مساعدة خريج علوم حاسبات وابغى اكمل في الشبكات بس مادري ؟!!!!

ايوه عادي تقدر تكمل في شبكات ولاتنسى انه علوم حاسب فيله اكثر من فرع وفي طلاب علوم حاسب وتخصصوا بالماستر شبكات واللي تخصص تقنية واللي تخصص نظم ماعندك مشكلة ان شاءالله

وبالنسبة للادارة مع الحاسب ماعندي خلفية

انت اهم حاجة ايش ميولك واطلع على مواد التخصص هل تناسبك وتقدر تمشي معاها وشوف ايش اللي له مستقبل


والله يوفقك

شكرا اخوي على ردك والله انك طمنتني شوية

الله يعطيك العافية على ردك السريع واجابتك المطمنة ... بس اخوي الله يعافيك انا ما عندي اساسيات في الشبكة وماني عارف كيف ادخل التخصص واكمل فيه وانا ما عندي اي خلفية

والله ماني عارف ايش اسوي

يعطيك العافية ومشكور ثاني مرة اخوي الله يجعله في ميزان حسناتك


واي احد يقدر يخدمني في دا الموضوع ياريت يساعدني لاني من جد متوتر

الله يجزاكم خير

الله بعافيك وانا بنت مش ولد
طيب اقراء عن مجال الشبكات كلنا درسنا بجامعة الملك عبدالعزيز واخذنا كورس واحد بالشبكات
واعتقد كان فيه الاساسيات او بصورة اصح لمحة موجزة عن الشبكات حاول تسترجع الماضي
وشوف االجامعة اللي يتقدم عليها ممكن يسوون دورات في الشبكات سجل فيها وصدقني راح تكتمل لك مفهوم الشبكات

الله يعطيكي العافية اختي على ردك

واسفين على الخطا بس ترا من التوتر والواحد ما سار يفرق .... معليش

يب انا معاكي انه كان في لمحة عن الشبكات بس اذا الدكتور اللي درسك كان ........ ايش حتسوي ؟؟

وكمان ما حطولنا كورسات عملية الله يهديهم يعني من جد نسيت المادة مزبوط ... ماني عارف ايش اسوي الان

مشكورة اختي على ردك واتمنى الاقي حل لمشكلتي

الله يجعله في ميزان حسناتك يارب

مافي احد يقدر يساعدني

والله اني ماني عارف ايش اسوي ... دورت على جامعات معترفة من قبل التعليم العالي في قسم الشبكات.. مالقيت الا في كاليفورنيا وفلوريدا لكن ما ادري عن قوة الجامعات دي وهل هي ممتازة ام سيئة

ياريت احد يساعدني في الموضوع

حياك الله اخوي
ماجستير في الشبكات منتشر بأمريكا
ابحث عن Master of Computer Science concentrate on Networking
وانشاءالله راح تحصل كثير

ولما تقدم على الجامعه راح يشوفون في الترانسكربت حقتك انك ما درست غير مادة شبكات وحده
فممكن يطلبون منك تدرس مادة او مادتين Prerequisites في الشبكات بعدين تبدأ بدراسة مواد البرنامج الاساسية

بالتوفيق لك اخوي

^
سيد الله يعطيك العافية ..

وانا كمان ناوي اكمل في الشبكات .. ولسا ماطلعت من السعودية ..

//

صااحب الموضوع سوري على القطة .. بس من درسك شبكات

انا اخذتها عند مدكور

الله يعطيك العافية اخوي على ردك .. واسف على التاخير بس انشغلت شوية ... بس اخوي المشكلة مو في كثرة الجامعات ... المشكلة انه مافي جامعة معترفة من قبل الملحقية في قسم الشبكات الا كم وحدة بس

بس والله ردك طمني الله يعطيك العافية

هههههههه لا حبيبي عادي كلنا ورطانين والشباب هنا ما يقصرو ما شا ءالله

انا كمان اخدتها عند مدكور ... بس مادة وحدة ما تكفي المشكلة ودا اللي خايف منه بس كلام سيد المدينة طمني شوية الحمد لله

كيف وضعك انت دحين لقيت جامعات او لسا بتقدم ؟

طيب ايش تنصحوني شباب

M I S ولا شبكات

بصراحة قعدت اقرا عن الشبكات لقيت انه اللي عنده دورات من سيسكو يمكن افضل من اللي يدرس ماجستير في الشبكات

مادري كلامي صح ولا لا

وشكلي بحول على MIS مع اني خريج علوم حاسب ... بس بعد ما اتاكد من المعلومة اللي ذكرتها

ياريت اللي يقدر يساعدني لا يبخل علي

يعطيكم العافيا