وضع فلوريدا والدارسين على حسابهم الخاص او بالاحرى فخ فلوريدا

للاسف وقع الكثير منا في فخ ولاية فلوريدا
وهو ان بعد ماتقدم طلب للالحاق بالبعثة يطلب منك الانتقال لولاية اخرى
ومشكلة النقل للعوائل فيها سكن ونقل مدارس واغراض ومصاريف قوية

الغريب انها في الموقع مفتوحة لكنها في الحقيقه مقفلة للدارسين على حسابهم الخاص

بالتجربة وبصراحة لو خسرت وتبهدلت من اول وجديد ونقلت لمكان آخر هل بيمشي موضوعك ولا بيطلعون لك بحجة مختلفة ويقولون
لك انقل عشان معهد تكدس ولا ولاية مقفلة او اي حجة الله اعلم بها ؟؟؟
والمشكلة تروح الملحقية ولاحد يعطيك غاية ولاحد له شغل فيك اصلا

يعني ننقل مثل مايقولون
ولا نختصرها ونوضب شنطنا ونحجز تذاكر للديرة وننسى موضوع الابتعاث و الدراسة بالمرة
طفشنا مخاسير وتعب في المجهول ،، قالو لنا اربع شهور وتنضم للبعثة
قبل مانطلع امريكا مخاسير وتعب وبحث عن افضل معاهد وجامعات وفيزا وحضور ملتقى وشغلة طويلة عريضة
وتجلس شهووور تنتظر الموافقة
وبكل بساطة اول ماتقدم بعد كل هذا يقولون انقل لولاية ثانية كانهم يقولون لك انقل من فندق لفندق
:mad:
ولله شي محبط ومخيب للامال
:(

اقلها ياخي قولو لنا كذا في الملتقى اللي حطيتوه شرط للموافقة

قدر الله علي اني جيت فلوريدا من دون كل الولايات
وبعد مضي اربع شهور ماصدقت على الله وقدمت طلب الالحاق بالبعثة
على طول ردو علي لازم انتقل من فلوريدا لولاية ثانية او ان احصل على قبول من جامعة مفتوحة في فلوريدا
ولا مافي الحاق بالبعثة
هل فعلا اذا جبت لهم قبول مشروط من احدى الجامعات المفتوحة في فلوريدا بيلحقوني ولا الاحسن لي اترك هذي الولاية بالمرة

خوفي اني اذا نقلت مكان ثاني يطلعون لي بعذر جديد او يتكدس المعهد وانا توني بادي ادرس فيه وهم بعد يقولون لي لازم انقل مكان ثاني
وتضيع الفلوس والايام على هذي الحالة في تنقل من مكان لمكان


وش الحل برايكم :(

انا في الولاية والآن وان شاء الله ناقل منها في فلوريدا مستحيل تنظم والكلام من المدير الإقليم في الملحقية وتواصلت مع السكرتيرة كذا مره ونفس الكلام اطلع وتنظم

اقتباس:

---

المشاركة الأصلية كتبت بواسطة mishary122

انا في الولاية والآن وان شاء الله ناقل منها في فلوريدا مستحيل تنظم والكلام من المدير الإقليم في الملحقية وتواصلت مع السكرتيرة كذا مره ونفس الكلام اطلع وتنظم

---

طيب الايميل اللي جاك خيروك فيه انك تجيب قبول من جامعة من فلوريدا او تطلع ؟

لا اللي جاني بالنص اطلع من فلوريدا وأرسل القبول والاي توني للجامعه والمعهد المنتقل إليه

اقتباس:

---

المشاركة الأصلية كتبت بواسطة mishary122

لا اللي جاني بالنص اطلع من فلوريدا وأرسل القبول والاي توني للجامعه والمعهد المنتقل إليه

---

اشكرك عزيزي عل التجاوب
انا جاني نصا انتقل من فلوريدا لولاية ثانية او احصل عل قبول من جامعة في فلوريدا مفتوحة

في رايك انتقل ولا اجرب اجيب قبول خوفك اتعب واجيب قبول واخسر مدة انتظار صدور القبول في السكن واجرة المعهد
تالي يجيني كلام مختلف

والله اذا على النقله أتوقع اغلب المعاهد صار فيها dead line يعني ما فيه الا معهد تجاري ولا اكامل الدراسة في نفس المعهد

نفس هرجتي في الموقع مفتوحه فلوريدا بس لمن جيت اقدم قالو غيري ولاجيب قبول ف المعاهد الموصى بها ف فلوريدا!!! حسبي الله حسبي الله بس ليا سنه :(

اقتباس:

---

المشاركة الأصلية كتبت بواسطة mrym

نفس هرجتي في الموقع مفتوحه فلوريدا بس لمن جيت اقدم قالو غيري ولاجيب قبول ف المعاهد الموصى بها ف فلوريدا!!! حسبي الله حسبي الله بس ليا سنه :(

---

ربعنا بدل مايتطورون نقلو معهم فوضتهم واهمالهم وقرارتهم التعسفية العجيبة ومكابرتهم في الخطأ للخارج

وكانما انت جاي تتمشى لك كمن يوم ويقولون لك يلا اعمل شك اوت من فندق ورح لك فندق ثاني
ياخي ولله ان حتى لو بتروح تتمشى لك كمن يوم في ارخص بلد معروفه ان كثرة التنقل يروح ميزانيتك ويحوسها حوس
خصوصا اذا كان تنقل غير محسوب حسابه

فمابالك نقل بين ولايات بينها مسافات شاسعة في بلد غالي مثل امريكا
والسالفة فيها كسر عقد سكن وديبوزت للسكن الجديد
واجرة معاهد وكل معهد مابيقبلك الا عند مايبدا وقت دراسته ودايما اوقات دراستهم يكون فيها تخالف فتضطر تدرس سشن اجباري عشان تماشي قانون الامقريشن الامريكي
وتدفع قيمة السشن نفسه في المعهد الجديد وتامين وحوسه
وغير تكاليف النقل وفنادق ومطاعم لمن تلقى لك سكن مناسب
ومدارس الاطفال واجلس استكشف المنطقة من اول وجديد واعرف وين المساجد
والاكل الحلال بسعر مناسب ،،،،، الخ

خصوصا اذا كنتو عايلة مصاريف كبيرة ولله

ولله ان في ناس انكسرو ماديا ورجعو البلد بكل خيبة ومرارة وفشيلة قدام المجتمع بسبب هذي الطلبات والقرارات الغير مدروسه
والمشكلة تتصل عليهم ماحد يرد وتروح لهم ماتلقى الا التصريف او ماحد له خلق يسمع لك

طيب حتى في الملتقى ماحد جاب طاري ان فلوريدا مقفلة او عليها ملاحظات ليش الموضوع صاير سري وبالخش ولازم تجي بنفسك
وتعرف

مانقول الا الشكوى لله

لكن للانصاف حسب ماعرفت ان الموضوع ماهو بسبب الملحقية وان حتى الملحقية ماهو عاجبهم هذا التصرف مع طلاب فلوريدا

السلام عليكم

عجبني المنتدى كأنه يتكلم عن الوزارة والملحقية بكل ثقه وبكل مصداقيه
طيب انا اللحين بكتبلكم ياللي بتجون على حسابكم ونيتكم البعثه
انا كنت في نيوزيلندا درست 8 اشهر ولا جاتني بعثه هذا الكلام قبل سنتين حطوا قرار اذا جبت 4 ايلتس بنظمك للبعثه
طبعا شديد حيلي واختبرت وجبت 4 ورفعت الطلب ورجعت السعوديه لان فلوس خلصت وماعندي حتى حق تأجيل تذكره
جاني رفض والسبب الطالب خارج الدوله طيب مشيناهاااا وخسرت فلوووس وجلست اشتغل سنتين عشان اجمع فلوس عشان بروح امريكاجمعت والحمد الله
وانا الان متواجد في امريكا لي 7 اشهر ولا جاتني بعثه وقدمت على اللحاق واتفاجه بالرفض طيب انا اقولم وش الاسباب
قبل ماذكرها احنى جينا 7 اشخاص من عيال عم وعيال خال قرايب لنا ونفس المعهد ونفس الاوراق
قدمنا سوا وهم ملفاتهم بالوزاره الان تحت الدراسه الااااااا انا ردود الرفض ماتقنعني
السبب الاول فلوردا مقفله
وفعت المره الثانيه
والسبب المعهد غير موصى به (تدرون ان المعهد الي انا فيه تقفل قبل نهاية السمستر ب3 ايام تخيلوا )
ردوا يجب عليك تغير المعهد
رحت وغيرت المعهد ودفعت وسكنت والمعهد موصى به حتى في موقع الملحقية الثقافية
ورفعت الطلب وتم الرفض
لاول مره في امريكا تصير يردون علي بكل (-----) <<كلمه مشفره
(اخي الطالب تم رفض الطلب بسبب التقارير الدراسيه ل4 اشهر في معهد غير موصى به)
ياصاحب الموضوع يا اصحاب الردود الموثقه ياصحاب المنتدى احد يقدر يرد علي ويعلمني شنو هاذا ؟
وليش الي جيت معاهم ونفس الاوراق تم الموافقه عليهم ؟
الا انا
وهل استحق البعثه لحكم نسبة حظوري 100%
وهل ان الملحقية تهتم لختم الدخول ولا لا ؟؟
انا في امريكا والله العالم بحالي وبوضعي
وعلومني كيف واحد يقولي فلوردا مقفله والي معاي مقبولين
وكيف يقلونلي غير المعهد في ولاية فلوردا موصى به ولمن اسوي استفسار يقلون فلوردا مقفله
كيف فهمووووني
شكرا