استفسار بخصوص بعض الاختبارات افيدونا ولا تبخلوا علينا يالذيابه

س1/ وش معنى اختبار التوفل ؟
Test of English as a Foreign Language = TOEFL
اختبار يقيس مدى قدرتك على فهم اللغة الانجليزية في المجال الأكاديمي
معترف فيه في جميع جامعات امريكا

س5 / وش معنى اختبار الايلس؟
International English Language Testing System = IELTS
هو اختبار اللغة الانجليزية دائما يستخدم في بريطانيا ومعترف في معظم جامعات امريكا

س2/ وش معنى اختبار جيمات؟
Graduate Management Admission Test = GMAT
هو اختبار يحتوي على اسئلة في الحسابات واللغة الانجليزية
بحيث يقيس مدى قدرتك على النجاح في الدراسات التابعه لتخصص إدارة الأعمال والتخصصات التابعه لكلية الــ Business

س3 /وش معنى اختبار جي ار ؟
Graduate Record Examination = GRE
اختبار يقيس مهارات التفكير في مجالات الرياضيات والمفردات والتحليل
دائما يكون احد المتطلبات للدراسة الاكاديمية في أمريكا

*** طبعا تختلف الدرجة المطلوبة في جميع الاختبارات على حسب الجامعه

س4 / وش معنى قبول مشروط وقبول غير مشروط ؟
قبول مشروط: الحصول على قبول من جامعه بشرط اتمام لباقي متطلبات الجامعه مثل اللغة الانجليزية و اختبارات الجي ار اي وغيرها وتكون بداية دراستك بالجامعه بعد ما تخلص من دراسة اللغة وغيرها
قبول غير المشروط: هو قبول عادي نفس اللي عندنا في الجامعات تقدم اوراقك للجامعه وتبدأ دراستك مع بداية الجامعه



انشاءالله تكون الاجابات واضحه بالتوفيق لك اخوي

اشهد بالله ياسيد المدنيه انك شنب وطالعن من ظهر رجال ,,,

بيض الله وجهك وجزاك الله الف خير وجعله الله في موازين اعمالك ,,,
وبالثلث الاخير هالحين وقتي ويالله انك توفق سيد المدينه وين ماراح وتحفظه من كل مكروه ..

اللهم آيمن وياك يارب وكل المسلمين
الله يوفقك الله اخوي بدراستك ويسهللك دربك