#تجربتي بالفيزا تقريبا شبه خلصت :")

August 10th, 2014, 06:18 PM

السلام عليكم
كيف حالكم ان شاء الله بخير :")

لله الحمد اليوم وصلني قبول معهد اللغة

طبعا للأسف تأخرت بقبول المعهد بسبب الاسم مو مطابق مع الجواز و غيرت الجواز و حطيته نفس الاسم اللي بالشهادة

لكن الحمد لله كل تأخيرة فيها خيره ان شاء الله :")

الحين تقريبا شبه خلصت متطلبات السفارة الكندية و اللي هي :

1- إحضار جواز السفر
2- ثلاثة صور فوتغرافية مقاس 4*6 خلفية بيضاء بدون نظارة و بدون ابتسامة و بدون تكشير و بدون شماغ *_*
3- صورة من دفتر العائلة
4- قبول اللغة
5- شيك بقيمة 150 دولار كندي للسفارة الكندية
و شيك ثاني للسفارة بقيمة 85 دولار كندي
طلعتها باسم (The Receiver General For Canada) في بنك كندي اللي هو Canadian imperial bank of commerce
6- شهادتي الثانوية
7- تعريف عمل للوالد الله يحفظه و كشف حساب آخر 6 شهور للوالد و صورة جواز الوالد و خطاب تعهد بالمصاريف كتبته ساعدني فيه أخوي عاشق تورونتو و طبعته و وقع عليه الوالد
و كتبت ورقة فيها أسماء أهلي كلهم مع تواريخ ميلادهم نفس اللي بالجواز بالضبط :")

بكره ان شاء الله اروح للرياض و اروح لمكتب الفيفا يكتب لي الأبلكيشن و أروح لمركز التأشيرات أبصم و أرفع طلب ان شاء الله :")

كذا خطواتي صحيحة أو باقي لي شيء !؟
الفحص الطبي موجود أو ألغي !؟
يمديني أطلع الفيزا و أقدم على الموافقة عشان أحضر لقاء الدارسين على حسابهم الخاص في 21 \ 11 !؟

• نشر عبر تويتر
• نشر عبر فيسبوك
• نشر عبر جوجل