السلام عليكم ورحمة الله وبركاته
كيف حالكم يا شابا
هذي اول مشاركه لي بالمنتدى وما كتبت الموضوع ذا الا من غبنه وابي اصحاب الخير يساعدوني ويعلموني وش الاجرائات اللي اتخذها لاني وبكل صراحه تعبت
قصتي بدات لمن قررت اكمل دراستي في امريكا انا و واحد من اخوياي
اشار علي صديقي باننا نروح مكتب UNDER BONNAH لجهلنا باجرائات الابتعاث , فقلت على بركة الله ورحنا وقابلنا شخص اسمه محمد وكان اسلوبه حلو
وقال ان قبول المعهد والجامعه راح يكلف 2200 ريال واجرائات الفيزا راح تكلف 1300 ريال , اي ان المجموع اصبح 3500 ريال قلنا اوكيه ودفعنا الفلوس
اتفقنا مع الاخ محمد على معهد كابلان في بوسطن على مدة 4 شهور بـ 24000 ريال وقال لازم تدفع جزء من المبلغ قبل مقابلة الفيزا
فدفعت له 6000 ريال واخذت الاوراق من عنده حقت الابلكيشن وقبول المعهد و I-20
لمن قريت I-20 اكتشفت انه كاتب الدفعه حقت ثلاث شهور اي ما تعادل 18000 ريال تقريبا ,وانا كنت متفق معاه على اربع شهور اي ما تعادل 24000 ريال
فـ رحت له في المكتب وقلت له انو حنا اتفقنا على4 شهور بس انت مسجل 3 شهور
قال لي ايه الشركه تاخذ 6000 ريال كفائده
انا الصراحه انصدمت لانو ما قال لي الكلام هذا من قبل فصار بيني وبينه مشاده كلاميه ,وفي الاخير قلت له خلاص مابي منك شي بس ابي 6000 ريال حقتي ترجع لي
قال لا من الشروط انك لو دفعت 6000 ريال ما راح ترجع لك وهذي من الشروط مع انه ما كان فيه عقد ولا اطلعت على الشروط اللي يقول عنها
واستمريت اخذ واعطي معاه بالكلام لكن بدون فايده وفي الاخير وانا طالع قال: "هيه روح اشتكي عند هيئة التحقيق والادعاء العام , بيقفلون المكتب كم يوم وانا باخذ اجازه وبرجع افتحه من جديد"
والله يا شباب انه قالها كذا وهو ينافخ بعد
فانا محتار وش اسوي ؟؟ كيف ارجع فلوسي؟؟
مع العلم انه مافي اي عقد حصل بيني وبينه وعندي كشف حساب باني دفعت له 6000 ريال
اللي عنده حل يا شباب لا يبخل علي
وانا احذر واحذر من المكتب هذا ولو سويت اموري بنفسي ما كان كلفتني شي بس قدر الله وما شاء فعل