تكفون يا أخوان أبيكم توضحون لي بعض النقاط (صرت في حيرة )
السلام عليكم
يا اخوان من كثر ما أدور في المنتدى دخت ولا ادري وش أسوي
أنا حاليا طالب تخصص طب وأموري متخبطه شوي وودي ازين احتياطاتي من الحين ووضع خيارات للتحويل
واحده منها الابتعاث الخارجي
اللي شفته من الحين ان اطول اجراء يكون التقديم للجامعة وودي من الحين اقدم واشوف الامور قبل شهر ٢/٨ ( وقت المؤتمر )
بعض النقاط ما وضحت عندي وهي التقديم للمعهد وللجامعه واختياري للولايه المناسبه والجامعه المناسبه حسب التخصص والجو في المدينه
- هل اذا قدمت في جامعة معينه تكون فيها معهد تابع لها ؟ او عادي اي معهد في نفس المدينه تعطي قبول مشروط.
- ال i_20 تكون من الجامعة او المعهد بعد الموافقه منهم
- كم المده للمعهد لأتخرج وادخل الجامعة
علما ان التخصص اللي افكر فيه هو علوم حاسب
يا ليت احد يساعدني بهالنقاط لاني ودي لو انسحبت اكون مضبط اوراقي
رد: تكفون يا أخوان أبيكم توضحون لي بعض النقاط (صرت في حيرة )
كل الجامعات لديها معهد تابع لها ولك الخيار انك تدرس في معهد الجامعة او معهد لغة في اي مدينة ولكن في نفس الدولة.
المعهد يعطي قبول وليس قبول مشروط
قبول مشروط تعطيك الجامعة مو المعهد
ثانيا المعهد ماله مدة معينة انت تدرس في المعهد او متى ما جبت الدرجة المطلوبة في اختبار التوفل او الايلتس تبدا الدراسة في الجامعة