قفل التقديم على الدارسين على حسابهم الخاص ولا سجلت !!
السلام عليكم ورحمة الله وبركآته
اخواني طالب فزعتكم في هذا الموضوع واتمنى المساعدة
الحمدلله اوراقي كامله وكلها بصيغه PDF ولكن التسجيل قفل وكل ما أسوي الطلب يطلع لي خطأ
" عفوا, تم اغلاق التقدم على طلب الموافقة للدراسة على الحساب الخاص فى الوقت الحالى "
ورحلتي لأمريكا يوم 26 سبتمبر وابي احضر الملتقاء عشان ما أتوهق , وللحين ماسجلت
وش الحل جربت ادخل على الدعم الفني يطلع خطأ وجربت اسوي كل الطرق مافي حل
مع العلم في واحد من اخواني بأمريكا يقدر يفيدني بالموضوع ؟
شكراً .
رد: قفل التقديم على الدارسين على حسابهم الخاص ولا سجلت !!
عندك خيارين لا ثالث لهم
تكلم المعهد وتأجل موعد دراستك شهر قدام يعني تقريبا بـ ديستمبر وبكذا راح تتمكن من التسجيل في الملتقى في شهر اكتوبر حق الدمام ويوم المؤتمر راح يكون باواخر شهر نوفمبر ( يعني تحضر وبعد يومين تمشي )
او تروح حق الرياض بعد 10 ايام وتكلمهم وان شاء الله يمشونك خبرهم ان كل اوراقك سليمه وسفرتك قريبه ومن هالكلام المعسول
موفق..
رد: قفل التقديم على الدارسين على حسابهم الخاص ولا سجلت !!
اقتباس:
المشاركة الأصلية كتبت بواسطة The_ZeeZoo
السلام عليكم ورحمة الله وبركآته
اخواني طالب فزعتكم في هذا الموضوع واتمنى المساعدة
الحمدلله اوراقي كامله وكلها بصيغه PDF ولكن التسجيل قفل وكل ما أسوي الطلب يطلع لي خطأ
" عفوا, تم اغلاق التقدم على طلب الموافقة للدراسة على الحساب الخاص فى الوقت الحالى "
ورحلتي لأمريكا يوم 26 سبتمبر وابي احضر الملتقاء عشان ما أتوهق , وللحين ماسجلت
وش الحل جربت ادخل على الدعم الفني يطلع خطأ وجربت اسوي كل الطرق مافي حل
مع العلم في واحد من اخواني بأمريكا يقدر يفيدني بالموضوع ؟
شكراً .
اخوي جعل والديك بالجنة انا نفس حالتك ياليت تخبرني اذا وصلتك اي طريقة أو تعرف احد
وجزاك الله خير
رد: قفل التقديم على الدارسين على حسابهم الخاص ولا سجلت !!
هلا يا اخوي
لي واحد من اخوياي ولد عمه صارله نفس الكلام بمؤتمر جده
صديقي مسجل بالمؤتمر ودخل و ولد عمه كانت اوراقه كامله وسليمه وكلمهم ودخلوه ..
الله يوفقك وانا انصحك بالذهاب للمؤتمر وتضبط اوضاعك واذا شايل هم اتصل على الوزاره واسئلهم عن الموضوع ومدى تساهله
تحياتي
رد: قفل التقديم على الدارسين على حسابهم الخاص ولا سجلت !!
بنسخ لكم نفس ردي بم،ض،ع سابق ،وهو "
"انا صار لي نفس وضعك بالضبط وناس غيري كثييييير .. سفري باوغست وملتقى جدة كان بجولاي فرحت لهم بنفسي ومعي القبولات والاوراق واخذو مني نسخة باليوم الاول .
واليوم الثاني قالوو شيكو على بطاقة احوالك اذا تم قبولك << وشيكت وحضرت الملتقى الحمد لله وانا بامريكا الان .. روح وان شاء الله ربي بيسرك .."
رد: قفل التقديم على الدارسين على حسابهم الخاص ولا سجلت !!
خوي الملتقى يكون 20-21-22 إنت روح يوم 19 بأوراقك كلها وإن شاء الله بتدخل وأنا اعرف شخص سوا نفس الحركه هذي في ملتقى جده ودخل الملتقى وهو الان في امريكا
الله يوفقك إن شاء الله
نصيحه اذا اوراقك كامله لا تأجل دراستك
رد: قفل التقديم على الدارسين على حسابهم الخاص ولا سجلت !!
اعذرني اخي الملتقى من 15 الى 17 مو من 20 الى 21 !! لاكن عندي سؤال الملتقى في الصباح او المساء؟
رد: قفل التقديم على الدارسين على حسابهم الخاص ولا سجلت !!
أنا أقصد بالهجري مو بالميلادي
رد: قفل التقديم على الدارسين على حسابهم الخاص ولا سجلت !!
الله يعطيكم العافيه جميعاً والله افدتوني كنت خايف والله ..
و الله يرحم والدينكم ويجمعنا بالجنة يارب ..
ومواعيد المؤتمرات تلقونهم بموقعهم على تقديم الطلب على الحساب الخاص ..
ماعندي خلفيه اذا كانت صباحيه او مسائيه بس براجع وزارة التعليم العالي بأذن الله او اتصل عليهم ..
مشكورين ماقصروتوا
- - - مشاركة محدثة - - -
اقتباس:
المشاركة الأصلية كتبت بواسطة يارب يسرلي الطب
اخوي جعل والديك بالجنة انا نفس حالتك ياليت تخبرني اذا وصلتك اي طريقة أو تعرف احد
وجزاك الله خير
ماقصروا الاخوان جميعاً , عطونا الحل يا نكلمهم او نراجعم او نطب عليهم بالمؤتمر ..
رد: قفل التقديم على الدارسين على حسابهم الخاص ولا سجلت !!