هل الماستر مفيد يا اهل الحاسب ولا صارت موضة؟!!

مسائكم ورد يا اهل الحاسب

انا الأن خريج مستوى ثامن في جامعة الملك سعود كلية الحاسب تخصص علوم حاسب ومعدلي المتوقع من 3.0 الى 3.1 والتفكير والحيرة لعبت بي لعب لأني محتار بين خيارين وابغى اشوف ارائكم ونستفيد من بعض:

الخيار الأول:بعد التخرج ابحث عن وظيفة مع ان معدلي متدني ولا اعلم هل اجد أو لا وميزة هذا الخيار ان هناك مردود مالي اللي هو راتب بإذن الله وخبرة ايضا ولكن من عيوبة احتمال وجود وظيفة واذا وجدت مثلا هل ستكون مناسبة وتفيد للمستقبل ام لا واذا و لازم يضيع من عمري 3 شهور 4 شهور انتظر وظيفة من غير فائدة خاصة وان عمري 23 سنه يعني اشوف نفسي كبير شوي وما ودي اضيع وقتي

الخيار الثاني:ان اسافر لدراسة الماستر وميزة هذا الخيار انه ان شاء الله شبه مضمون وبسيط الحصول عليه و فائدة انا اتوقعها انه لا يمكن ان تحصل على وظيفة محترمة او تترقى من دون أن تكون عندك لغة انجليزية ممتازة جدا وهذي انا اشوفها ميزة بالابتعاث ولكن يقولون ان من عيوب الابتعاث انه ممكن تذهب وترجع ويكون وضعك كما يقال مكانك سر يعنني اللي نفس شهادتي وبقوا في السعودية سأكون مثلهم في والظيفة بل بالعكس هم يعملون قبلي فسيكون فرصة ترقيهم وحصولهم على رواتب اكبر من انا اللي ضيعت وقتي في الماستر



نقطة أخرى انا تقريبا حصلت على شهادة CCNA هل ممكن تفيدني وتساعدني بالوظيفة خاصة ان معدلي موب كويس ولا الأن لم تعد شهادة قوية وهل تنصحوني اكمل في شهادة سيسكو مثل CCNP او غيرها او مالها داعي في الفترة هذي وهل هناك شهادة غيرها ممكن تفيدني في التوظيف


اسف على الأطالة لكن ان شاء الله استفيد انا وغيري من خبراتكم