المشاركة الأصلية كتبت بواسطة aml84
الله يكون بعونك اخوي المشكلة الي ماسكين الموضوع سواء في الوزارة بالرياض او الملحقية ماعندهم رحمة ولااية اهتمام بالطلاب
خصوصا اللي جاي على حسابه الخاص
اما الملتقى هذا من اسخف الامور اللي لايمكن تصورها وكله نفاق وبمجرد مايخلص ماتشوف منه شي واذا وصلت لبلد الدراسة
تعرف اكثر انه كلام انشائي فارغ يقصد منه التلميع للوزارة في الاعلام ،، يلا شوفونا كيف مهتمين بمصلحة الطالب
والدليل انه كلام فارغ ان هناك ولايات علنا مفتوحة في موقعهم لكنها مقفلة بالسر وماتعرف انها مقفلة الا عند ماتوصل لها بعد شهور
يعني بعد ماتتورط وتتخربط ميزانيتك
ومثل ماقلت انت يسحبون لك واحد جالس له في امريكا كذا شهر ويخلونه يخسر تذاكر ومصاريف
وياخذ اجازة حتى يجي الملتقى ويسمع له هالخرابيط اللي يقدرون ينزلونها على يوتيوب او غيره
والاحلى اذا تروح الملحقية كل واحد يعطيك كلام واكثرهم حتى ماله خلق يسمعك ومرات يعطيك كلام تصريف حتى يفتك من وجهك
كأنك جاي عالة عليه او داخل عليه بيته تشحذ منه مساعدة
واساسا بعضهم مايعرف شي وماتدري حتى شنهي اسباب وجوده كموظف في الملحقية
عدا عن قلة ادب البعض وتعامله مع الطلاب بطريقة فيها استهانة والي يقهرك ان هذي النوعية يكونون غير سعويين
من العرب المتأمركين اللي خذو جنسية الامريكان لكن ماخذو اخلاصهم وامانتهم في العمل ورحمتهم وضميرهم
عاد هذولي بالذات لو تسرحهم الملحقية من وظايفهم حتى ماكدونلد في امريكا مايشغلهم من بلادتهم وعدم مسؤليتهم وقلة كفأتهم
مع كامل احترامي لموظفي ماكدونالد
ومن المضحكات المبكيات انك قبل ماتروح الملحقية تتوقع سبب عدم ردهم على مكالمات الناس
ان الجماعة مساكين عندهم طعوس وجبال من الشغل والملفات
لكن تدخل لتتفاجأ انهم فالينها ابوها سوالف ومجاملات وقهوة وكلام فارغ وشغل ببرووود واهمال بلا رقيب ولاحسيب
ولله اني شفت وحدة من المشرفات من جنسية عربية جالسة تتصفح مواقع صور ممثلات وموضة من جهاز الملحقية لمدة اكثر من ساعة اروح واجي وهي على هالحال والله اعلم كم واحد متورط يتصل عليها من اخر امريكا او داق من السعودية سفطت مكالماته عشان شغلها المهم هذا
وهذا غير ان كثير ماتلقاهم على مكاتبهم هذا مسافر وهذا طالع وهذا مادري وين ،، ياخي استفسار بس تطلع روحك على ماتلقى احد
مستعد يفهمك ويجاوبك او يعطيك كلام رسمي تمشي عليه
الله يعوض عليك اخوي
انشالله خادم الحرمين بعد ما يقوم بالسلامة الله يحفظه لنا ويطول عمره
نقدر نوصل له شسوو هذولي ببرنامجه اللي وضعه حفظه الله حبا في ابناءه ورغبة منه في تطوير الشعب والبلد بشكل عام