الأعضاء الإشتراك و التسجيل

الملتقيات
ADs

للأسف اكتشاف في ملتقى الرياض

للأسف اكتشاف في ملتقى الرياض


NOTICE

تنبيه: هذا الموضوع قديم. تم طرحه قبل 3505 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة nawaf0099
    الافضل ماتسافر الين تجيك الموافقة على الدراسة بحسابك الخاص...بس اذا اوراقك كاملة وسليمة ومافي نواقص ، تقدر تسافر، بس حط ببالك الموافقة انت وحظك يا تجيك الموافقة على طول او تتاخر عليك..
    وعلشان ترتاح اكثر وقت الملتقى تقدر تاخذ العلم الاكيد من المسؤولين عن الملتقى بسفرك من عدمه
    طيب لو لا قدر الله حصل نقص ف الاوراق وانا سافرت اقدر امشي اموري من هناكك ؟
    7 "
  2. المشاركة الأصلية كتبت بواسطة algabry911
    يا جماعة سجلت بس للحين ما وصلتني رسالة على الجوال *مع العلم إني حاط رقم الفيزا من عندي قلت على شان أسجل بسرعة ، وأنا للحين ما طلعت الفيزا

    يا ترى هل يؤثر هذا على التسجيل ؟؟؟؟؟؟؟؟
    تتاخر الموافقه شي بسيظ فقط
    7 "
  3. المشاركة الأصلية كتبت بواسطة abdulaziz_
    ي شباب بخصوص ملتقى الدمام انا راح احضره ان شاء الله وبعدها ب ٥ ايام رحلتي كذاا اموري اوك ولا؟
    يارجال احضر الملتقى صد رد
    والموافقه وتكميل اوراقك من هناك لا تشيل هم
    7 "
  4. المشاركة الأصلية كتبت بواسطة nawaf0099
    الافضل ماتسافر الين تجيك الموافقة على الدراسة بحسابك الخاص...بس اذا اوراقك كاملة وسليمة ومافي نواقص ، تقدر تسافر، بس حط ببالك الموافقة انت وحظك يا تجيك الموافقة على طول او تتاخر عليك..
    وعلشان ترتاح اكثر وقت الملتقى تقدر تاخذ العلم الاكيد من المسؤولين عن الملتقى بسفرك من عدمه
    كلامك سليم ، لكن اذكر الدكتور يقول عادي لاتشيل هم الموافقة اهم شي احضر الملتقى والتدقيق وخلاص سافر وكل شي بيجيك عالايميل
    7 "
  5. المشاركة الأصلية كتبت بواسطة nawaf0099
    كيف تسجل وانت ماعندك فيزا وكيف ارفقت صورة الفيزا 😕
    عالعموم الرسالة تجيك عالايميل برقم الطلب..وبعد ماتجيك الفيزا انشءالله تدقق اوراقك وتحضر الملتقى ..وبعدها تجيك رسالة ثانية عالايميل يعلمك بالنواقص اللي عندك ومعها رابط لصفتحك بالطلب وترفع النواقص 😃 وبكذا انت اوكي انشاءالله👍
    عادي يارجال الشغله خبط لزق ههههههههه اهم شي يكون معكك رقم طلب وكمان الايميل عشان تجيك رسالة حضور الملتقى والتدقيق
    7 "
  6. المشاركة الأصلية كتبت بواسطة 0x_omar
    ##تجربتي مع السفارة الامريكية عشان الفيزا##
    اول شي ياطويلين العمر حجزت موعد ع طول بعد ماوصلني الايتونتي وجهزت كل اوراقي
    حجزت لقيت اقرب موعد بعد تقريباً 5 ايام طوالي حجزت وبديت اجهز اموري كاملة وسددت رسوم السفارة 608 ريال وسددت السيفس 200$
    الزبدة وقتها كنت بالرياض اتصل علي المكتب قال تعال بسرعه استلم ورقة التأكيد وورقة السيفس
    دعست طوالي للقصيم صد رد يوم وصلت الرياض تقريباً على 2 بالليل و مافيني نوم وخايف يفوتني موعد السفارة , موعدي 11 الصبح
    ونمت ابو ساعتين ودايركت والساعه 7 ونص وانا عندهم ,, طبعاً السفارة اقرب طريقة من الدرعية اسرع وانا كنت هناك عند اخوياي
    الزبدة حالتي حاله يوم جيت الا فيه جلسه وفيه 3 طوابير كل طابور عليه ورقة مثلا 9 ونص , 10 , 10 ونص
    وكل ما خلص طابور حطو ورقة جديدة
    الزبدة جلست في الجلسة وطولت لين جت الساعه 9ونص وهم يحطون ورقة اللي موعدهم 11 يصفون طابور
    وانقز يالذيب اولهم واوقف ساعه ونص لين تمصع ظهري يوم شفت الطابور وراي يووه انشهد انهم ماهم مخلصين الا العصر ههههههه
    طبعاً الطابور يخلص سريع سريع لحد يخاف
    الزبدة قالت حرام لأوقف ساعه ونص واللي يصير يصير 300 كيلو للرياض ما تروح عبث
    الزبدة نادتني المصريه قالت هات الجواز وصفحة التاكيد والموعد , قلت حاضرين للطيبين <<< ذاك اليوم نازلن علي اسلوب مو صج ههههه
    وقالت خلاص ادخل ونزل جوالك ومفتاح موترك عند الموظف اللي جنبي , وعطيته اغراضي وحطها بكيس
    دخلوني مع باب السفارة واخذو الكيس وحطوه داخل صندوق ومشيت بالجهاز حق التفتيش وقالو لي رح للمبنى الثاني حق القنصلية
    انا هنا بغيت اصيح تخيلو مخلي الجوال الشاحن فل 100% واخر شي ساحبينه مني , كنت حاسب حساب الانتظار واني بقضي وقتي فيه
    الزبدة اول ما طلعت من مبنى الاستقبال وبروح مع الساحه لمبنى القنصيلة شفت عسكري جنبي امريكي معه كلاشنكوف بيني وبينكم اول مره اجرب شعور ام الركب
    قمت اتنافض نفض ماهوب صاحي هههههههههههه
    خشيت مبنى القنصلية قالت لي اللبنانية هات جوازك وموعدك وصفحة التاكيد ورجعتها >> عشان تعطيني ورقة فيها رقم .. زي حقت المطاعم
    الزبدة دخلونا بغرفه ونادو على رقمي 160 وانقز على طول قال رح للكاونتر رقم 5
    طلع واحد سوداني عسل حبوب قال عطني ورقة السيفس وجوازك وصفحة التاكيد ,, قلت من عيوني
    قال عطني كشف حساب 3 شهور قلت ابشر واعطيه كشف الحساب وقالي اذا عندك اي شيء يثبت ان عندك فلوس جيبو
    واعطيه الشهاده البنكيه وجمعهم وحطهم بملف
    وقال انتظر بالمقاعد مع هالعالم ولا تضيع رقمك قلت ابشر
    ويجي واحد سعودي يقول الارقام ويصفهم طابور واحد واحد عشان المقابله
    الزبدة كنت خايف من المقابلة ومفكر انها تحجير بتحجير وشغل تعجيزي
    وجاء السعودي وقال رقمي وقال رح لكاونتر رقم 10
    واروح لقيت وحده امريكيه قالت هاي قلت هاي
    قامت ترطن شوي انقليزي قلت اي ناو دونت سبيك انقليش >>> أظاهر اني لعنت والدين لغتهم هههههه الاكيد فهمتها اني ما اعرف شيء
    قالت وش عندك بامريكا ليش رايح ؟ سياحة ولا دراسة ؟
    قلت دراسة ..
    قالت مين بيتكفل بمصاريفك
    قلت الوالد ,, عشاني جايب شهادة بنكية وكشف حساب باسم الوالد
    قالت وش وظيفة الوالد وكم راتبه
    قلت عسكري وراتبه كذا كذا
    قعدت تناظر شوي بجدول جنبها حق رواتب
    وقالت اوكي , وين رايح بامريكا ؟
    قلت سان دييقو
    قالت ليش اخترت سان دييقو
    قلت والله الجامعات فيها كويسه والجو فيها كويس
    قالت كيف ؟ يعني تقصد البيئة ؟
    عطيتها من الرخيص قلت ايه البيئة مناسبة وجوها ممتاز ومناسب لي ,, << وهي ماتدري اني مغصوب ع سان دييغو ولا النيه كانت ع بيتسبيرغ بس انغصبنا عالمعاهد التجاريه لان معاهد الجامعات تفتح بعد شهرين
    الزبدة هي اخذت الجواز حقي وقالت مبروك عليك قبول الفيزه
    انا هنا وقتها انكمخت بغيت ارقص دقني واهزها شوي قدامهم قلت امشي لأهلي ولا وش اسوي ,, قالت ورني عرض مقفاك والفيزه تجيك بعد 4 ايام بالفرع الرئيسي حق ارامكس بالرياض
    طلعت واتنكس واصور شوي مع لوحة السفارة التركية وكتبت بالبي بي باك تركيا ,, الزبدة انحلست ماكنت مصدق ان الشغله سهالات
    حسبي الله على هالملحس اللي هنا لعبو بنفسياتنا هههههه

    #ملاحظة كل الاوراق اللي ياخذونها منك يرجعونها لاتخاف ,, لاتصيرون مطلع شاهدتين بنكيه بغيت انجلط#
    وبس ,,
    سؤال على السريع اذا ماعليك امر .. انا معي شهاده بنكيه .. تنفع بدال كشف الحساب ؟؟ مع العلم ان الحساب فيه ٥٠ الف ريال وكلمت واحد وحولي ٦٠ الف ريال وطلعت شهاده بنكيه بعد ما حولي
    اتمنا وصلت لك
    7 "
  7. المشاركة الأصلية كتبت بواسطة Eng.Terry
    سؤال على السريع اذا ماعليك امر .. انا معي شهاده بنكيه .. تنفع بدال كشف الحساب ؟؟ مع العلم ان الحساب فيه ٥٠ الف ريال وكلمت واحد وحولي ٦٠ الف ريال وطلعت شهاده بنكيه بعد ما حولي
    اتمنا وصلت لك
    من ناحية المبلغ عادي خويي جايب 60 الف ومشت اموره
    لكن يبون كشف الحساب حق ثلاث شهور اهم شي ، والشهادة اذا جت زين واذا ماجت عادي
    ومو شرط كشف الحساب فيه عمليات كثيرة اهم شي كشف عن قولت وفيه المبلغ وانجليزي وبس
    7 "
  8. السلام عليكم

    بخصوص الملتقى دخلت على الموقع علشان اسجل لقيت اجباري تكتب معلومات عن الفيزا علشان يجيني رقم طلب وانا باقي ما طلعت الفيزا وش الحل سااااااعدوووني


    طيب لو احط اي تاريخ وارفق مكان الفيزا صورة الجواز وارحلهم وقت التدقيق واعطيهم الفيزا يوافقون ولا يرسلولي ايميل ارفق الملفات الناقصه بعد الملتقى
    7 "
  9. المشاركة الأصلية كتبت بواسطة abdulrahman1417
    السلام عليكم

    بخصوص الملتقى دخلت على الموقع علشان اسجل لقيت اجباري تكتب معلومات عن الفيزا علشان يجيني رقم طلب وانا باقي ما طلعت الفيزا وش الحل سااااااعدوووني


    طيب لو احط اي تاريخ وارفق مكان الفيزا صورة الجواز وارحلهم وقت التدقيق واعطيهم الفيزا يوافقون ولا يرسلولي ايميل ارفق الملفات الناقصه بعد الملتقى
    وعليكم السلام
    يارجل شغل خبط لزق ماعليك حط اي معلومات واي صور
    ووقت التدقيق بيرسل لك رسالة عالايميل استكمال النواقص بعد اكمال اوراقك
    وماراح يرفضون شي بالعكس
    7 "
19 من 22 صفحة 19 من 22 ... 14181920 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.