اين مقر الدارسين على الحساب الخاص في الرياض لمراجعة الطلب

السلام عليكم ورحمة الله وبركاته

شباب لا هنتو برسل واحد من الشباب يراجع وزارة التعليم العالي يشيك على الملف حقي وش صار عليه
فين المكان بالضبط لان خويي مايدل بالرياض

انا مقدم طلب دراسة على الحساب الخاص ولا جاتني ولا رسالة منهم

اتمني المساعده الله يجزاكم خير

نصيحه خله يقابل الدكتور وموعد المقابله من الساعه ١١ الى الساعه ١٢
اذا راح للموظفين راح يصرفونه
بخصوص الوصف وانت على طريق الملك فهد متجه شمال اول ما يجيك تقاطع الدائري مع طريق الملك فهد بعد التقاطع ادخل المخرج يمين ومن الاشاره يمين ثم يجيك دوار خذ يمين امشي سيده تجيك اشاره بعد الاشاره تقريبا بكيلو تجيك على يسارك خذ اول يوتيرن امشي شوي تلقاها على يمينك

بالتوفيق


( تمت المشاركة باستخدام تطبيق مبتعث )

السلام عليكم

شباب ممكن تدلوني وين مكان وزارة التعليم العالي الخاصة بالالحاق

ناوي اروح لهم الاسبوع القادم .... وشكرا

وعليك السلام
اتوقع اخوي انه في حي الغدير
دعواتك لا تنسانا

مكتب وكالة الوزارة لشؤون البعثات حي الغدير الدائري الشمالي مخرج 4

اقتباس:

---

المشاركة الأصلية كتبت بواسطة nursing1

السلام عليكم

شباب ممكن تدلوني وين مكان وزارة التعليم العالي الخاصة بالالحاق

ناوي اروح لهم الاسبوع القادم .... وشكرا

---

وَ عليكم آلسلآم وَ رحمـــة آلله وَ بركآتة ..
حيآكـ آلله ..

لو نزلت شوي بآلموآضيع .. رح تلآقي هذآ آلموضوع ..
لجل كذآ دمجت موضوعكـ لجل تشوف آلرد أللي فوق .. وصف آلاخ صحيح ..
بس قبل تروح للوزآرة شوف هنآ فيه شخص يبي خدمه ..
تقدر تتوآصل معه وَ تخدمه؟
http://www.mbt3th.us/vb/forum127/thread459220.html

موفق ,,

الله يجزاكم خير ع الوصف ومشكور اخوي " حروف" على الاهتمام بمنتدى الدارسين ع الحساب الخاص

اقتباس:

---

المشاركة الأصلية كتبت بواسطة admin6

نصيحه خله يقابل الدكتور وموعد المقابله من الساعه ١١ الى الساعه ١٢
اذا راح للموظفين راح يصرفونه
بخصوص الوصف وانت على طريق الملك فهد متجه شمال اول ما يجيك تقاطع الدائري مع طريق الملك فهد بعد التقاطع ادخل المخرج يمين ومن الاشاره يمين ثم يجيك دوار خذ يمين امشي سيده تجيك اشاره بعد الاشاره تقريبا بكيلو تجيك على يسارك خذ اول يوتيرن امشي شوي تلقاها على يمينك

بالتوفيق


( تمت المشاركة باستخدام تطبيق مبتعث )

---

اذا احد بيروح ممكن بطريقة يستفسر عن موضوعي شنو صار معاه انا بامريكا والموقع مقفل على يقولون السستم ولحد الان مافتح التطبيق حق سفير يفتح بس الموقع مايفتح
اذا تخدمني اكون لك شاكر