سؤال مهم ي جماعه (تحديد مصير) طلبي مرفوض للتكدس

السلام عليكم ..

انا لي 6 شهور في امريكا ولسى ماعندي مواقفة , طلبي انرفض اخر مره عشان التخصص متكدس طلبوا قبول ثاني
عشان اجيب قبول ثاني يبغالي اقل شي 6 اسابيع لأن تخصصي ماستر علوم حاسب فهذي المده كحد اعلى

السؤال هل في مده محدده اني لازم ارسل لهم فيها القبول ولا عادي ارسلها بعد 6 اسابيع وانتظر الموافقه؟

ولأني قدمت اجازه لمده سمستر(شهرين) ماقدر ادفع زياده باخذ اجازه انتظر فيها اخلص اموري اجيب القبول وانتظر الموافقه واحتمال اطلع السعوديه الين تجيني الموافقه وارجع


انا مقدم اجازه تكفون افيدوني عشان اذا فيها مشكله او شي اسحب الاجازه واتصرف

up up up up up up up up upp up pu

تكفون ي جماعه يعني 63 مشاهده مافي احد عنده اي خلفيه ع الموضوع

ادخل موقع اكاديميا موقع احضار قبول تطوعي يمكن يساعدك في احضار القبول فيه ناس تمدحه من ناحية الروحه والرجعه اشوفها صعبه والبعض ينصح بعدم مغادرة بلد الدراسه حتى الالحاق بالبعثه هذا اجتهاد شخصي انت تعرف قرارات الوزاره تتغير في يوم وليله حاول تجيب قبول بسرعه هذا رأيي والله يوفقك ويفرج همك واستخير الله قبل كل شيء وادعيه وحاول احد يساعدك في القبول مواقع طلاب برى يد وحده ماتصفق وبالتوفيق يالغالي

اذا كنت خارج امريكا ماتصدر لك موافقه لانه في ربط بينهم وبين الجوزات

اقتباس:

---

المشاركة الأصلية كتبت بواسطة عبدالعزيز43

اذا كنت خارج امريكا ماتصدر لك موافقه لانه في ربط بينهم وبين الجوزات

---

من فين جبت معلومتك هذي كثييير طلاب جاتهم موافقه وهم في امريكا!!

اقتباس:

---

المشاركة الأصلية كتبت بواسطة Taseer

من فين جبت معلومتك هذي كثييير طلاب جاتهم موافقه وهم في امريكا!!

---

حبيبي انا قلت ماتصدر لك موافقه اذا كنت( خارج) امريكا.مو واذا انت بامريكا
طبيعي اذا انت بامريكا امورك بالسليم ان شاء الله