محتار بين الوظيفة أو دراسة اللغة ..
أخواني حاب أسأل وأستفيد من خبرتكم في دراسة اللغة في أمريكا على حسابي وممكن بعدها أكمل ماستر بس إلى الحين لغة فقط
أنا متخرج هندسة كهربائية ومحتار كثير بين الوظيفة أو أطلع أخذ لغة وأرجع
إذا بطلع بروح ولاية فلوريدا كيف الدراسة وكم المدة الكافية للدراسة وكيف المدينة من جميع النواحي
إن شاء الله تفيدوني وعلى قولتهم ما خاب من استشار
رد: محتار بين الوظيفة أو دراسة اللغة ..
عزيزي ..
موضوعكـ عن آلوظيفة يوجد عدة موآضيع تتحدث عن هذآ آلأمر:
http://www.mbt3th.us/vb/forum178/thread458534.html
http://www.mbt3th.us/vb/forum178/thread455138.html
أمآ فلوريدآ ..
لآ يسمح لكـ بآلذهآب إليهآ .. يجيب آلحصول على آلقبول من ولآية أخرى ..
وَ آلمدة علمهآ في آلغيب .. سجل وَ إحضر ملتقيآت آلدآرسين على آلحسآب آلخآص ..
إذآ وصلت أمريكآ بعد 4 أشهر تقدم طلب إنضمآم ..
وَ تتنتظر آلرد منهم .. شهر, شهرين, ثلآث, أربع, خمس ..
آلعلم عند آلله يمكن تطول وَ يمكن لآ ..!!
موفق ,,
رد: محتار بين الوظيفة أو دراسة اللغة ..
انا حاب يكون موضوعي لوحده عشان الكل يدخل عليه وبعدين الموضوع مختلف ما يحتاج تدمجه
رد: محتار بين الوظيفة أو دراسة اللغة ..
اقتباس:
المشاركة الأصلية كتبت بواسطة طموحي الابتعاث1
انا حاب يكون موضوعي لوحده عشان الكل يدخل عليه وبعدين الموضوع مختلف ما يحتاج تدمجه
إبحث بالمنتدى بتلقى نفس موضوعك كثير !
دمجنا مواضيع كثير قبلك .. وجميعها لها نفس المحتوى .. مايحتاج نكرر المواضيع !!
موضوعك مايختلف كثير عن هذا الموضوع أللي دمجته !!
يعني وش الفرق !!!!!!!!
رد: محتار بين الوظيفة أو دراسة اللغة ..
اقتباس:
المشاركة الأصلية كتبت بواسطة طموحي الابتعاث1
انا حاب يكون موضوعي لوحده عشان الكل يدخل عليه وبعدين الموضوع مختلف ما يحتاج تدمجه
يارجال احمد ربك أنت اصغر مني أنا كنت موظف 5 سنوات وفصلت من وظيفتي والحين شفني لي شهر ادرس لغه وبكمل بكالريوس الدراسه مالها عمر وانا اخوك
والأبتعاث فرصه لا تضيعها ، دامها مفتوحه وصدقني ماراح يرفع قدرك .. ويعزك الا شهادتك ، وصدقني مريت بالحاله الي مريت فيها
اقولها لك لـ المره المليون اذا انت عندك عزيمه بالدراسه .. أطلع برى ولا تشاور أحد اذا كنت بتمسك نفسك عن اشياء
لان صدقني بلد الابتعاث قسم ضياع الي مايمسك نفسه وبعدين
أنت بتطلع وعمرك 24 سنه يعني فهمت الدنياء عدل وماراح تطلع الا انت عارف مصلحتك ، وعارف المضره من المنفعه
غير بعض المراهقين الي طلعو وأعمارهم صغيره وتفتحو على أمور أكبر منهم وضاعو
صل أستخاره وأطلب ربك الثبات والتوفيق
دعواتك لي .. فمانه
موظف في القطاع الخاص ارغب بترك الوظيفه والدراسه بالخارج
السلام عليكم ورحمة الله وبركاته
انا ياخوان موظف في القطاع الخاص خريج ثانوي علمي عام 2009 معدلي 90% القدرات 74
ليا 6 سنوات متخرج و وابغى افصل من الوظيفه واكمل دراستي الجامعيه بحكم ان الجامعات بالسعوديه لاتقبلني انتظام لاني خريج قديم
والاننتساب لايفدني الا بحالة اني اكمل على وظيفتي وانا ماني ناوي الصراحه
بالاختصار ياخوان هل تنطبق علي شروط الابتعاث
وكثر الكلام حول الالحاق بالبعثه انه موقف ولم يتم الاعلان رسميا وانا الصراحه اخاف اترك الوظيفه وبالاخير موقف الالحاق او حددوه بشروط او تخصصات معينه كالطب وغيرها
واللي خوفني اكثر احد الاصدقاء الان له اكثر من 6 شهور ولم يضم للبعثه !؟
وجزاكم الله خير على المساعده
رد: موظف في القطاع الخاص ارغب بترك الوظيفه والدراسه بالخارج
وعليكم السلام ورحمة الله وبركاته
بالنسبه لي نفس وضعك 2009 وبالقطاع الخاص انتظر قبول المعهد والجامعه وبخلص اجراءاتي وطالع ان شاء الله جات الحمد لله ماجات بخلص شرط 30 ساعه اكاديميه والله يقدر ني عليها
المخاطره لابد منها لي سنتين متخوف والان خلص قفلت ع كذا . لو اطفر هناك ماهي مشكله اشتغل (الله لايقولها)
انا ان شاء الله نازل الرياض غدا عندي كمن استفسار عن سنة التخرج هل تضرني بالالحاق وهل العمر مشروط والللخ
والله يكتب اللي فييه الخير.....موفق يارب.
رد: موظف في القطاع الخاص ارغب بترك الوظيفه والدراسه بالخارج
الله يوفقكم جميعاً باذن الله تحققون مبتغاكم
اخوي malbakr
جزاك الله خير و ان شاء الله تتيسر امورك . ابيك بس تساعدني في حال انك رحت للوزارة وسألتهم عن موضوع العمر و الشهادة انا متخرج 1428هـ و بحاول اقدم ع الابتعاث ابيك تسأل هل ممكن انقبل او بيرفضون لان والله ما ندري وين نصدق هنا ولا هنا وخايفين والمصيبة الاكبر رابطين المستقبل بعد الله بهالابتعاث ألي انا اشوفها اخر فرصه لي ..
و ابيك تسأل هل هو صحيح في وقت معين للشهادة ويتم رفضها وهل لو معي شهادة دبلوم في فترة العشر سنوات ممكن تفيديني بالقبول بحكم ما جلسنا فترة 10 سنوات فاضيين بدون دراسه لان معي دبلوم ,,
وهل العمر له دور ف الدراسه ع الحساب او العمر متاح للكل ألى 45 سنه ع كلام الشباب بالمنتدى ..
ابيك بس تركز ف هالنقاط و ابي اشوف وش ردهم لك وتأخذها بالتفصيل المملىء . لان والله اني موب قادر اروح الرياض و اسألهم بحكم المسافه
لك دعوة في ظهر الغيب . الله يوفقك ي خوي ويوفق الجميع فيما يحبه ويرضاه ..
..