ماهي الوثائق المطلوب حملها عند الوصول الى مطارات كندا للطالب؟

وعليكم السلام

المطلوب جوازك وعليها الفيزا طبعا + الخطاب اللي وصلك على الايميل وفيه معلومات تصريح الدراسة الذي ستسلمه في المطار + القبول من الجامعة او المعهد

اما الضمان المالي والصحي هذا كلام عام لايخصك , وانت اثبت الضمان المالي للحصول على الفيزا والضمان الصحي غير مطلوب منك اثباته عند دخولك وهذا الكلام اكيد .

قبل أمس وصلت تورونتو و أنا انتظر دوري المسؤولة عن التنظيم كانت تقول جهزوا الأوراق التالية: خطاب السفارة و القبول الجامعي و إثبات دفع الرسوم الدراسية. بعض موظفي الجوازات كانوا يحققوا مع الطلاب و يسألوهم عن الأوراق.

بالنسبة لي الحمد لله مشيت سهالة جهزت خطاب السفارة و الجامعة في يدي و أنا قدام موظف الجوازات كنت أحاول أدخل على حسابي في الجامعة و ماسك الجوال و أقول I'm trying to access my ... سمعني و قال don't worry و ما أخذ مني إلا الجواز و الورقة اللي وزعوها علينا في الطيارة و دبس تصريح الدراسة و لا حتى أخذ مني خطاب السفارة ولا القبول الجامعي.

وفي بعض الموظفين يسئلك عن عنوان السكن .. اذا انت حاجز سكن عن طريق المكتب اخذ العنوان منه واطبعه على ورقة

الوثائق المطلوبه بالمطار

( جواز السفر + الخطاب اللي وصلك ع الايميل + صوره من القبول + الفاتورة اذا تم دفع مسبق + عنوان الاقامة )


..اتمنى لك التوفيق واذا عندك استفسار انا بالخدمة

ماشاء الله اخوي فواز طحت في يد واحد حبيب جعلني اطيح بيده ويمشيني هههههه
حمد لله على سلامتك يافواز


اخوي nazif aljr7 ويا اخوان مكتوب في موقع السفارة الكندية انه لازم يكون معي proof of funds وش المقصود والله اني متوتر ومادري شيقصدون هل يبغون كشف حساب مثلا؟!! حالتي حاله ومالقيت احد يجاوبني وسفري بعد اسبوعين
وباخذ معي مبلغ بقيمه ١٥ الف ريال والباقي بيحولونه اهلي بعد كم يوم

انا مادفعت للمعهد ولا شي انا اتفقت معهم ادفع اذا جيت وهم وافقو




( تمت المشاركة باستخدام تطبيق مبتعث )

أيش المقصود بخطاب السفارة ؟؟

اخوي الخطاب هو الرسالة اللي ترسلها لك السفارة عند قبول فيزتك الدراسيه ، فيها ملف بي دي اف وهذا هو الخطاب


( تمت المشاركة باستخدام تطبيق مبتعث )

يا اخوان لازلت انتظر اجابتكم ماهو المقصود بالproof of funds


( تمت المشاركة باستخدام تطبيق مبتعث )

يا اخ راكان لاترهق نفسك , مااحد راح يسألك عن الفلوس والمقصود proof of funds هو اثبات السيولة المالية . في بعض الحالات يسألو حاملي الفيزا السياحية اما الطلاب مثل ماوضحت لك المطلوب هو فيزا+ ورقة الموافقة على تصريح الدراسة + والقبول الدراسي اذا معك هذه الوثائق لاتقلق بشأن اي شي اخر .الامور اسهل بكثير مما تتخيل

الف شكر ماقصرتو ع الرد السريع بعض المواضيع تسال لمده شهر ولااحد يرد للاسف ؟؟؟ في ناس أمثالنا ما يعرفون شيء