استفسار عن تكلفة الدراسة على حسابي الخاص
السلام عليكم ورحمة الله وبركاته
انا افكر ابعث ولدي لامريكا حسب رغبته في دراسة التمريض
فمادري كم تكلف ؟
وهل لازم يكون مبلغ مالي في حسابي عشان احصل على التأشيرة ؟
بالنسبه للاقامة في امريكا راح يقيم عند عمه وعيال عمه لان معهم الجنسية وعايشين في امريكا
تكفون الي عنده خبر اكيد يعطيني خبر
وشكرا لكم
رد: استفسار عن تكلفة الدراسة على حسابي الخاص
تعتمد على حسب الولايه و على صرفيه الولد
مثال ولايه كاليفورنيا من ناحية الصرف و المستلزمات تختلف عن ولايه اوهايو
وتختلف من ناحية السكن ولكن على كلامك السكن متوفر لديه
بخصوص التاشيره اي نعم لابد من وجود مبلغ مالي يثبت امكانيه صرفك لولدك ويطلبون كشف حساب لاخر 6 شهور
بنسبة لقبول المعهد و الجامعة يكتفون بصوره من الضمان المالي وهي ورقه بنكية تبين انه يوجد في حسابك مبلغ وقدره
بالتوفيق
رد: استفسار عن تكلفة الدراسة على حسابي الخاص
خل احد يحول لك المبلغ واطبع كشف الحساب ورجع الفلوس لراعيها ههههههه سويت كذا انا
رد: استفسار عن تكلفة الدراسة على حسابي الخاص
وعليكم السلام ..
بفيدك اخوي بخصوص الضمان المالي
انا جمعت لي مبلغ وقدره مني ومن الاهل حوالي 200 الف يعني ما يقارب 52$ الف لازم يكون المبلغ في الحساب لمدة 24 ساعه وبعدها تطلب منهم ضمان مالي الاحسن تاخذ منهم خطابين واحد للسفاره الي راح يدرسها ولدك
والثاني الافضل انك تخليه الى من يهمه الامر للجامعات والكليات
(بنك الراجحي 50 ريال للورقتين)
هذا طريقتي واي شي تبيه انا في الخدمه
تحياتي ،،