السلام عليكم ورحمة الله وبركاتة .,
مساكم الله بالخير
وعسا يارب كل مبتعث على حسابه الخاص يضمونه واللي مقبل على الدراسه يسهلون امره يارب
شباب والله بصراحه انا عشت بصدمه ماكانت متوقع ها الحال و الحمد الله اولا و اخيرا
مايخفى عليكم كل شخص يبي يدرس على حسابه الخاص تحصل الغالب منا له فتره يجمع دراهم و يتعب
انا لي تقريبا سنه و نصه يالله يالله جمعت 100 الف و الحمد الله
واستخرت بالدراسه في امريكاء قسم هندسة كيميائية ومشت الامور عال العال من فيزا و قبول معهد و قبول جامعه و ضمان مالي و فحص طبي وكل شي ....
ورفعت اوراقي على موقع سفير لحظور ملتقى الخبر
المهم
يوم الخميس اللي فات طلعت للرياض ابأكد حضور الملتقى لان بعض خوياي في الملتقيات السابقة ماتجيهم رسالة الحضور الا اذا تابعها في الوزارة
يوم حضرت للوزارة في حي الغدير كلمت الموظف بخصوص الملتقى وقال ماعليك راح تجيك رسالة الدعوه قبل الملتقى باسبوع قلنا تمام و سالته بخصوص الالحاق للبعثه قال العلم عند قسم الالحاق في الطرف الثاني
رحت لهم و حصلت بصراحه عالم يوم جاء السرا لي عند الموضف سالته ها الاسالة .
هل تغير الالتحاق بالابتعاث ؟
قال اي كان سابقا 4 شهور و يضمونك على طول الحين تكمل سنه لغة مع سنه ثانية في الجامعة تقريبا 30 ساعة و الله ناسي يعني تقعد سنتين من غير اللي شهادة الثانوية اكثر 5 سنين راح يتم الغاء التحاقه
قلت له شلون ها الشرط التعجيزي محد طالع وعنده مبالغ ضخمه لسنتين اللي طالع يالله يالله يمشي حاله على 8 شهور الى سنه واما بخصوص الثانوية اغلب اللي طلعو شهاداته اكثر من 5 سنين و كذا اجحاف للطلبه ؟
قال لي هذا زمن اول ايام الوزير السابق الحين وزير جديد و هو اللي اتخذ ها القرارات الجديده و تبي نصيحتي ادرس بالسعودية بدال ماتطلع للخارج
قلت خير
رحت للمستشار اللي جنبه وكلمته و تناقشنا بها الامر قال لي والله ودي نساعدكم لكن هذا القرارات الجديده مافي باليد حيله
( بصراحه صدمه ماكنت انا ولا اللي مبتعثين يتوقعونها )
والله ضلم
ماعليش طولت عليكم لكن شي يقهر والله
واللي حزني اكثر و كسر خاطري حصلت شايب ولده يدرس برا ويقول للمستشار انا مطلع ولدي على النظام القديم وانا يالله يالله ادفع له فلوس ها 8 شهور مااقدر على سنتين ليش غيرتو النظام ولا حياة لمن تنادي
انا املي بعد الله حضور ملتقى الخبر ونشرح لهم الوضوع و ان شاء الله يصير شي و يتغير حاجه واذا ماصار حاجه ماراح نجازف و حسب الله و نعم الوكيل .
اخوكم / عبدالله الشمري
