الأعضاء الإشتراك و التسجيل

الملتقيات
ADs

إستفسار حول لإنضمام للبعثه .. القبول الجامعي .. الأسعار .. والأمان .. في امريكا ؟

إستفسار حول لإنضمام للبعثه .. القبول الجامعي .. الأسعار .. والأمان .. في امريكا ؟


NOTICE

تنبيه: هذا الموضوع قديم. تم طرحه قبل 850 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عـبـدالإله
    عـبـدالإله

    مبتعث جديد New Member

    عـبـدالإله غير معرف

    عـبـدالإله
    • غير معرف
    • غير معرف
    • غير معرف
    • غير معرف
    • غير معرف
    • Aug 2015
    المزيدl

    August 18th, 2015, 10:41 AM

    آلسلام عليكم ورحمة الله وبركاته ..
    انا طالب درست السنة التحضيرية في ام القرى ولم اوفق في المسار العلمي
    وبالطبع .. لم أتمكن من العودة ودراسة السنه التحضيرية مره أخرى ..
    ففي بلادي .. ليس لديك اكثر من فرصه .
    ما راح ادخل في التفاصيل ..
    قررت ادرس الهندسة الكهربائيه .. ووقعت في مكتب يس اطلس ..
    بعدما سمعت عنه انه يعطي قبول جامعي في أمريكا.. المهم مكتب يس اطلس
    في جده تعاملت معهم .. اخلاق من تعاملت معه سيئه للغاية وانا من الناس
    الي من قبل اتعامل معه وانا أقوله اهم شي الأخلاق مافي فايده
    طبعاً .. مافي اسئله كثيره كنت متوقعها منه مثل انه يقول ايش الجو الي تبيه
    الأسعار .. هاذي الأساسيات في شغله .. ولاكن الأدمي يبغي يأخذ 2000 ريال
    ويخلص .. اروح وين ما ارووح .. الأمانه غير موجوده
    يا شباب ابي جامعه قويه في تخصصي .. وتعطي قبول مشروط ..
    تكوون في مديينه اهم شي امنه واسعارها مهي مشكله من 8 ل 10 الاف ريال في الشهر
    الين انظم بإذن الله ..
    وبغيت اسألكم عن الانضمام للبعثه .. هل انتهى مثل ما سمعت ولا فيه فرصه ؟
    وكم يأخذ في العادة ؟
    مع العلم ان نسبة الثانوية العامه
    89 ما ادري ان كان تساعدني في القبول في أمريكا ولا لأ ..
    إضافه لأني ابي الجو يكون بين ال 20 و 30
    المسأله 5 سنين :d لازم كلش يكون مظبوووط ..
    يعني انا طالبكم .. مدينه امنه وجامعه قويه في الهندسه الكهربائيه تعطي قبول مشروط
    والأسعار مهي مشكله كبيره ..
    ولو فيه مجال تكون الجامعه من افضل 200 او 150 جامعه في تخصصي يكون ممتاز
    السوداني يقولي مستحيل من غير اليتس هالكلام ..
    هل اقدر اجيبلي أي قبول هنا عشان احظر الملتقى وانقبل ع حسابي الخااص وبعدين اغير الجامعه لجامعه اقوى منها ..؟
    وانا فاتني الملتقى الي قريب في جده .. هل بإمكاني اروح ادرس في أمريكا إلين الملتقى الي بعده وارجع احظر الملتقى وارجع أمريكا ..؟
    في إنتظاركم .. إلي بيرد عليه له دعوه طيبه
  2. الله يوفقك إن شاء الله , و أفضل مثل اللي قاله لك السوداني الأيلتس تجيبه بالنسبة لقبول الجامعات

    و حلو تخصص الكهرب كثير و ممتاز, و له مستقبل,

    قرأت موضوع عن الولايات الأمنة أتمنى يفيدك
    أفضل وأسوأ مدينه في أمريكا ( مهم للجميع )

    و بالنسبة للقبول صراحة مابعرف لو اللغة معاك كويسة او لا, فممكن المعهد افضل لك. كبداية,

    و الوضع صراحة شوي تعبان مع المبتعثين على الحساب الخاص و الإلحاق بالبعثة.

    لا تتردد في إكمال دراستك و هذا اهم شي. رغم المصاعب,

    أنلغى ملتقى جدة و جميع الملتقيات حسب ما سمعت في المنتدى. فرصة قد تكون أو شيء لاسمح الله إيقاف الإبتعاث على الحساب الخاص.

    موفق و نتوفق معاك إن شاء الله
    7 "
  3. وعليكم السلام ورحمه الله وبركاته
    بخصوص موضوع الانضام الان صار لازم تخلص اللغة و 30 ساعة اكاديمية و بمعدل لا يقل عن2.5من4.00.
    الملتقيات يقولون انها اتلغت والله اعلم ويمكنك مشاهدة الموضوع الرابط اناده
    خبر عاجل: تم إلغاء ملتقيات الدارسين على الحساب الخاص !

    والسلام عليكم
    7 "
  4. يفضّل أنك تختبر آيلتس أو توفل الآن ، ترى كلها حوالي 950 للآيلتس و حوالي 850 للتوفل
    إذا جبت درجة منخفضة ، حدد موعد اختبار ثاني و خلنا نقول بعد شهرين و أدرس دراسة مكثفة متفانية ، دراسة لمهارات اللغة الأساسية ، و تدريب على الامتحان و المهارات الخاصة به ، ثم اختبر مرة ثانية و شوف .. قارن بين مستوى الاختبار بدون أي دراسة و مستوى الاختبار بعد الدراسة يعطيك انطباع عن التقدم حقك في اللغة و عن طريقة الدراسة هل هي ناجحة أم لا لكن لا بد تدرس بأمانة .. إذا ما زلت ما جبت درجة مرتفعة جدا ، حدد موعد ثاني ، و مذاكرة مرة أخرة ، و هذي المرة عرفت نقاط ضعفك و تعرفت على طريقة الاختبار و تبدا تركز أكثر
    و أنا رأيي ، مع الكلام اللي فوق هذا ، اابدأ من الآن في البحث في الجامعات الأمريكية ، و راسلهم وحدة ورا الثانية ..
    امسك الأولى ، اقرأ و تصفح موقعها زين ، ابحث عن الكلمات الدلالية التالي : قسم الهندسة الكهربائية ، قسم القبول و التسجيل Admissions ، الطلاب الدوليين International students ، البكالوريوس Undergraduate - Bachelor ، و على فكرة يفضل Bachelor of Science بدلا عن Bachelor of Technology (نفس بكالوريوس الكلية التقنية) .
    ثم ابحث عن مراسلة المنسق المختص بالقسم ، أو ممكن تجد الشخص المنسق للطلاب الدوليين ، أو الشخص المختص للقبول و التسجيل ، و راسلهم .. ضبط رسالة موجزة (ممكن تكتب بالعربي و تستعين بمترجم قوقل ثم تضبطها أنت لأن قوقل مرات يفوّت) تبيّن فيها اسمك و عمرك و من أي بلد و كم نسبتك و علمهم عن القسم اللي تبيه و بعدين قل لهم أنك تبي تقدم و أوراقك جاهزة و لكن ما عندي توفل (أو عندي توفل بالدرجة الفلانية) ثم استفسر عن موضوع اللغة ، هل يمكن تعطوني قبول مشروط Conditional Admission بدخول معهد اللغة التابع للجامعة أو المتعاقد مع الجامعة ، أو على الأقل تعطوني قبول مشروط بدرجة معينة في التوفل (ثم أنت تبحث عن معهد و تدرس فيه و قبل الموعد المحدد من قبلهم لازم تحقق لهم شرطهم أو بيروح عليك القبول) ، و شوف ايش ردهم ؟
    طبعا لا يخفاك أنهم إذا وافقوا ، لا يعني هذا القبول في البرنامج ، بل هو بناء على سؤالك يقول لك أيه عندنا هذا الشي ، لكن طبعا تروح تبدا في إجراءات التقديم حقتهم و يمكن تنقبل و يمكن لا ، لكن أنت على الأقل عرفت الفرصة اللي يقدمونها فيما يخص اللغة

    على فكرة ، نعم الاختيار للتخصص >>>> تأييد من خريج التخصص
    7 "
  5. حبيبي من ناحية الامان والامان من بعد الله ولاية فيرمونت Vermont has the lowest crime ratio in 2013 وارجو اني افدتك ولو بالقليل من ناحية المعيشه اتوقع الشعب طايحين ف اوهايو عندك رخيصة مليانه سعوديين جرب Columbus او توليدو ابعد كليفلاند سمعت انها خطيره وكدا وفالك التوفيق وتقبل مروري
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.