شوف ..
افضل تخصصين راح يفيدونك بمستقبلك هي
هندسة الكترونيات و علوم حاسب !
وانا اشوف ان هندسة الالكترونيات هي الافضل والاقوى من جميع النواحي
لان لها مستقبل قوي جدا
ودراستها ممتعه خصوصا اذا كنت تحب تبتكر شي جديد !
لان هندسة الالكترونيات تخلي الواحد يغير نظرته وفكره
ويشوف اشياء جديده في حياته
لان الالكترونيات كلها ابتكارات وبتلاقي مخك شغال 24 ساعه !
بينما مستقبلها جمييييل جدا جدا
يعني كل القطاعات ماراح ترفضك
وتعطيك حرية الاختيار !
انا اعرف واحد كان يشتغل بارامكو وشغلته كانت بسيطه مررره
كان ينظف البيبات تبع ارامكو (هالكلام له اكثر من عشرين سنه )
بس بعد مده فتحها الله عليه وراح درس بامريكا وتخرج بهندسة الكترونيات
رجع لارامكو وعلى طول حطوه في منصب حلو وراتبه ماقل عن 10 الاف ريال
واللحين الرجال متزوج وعنده عيال ومدير على معامل ارامكو اللي براس تنوره ومرتاح
على انه تخرج بتخصص الكترونيات الا ان الشهاده تخصصها دايم مايخلون صاحبه في تخصصه !
وواحد ثاني اذكره نفس الشي تخصص الكترونيات شوفه عميد كلية الجبيل الصناعيه !
وبالنسبه للحاسب !
فايضا مجاله قوي لكن مو مثل قوة الالكترونيات !
لان علوم الحاسب راح تحتكر شغلك كله بتخصصك !
واحيانا يحطونك بس على كمبيوتر ويعطونك شغل مايعجبك يعني اقل من مستوى شهادتك ! وراتب مايعجبك !
انا ماقولك هالكلام الا لاجل تفكر بالشي عشرين الف مره قبل لاتسويه !
الحاسب حاجه مكتسبه واكثرية الطلاب يدرسون حاسب !
فلو درست علوم حاسب يمكن ماتحصل لك مكان !
لكن الالكترونيات مستحيل احد يرفضك ! وقليل اللي يدرسونها لانها صعبه نوعا ما مثل ماقلت لك يبيلها واحد مخه نظيف ويبدع
..
بس حبيت اطرح لك رأي
..
ولو اني انا من محبي الكمبيوتر ولو خيروني بين الالكترونيات وعلوم الحاسب باختار علوم الحاسب لاني اميل له اكثر من الالكترونيات :$
فانت وميولك :$ ..
اتمنى لك التوفيق
April 23rd, 2009, 02:59 PM
سلام عليكم ورحمة اللهاخواني بعد ما جلبت القبول و طلعت الفيزا
وكل اموري
احترت في التخصص
ما بين
هندسة كهربائية
وكمبيوتر ساينس
وهندسة حاسب
ماهو الافضل للمستقبل
ماهو القسم الممتع بالدرسه
يعني ابغا خلفيه عن 3 الاقسام وما الافضل فيها و الاجمل من جميع النواحي
وابغا اعرف ويش الالفضل لتكمل الدراسه الى ماستر و دكتوراه
وشكرا لكم