النظام الجديد للالتحاق في البعثه

تكاليف ال8 أشهر تخص اللي طلعو قبل القرار الملكي اللي طالعين بعد القرار مالهم شي والنظام ينطبق عليهم 30 ساعة في الجامعة والإلتحاق مو مضمون

فإذا كنت طالع على حساب جهة عملك تكاليفك تدفعها جهة العمل أما إذا طالع على حسابك فانت اللي تدفع

باختصار ما اطلع .. يعني احلم بالانظمام ؟

كل الدول الخليجيه تساهيل ومستانسين الا حنا.. كل شوي تعقيد والحين احلم بالطلعه مرة .. والواسطات ما يدخلون هالمنتدى من اساسه

أجل ماراح نطلع والسبب هالنظام اللي مادري من اللي له مصلحه فيه .. ولو ابي اطلع وادرس 9 ساعات ع حسابي ماجستير.. ادرسها كلها ع حسابي اريح لي..

الرزق على الله وندبرها من الله ماهو منهم ..

من ضمن شروط الالتحاق تخصصات معينه
لو درست تخصص غير الا من ضمن الشروط وكملت جميع الشروط
ممكن التحق ولا لا ؟
دراستي حتكون ماجستير ادارة اعمال

الله لا يهينكم تكفون اللي يروح يم الوزارة يسأل هل يرفضوا طلب الإلحاق للي ما يحقق شرط معدل الماستر لطلبة الدكتوراة (٣.٣٣/٤ فأكثر) ؟؟

واللي يعرف أحد ألحقوه بالبعثة ومعدله أقل يخبرني الله يفرج عنكم

طيب معي قبول جامعي وتخصصي هندسة حاسب ماجستير .. في امل بالانضمام?

السلام عليكم ورحمة الله وبركاته
كل عام وانتم بخير
انا شفت شروط الابتعاث وبحث عن شروط الاتحاق بالبعثه بس مالقيت شي شفت ردود لاحد الاخوه بالمنتدى يقول مرحلة اللغه تكون على حسابك كامله وتدرسه بالجامعه تسع ساعات(ماجستير) بعدها تقدم اوراقك وتدخل في مفاضله عاد متى تلتحق الله اعلم
الزبده الكلام هذا صحيح واذا كان صحيح تقريبا كم تكون التكاليف علي الى ان انضم للبعثه

شروط الالتحاق.
لازم تدرس ٣٠ ساعه بالجامعه على حسابك وتجيب معدل مادري كم بس اضم فوق ٢ وتقدم.
يعني لغه وجامعه سنه على حسابك و ماهو مضمون تلتحق

30 ساعه للبكالوريوس الماجستير تسعه ساعات يعني الكلام صحيح فترة اللغه كامله والجامعه تسعه ساعات عليك يعني مابقى شي وتتخرج وبعد ماهو مضمون ليه كل التعقيد هذا لو تبي تكمل ماستر هنا ماتقدر لازم معدل واختبارات
فيه حل نقدر نكمل ماستر ؟؟

السلام عليكم

انا سمعت انه تم تغيير نظام الابتعاث اللي هو تدرس 4 شهور على حسابك وبعدها تجيك البعثة
وصار الحين لازم تدرس 30 ساعة بالجامعة وبتخصصات معينة زي الطب والهندسة.

انا دراستي بعد شهر راح ادرس لغة وبعدها راح اتخصص تسويق ياليت اللي عنده خبر اكيد يفيدنا لاني حاليا منحاس.