| . . مـتـابـعة طـلـبات الإلحاق لدى الوزارة . . | (3)

عزيزي المعاهد ماهي كلها بالسمستر
قليل بالسمستر او ماهم اكثرية
واغلب السعوديين والعرب مايبون معاهد الي بالسمستر
90 او 80 % من الناس معاهدهم سشنها شهر او شهرين

مثلا معهدي السشن حقهم شهرين بس
طيب صار شهر 5 زي ماتقول و جاني الحاق والسشن مخلص امس وانا في عطلة بين هذا اللفل وذاك .. بينما زيد توه بادي من اسبوع في المعهد الي جنبنا وعبيد الي في الولاية اللي جنبنا باقي له يوم ويخلص !!

وقس على هذي الحالة غالبية الناس وغير كذا زي ماقلت لك مواعيد الدول ماهي زي بعض خصوصا في اللغة فكيف يوقتونها على شهر 5 ولا غيره
اساسا حت الولايات ماهي شرط زي بعض

اسحب كلمة عبيد تراني خال و يا رجل فك منك العنصرية . ثانيا اجازة السمر بتبدا شهر خمسه ومتوقع كثير طلاب درسوا اكثر من 4 شهور وقدموا طلب الحاق انهم ينتظرون الالحاق واحتمال كبير محد يدرس صيفي .. فيمكن الالحاق يبدا شهر 5 .. ادري هالشئ هذا ما ابيه ولا تبيه ويوترنا كلنا بس لازم نحلل ليه التأخير وايش اسبابه

ههههه من جدك تتكلم
الله يهديك وشجاب العنصرية في الموضوع !!!
الله لايبلانا بالعنصرية

عْبّيد = نك نيم عبدلله
اسم ماله علاقة بعرقية معينة
وهذي معروفة
وكلنا عبيد الله وكلنا ابناء آدم وآدم من تراب

طيب ولاتزعل نخليها عبادي

لا عادي عبالي تقول عبيد في الولاية هههه اسحب كلامي لسوء فهمي sorry

ههههههههههه انا اقول شفيه مدرعم كذا
حياك الله

ههههه بس كلمه عبيد يوم جت مع الولاية كنك تقول في عبيد في الولاية وتخيلتك تقصد السود

يا شباب الأمر الواقع والي ما نبيه والي فهمته من الوزاره اليوم وعلى كلام أحد الموظفين قالي في يوم وليله دقوا وقالوا وقفوا الالحاق وأي واحد يدق أو يجي من الطلاب قولوا له تم تطبيق النظام الجديد 30 ساعه البكالريوس و لماستر والدكتوراه والي طالعين من أول لحد الآن ينتظرون الوزير ياخي خذا كلام الوزاره لي اليوم وقلت له حن ما نعرف الشي ذا نعرف انو 4 شهور وإلحاق وش هالكلام قالي انا علمتك وكيفك وهذا الي صاير بالوزاره أن الالحاق متوقف إلى أجل مسمى ينتظرون الوزير يعني الله يعين والصبر تكفون تكفون

جتني معلومه بس مو متأكد منها 100% أن العيسى بينزل السعودية اجتماع في جده مدري هذا خبر مفيد أو لا بس حبيت اقولكم

طيب وشوضع معاهد اللغة الموصى بها اوالمعتمدة اللي مايقبلون طلبك الااذا كنت في احدها
وللحين الصفحة حقت المعاهد موجودة

طيب امس واحد تو جايته الموافقة وموريني اياها
وهو طالع امريكا على الي نعرفه كلنا
الي هو 4 شهور وحضر ملتقى وباقي السالفة الي نعرفها

طبعا السؤال ليس بالضرورة موجه لك
لكن بشكل عام

كذا معناها مافي شي اسمه الحاق وبكذا اقتصر البرنامج على المبتعثين

والاهم من كذا انا شذنبي انهم رجعو في كلامهم وغيرو قوانينهم بعد شهوووور من سفري وخسارتي كل مااملك ووظيفتي اللي فصلت منها
ياخي حتى في ناس صارت لهم مشاكل عائلية بسبب هذا الموضوع

وعلى فكرة في بيوت بتخرب وعيال بتضيع بسبب هذي القرارات المبنية على تصرفات صبيانية ومزاجية (ان صحت هذي القرارت)
لان ماورا الخسارة المادية وفقدان الوظايف والديون والأزمات النفسية الاالطلاقات والمشاكل وتشتت العوايل

شباب
واتسب برنامج الثامنة حاليا يستقبل رسايل عل الواتسب ارسلو له الله عسى ان الله يخليهم سبب في تفريج كربتنا هذي