حسابي ومابي ادرس بمعهد الجامعة لان التكلفة غاليه شوي
وكل الجامعات اللي معتمد من الملحقية تخصصي وعددها 22 جامعة قالوا لازم تدرس بمعهد الجامعة
وعشان افتح ملف دارس على حسابه الخاص لازم قبول معهد وجامعة
انا جاني القبول المشروط بورقه وحده
بس انا ابي ادرس بمعهد تجاري مناسب لي لقيته وقدمت عليه وراح يرسلون الاي توني الاسبوع الجاي
..
سؤالي ؟
كيف افتح ملف دارس على حسابه الخاص واروح ادرس بالمعهد التجاري وهل الملحقية تقبل ورقة القبول المشروط اللي فيها المعهد والجامعة
اللي عنده حل ياليت يساعدني

UP UP

مافيه رد ....... ننتظر ردكم وفزعتكم

إيه أخوي تقدر تجيب قبول من معهد تجاري ( حتى لو كان متكدس ) مدامك تدرس ع حسابك، وبعد الإنضمام ممكن يطلبون منك تغيير المعهد أو يخلونك بكفيك.
ذاك الوقت تقدر تغير معهدك للمعهد التابع للجامعة اللي تبيها.
طبعا عشان ترفع طلب لازم قبول معهد وقبول جامعة..

موفق ي رب ،،

اقتباس:

---

المشاركة الأصلية كتبت بواسطة Relaxation

إيه أخوي تقدر تجيب قبول من معهد تجاري ( حتى لو كان متكدس ) مدامك تدرس ع حسابك، وبعد الإنضمام ممكن يطلبون منك تغيير المعهد أو يخلونك بكفيك.
ذاك الوقت تقدر تغير معهدك للمعهد التابع للجامعة اللي تبيها.
طبعا عشان ترفع طلب لازم قبول معهد وقبول جامعة..

موفق ي رب ،،

---

معليش بعد اذن صاحب الموضوع بسئلك سؤال اذا تسمح لي

تحملني شوي ..

مثلا رحت لجامعه وقلت ابي قبول مشروط على المعهد التابع لكم حلو؟

اخذ القبول المشروط بس ماراح ادرس بمعهدهم .. راح اخلي القبول المشروط معي , بس بدرس بمعهد تجاري لين الانضمام واذا انضميت احول للمعهد التابع للجامعه وابدا من جديد معه ,

وامدد فترة القبول المشروط اكثر من سنه,

و اذا انا بمعهد تجاري فترة 6 شهور .. ولـ انضميت بالبعثه بدرس من اول وجديد ومن البدايه اقدر ؟ ولا تنحسب ال 6 شهور من البعثه ؟

اسف اذا كثرت اسئله بس بتطمن

لاهنت

اقتباس:

---

المشاركة الأصلية كتبت بواسطة نـوآف مبتعث

معليش بعد اذن صاحب الموضوع بسئلك سؤال اذا تسمح لي

تحملني شوي ..

مثلا رحت لجامعه وقلت ابي قبول مشروط على المعهد التابع لكم حلو؟

اخذ القبول المشروط بس ماراح ادرس بمعهدهم .. راح اخلي القبول المشروط معي , بس بدرس بمعهد تجاري لين الانضمام واذا انضميت احول للمعهد التابع للجامعه وابدا من جديد معه ,

وامدد فترة القبول المشروط اكثر من سنه,

و اذا انا بمعهد تجاري فترة 6 شهور .. ولـ انضميت بالبعثه بدرس من اول وجديد ومن البدايه اقدر ؟ ولا تنحسب ال 6 شهور من البعثه ؟

اسف اذا كثرت اسئله بس بتطمن

لاهنت

---

خذ راحتك أخوي نواف..
مافيه شيء أسمه قبول مشروط للمعهد..
اذا كنت تقصد قبول جامعي مشروط.. ايه هذا اللي العالم قاعدة تسويه معها قبول واذا جاء وقت الدراسة وما جاب الدرجات المطلوبة باللغة أو الجيمات يطلب منهم تأجيل الدراسة.
بخصوص المعهد مهما كان تجاري أو تابع لجامعة راح يقبلك بسهولة وخلال مدة قصيرة مرة.
أنت أدرس الحين في معهد تجاري رخيص.. ومتى ما جاك قرار الإلحاق قدم ع المعهد حق الجامعة. ( هذا اللي راح أسويه ان شاء الله )
اللي فهمته من كلامك انك بتجيب قبول معهد تابع لجامعة وتخليه ع جنب لين يجيك الإنضمام بعدها تحول له.
الطريقة حلوة لكن حسب علمي أغلب المعاهد التابعة للجامعة يكون فيه دفعة مسبقة للسمستر اللي تبي تقدم فيه، والمبلغ يكون غالي شوي.
لو المعهد اللي لقيته ما عندهـ النظام هذا .. سو الطريقة وتوكل ع ربك.
أعتقد يحسبون مدة دراستك من وقت الإنضمام وبداية المكافآت ( بس تأكد من هالنقطة )

حياك ي أبوي بأي وقت :)
موفق ي رب ،،

نفس الاستفسار اللي عندي و الحمد لله أفدتوني جزاك الله خير

الله يعطيك العافية جواب كافي

ياخي يقولون المعاهد التجارية ترسب الشباب وبعدين ويش افضل معهد تجاري في ولاية اوهاي , والمشكلة في بعض المعاهد الترم 4 شهور يعني ترسب تعيد من جديد
انا محتار فيه معهد في واشنطن قريب من سياتل ليسن بورق ناس تمدحه وناس تذمه واحترنا