عرض للطباعة
لسلام علكيم شباب
مدري شلون ابدا بس انا عايف امريكا وناوي ارجع بعد 3 اسابيع
اليوم جاتني رسالة قبول بالموافقه على الدراسه على الحساب الخاص
ومتردد هل افتح ملف بالملحقيه ولا لا
لان قريت بالشروط اعادة جميع ماتم انفاقه في حالة الالغاء فمدري بالضبط هل اسوي ملف بسفير اليوم او لا ؟
بعد 3 اسابيع برجع الرياض عندي اجازه شهر ويمكن اغير رأيي لكن انا عايف امريكا بنسبة 85% شورو علي وعلموني الله لايهينكم
الله يرحم والدينك لا ترجع نصيحه كثير طلاب يتمنون الموافقه وتأخرت عليهم وانت جاتك موافقه يرجال كمل وارفع طلب الحاق وانشاء الله تلتحق الاوضاع والملك بيجي امريكا قريب ويمكن يضمونك وبالتوفيق!! هذي غربه اصبر والله يوفقك !!
كلام Taseer عين العقل، أمريكا تحتاج وقت لمن تتاقلم و الهدف الدراسة و العودة لتطوير و منفعة الوطن الغالي، أمريكا ام التعليم العالي
ياخوي خذ نصيحة اللي ردو قبلي هذا هدفك ولازم تكافح و تصبر و يكون همتك عاليه و الايام تجري بسرعه شد الهمه وربي يوفقك
الله يوفقك ويوفقنا جميعا
امريكا فيها خيارات كثيرة
اكثر من 7000 الاف جامعه ولاتنسى ان كل طالب في العالم يتمنى يدرس في امريكا
توكل على الله ورح لامريكا
إذا ما عندك ظروف قاهرة ، فغلط أنك ترجع (إلا إذا أنك رجال عندك هدف واضح من رجوعك و عندك طريق تبي تمشي فيه في السعودية)
غيرك يدور ها الموافقة و أنت تبي تتنازل عنها لأنك عايف
وش سبب العيفان هذا ؟ اكتبه هنا يمكن الإخوان يساعدونك في حل الإشكال اللي عندك
إذا المكان اللي انت فيه ممل ، شف غيره ، بس حاول تدور زين لأني ما ظنيت الملحقية توافق بسهولة